ខេត្តប៉ៃលិន ៖ ក្រុមគយ ចល័ត បានចុះចាប់ឥដ្ឋការពារកំដៅថ្ងៃ ចំនួន ៣២កេះធំៗ { ១កេះ ទម្ងន់ជាង១តោន }មិនបង់ពន្ធ ដែលគេនាំចូល ពីប្រទេសថៃ ចូលមកកម្ពុជា តាមច្រកទ្វារអន្តរជាតិព្រុំ ខេត្តប៉ៃលិន ដែលគ្រប់គ្រងដោយលោកទីប៊ុនឡង់ ។ករណីយ៍ចាប់ បានកើតឡើង កាលពីវេលាម៉ោង៦ និង ៣០នាទីល្ងាច ថ្ងៃទី២៣ ខែកក្កដា ឆ្នាំ២០១៨ ស្ថិតនៅការដ្ឋាន កំពុងសាងសង់ អគារមួយកន្លែង ដែលមានម្ចាស់ ឈ្មោះ សេង ឈុនឡេងជាឧកញ៉ា នៅទល់មុខកាស៊ីណូ { ដឹហ្កដអហ្វវិល } ចំងាយពីច្រកទ្វារ អន្តរជាតិព្រុំ ប្រហែល ៥០០ម៉ែត្រ ស្ថិតក្នុង ភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
គេឃើញមានការអន្តរាគមន៍ ពីលោកស្រី ស៊ុំ ហ៊ាង ប្រធានមន្ទីរពាណិជ្ជកម្មខេត្តប៉ៃលិន ផងដែរ តែមិនអាច សម្របសម្រួលបាន ដោយខាងគយ យកគ្រឿងចក្រ ទៅចូកដឹកតាមរថយន្តទាំងយប់ រហូតទាល់តែអស់ ពីកន្លែងការដ្ឋាន តែម្តង ។ប្រភពព័ត៌មាន ពីមន្ត្រីគយ និងរដ្ឋាករចល័ត បានបង្ហើបឲ្យដឹងថា បន្ទាប់ពីបែកធ្លាយ ព័ត៌មានមួយនេះ លេចឮទៅដល់ថ្នាក់លើ ក៍បានបញ្ជាឲ្យពួកគាត់ ចុះទៅរឹបអូស យកឥដ្ឋការពារកំដៅថ្ងៃ ចំនួន ៣២កេះធំៗ ដែលមានទម្ងន់ ប្រហែល ៣២តោន យកទៅរក្សាទុក នៅក្នុងផែស្ងួត ជាបណ្តោះអាសន្ន ដើម្បីរង់ចាំ ធ្វើការដោះស្រាយ គឺត្រូវឲ្យម្ចាស់បង់ពន្ធជូនរដ្ឋ តាមការកំណត់ផងដែរ ។
ចំណែក លោកឧកញ៉ា សេង ឈុនឡេង ជាម្ចាស់ឥដ្ឋខាងលើ បានឲ្យដឹងថា ការនាំឥដ្ឋចូលមក ក្នុងខេត្តប៉ៃលិន ដើម្បីសាងសង់អគារ ផ្ទះរបស់ខ្លួន កាលពីរសៀលថ្ងៃទី២១ ខែកក្កដា ដោយចំថ្ងៃសៅរ៍ ហើយខាងការិយាល័យគយ និងរដ្ឋាករច្រកទ្វារព្រុំ នឹងសាខាគយ នឹងរដ្ឋាករ ខេត្តប៉ៃលិន អត់ទាន់ចុះហត្ថលេខា លើក្រដាសស្នាមបង់ពន្ធ នាំចូលនោះទេ ឲ្យរង់ចាំដល់ថ្ងៃធ្វើការសិន ។
ហើយស្រាប់តែ ខាងគយ និងរដ្ឋាករចល័ត ចុះទៅរឹបអូស យកទាំងអស់តែម្តង ។ការចុះបង្ក្រាបចាប់ទំនិញអត់បង់ពន្ធមួយករណិយ៍នេះជាភស្តុតាងបង្ហាញអំពីការឃុបឃឹតប្រព្រឹត្តបទល្មើសពុករលួយដែលបង្កឡើងរវាងគយប្រចាំច្រកព្រុំគ្រប់គ្រងដោយលោកទីប៊ុនឡង់ នឹងគយខេត្តដែលគ្រប់គ្រងដោយលោក សំ សុវណ្ណារិទ្ធ ជាមេសាខាគយខេត្ត ។
សូមបញ្ជាក់ថាកាលពីថ្ងៃទី២៩ ខែមីនា ឆ្នាំ២០១៧ មេគយថ្មី២នាក់ត្រូវបានប្រកាសឲ្យចូលមកកាន់តំណែងដឹកនាំគយខេត្តប៉ៃលិនគឺលោក សំ សុវណ្ណារិទ្ធអត្តលេខ១១១៩ ផ្លាស់មកពីខេត្តមណ្ឌលគិរីមកជា ប្រធានសាខាគយខេត្តប៉ៃលិនជំនួសលោកទុំណូដែលចាយលុយផ្លាស់ទៅខេត្តព្រះសីហនុនិងមានឈ្មោះ លោក ទី ប៊ុនឡង់ជាអនុប្រធានទទួលជា ប្រធានការិយាល័យគយប្រចាំច្រកអន្តរជាតិព្រំជំនួសលោករិតគង់មេគយច្រកដែលស្លាប់ដោយក្រឡាប់ឡាន។
ក្រោយពីវត្តជាមេគយវាក៏មានសេចក្ដីរាយការណ៍ ថា លោក ទី ប៊ុនឡង់ ជាមរគយ ប្រចាំច្រកទ្វារអន្តរជាតិព្រំ ដែលមានការបើកដៃ ពីលោក សំ សុវណ្ណារិទ្ធ ប្រធានសាខាគយខេត្តប៉ៃលិន បានបន្តវប្បធមិមេគយចាស់គឺបើកដៃ ឲ្យឈ្មួញនាំចូលទំនិញគេចពន្ធ និងទំនិញបង់ពន្ធមិនគ្រប់ ដែលគេជឿថាដើម្បីស្រង់ដើមដែលចំណាយរត់ការផ្ទេរចូល។សេចក្តីរាយការណ៍ដដែលបាននិយាយថានៅច្រកព្រុំ មានឈ្មួញធំៗ ប្រមាណ៦ទៅ៧នាក់ពិសេសឈ្មួញមានអំណាចនៅខេត្តប៉ៃលិន បានរកស៊ីនាំទំនិញខាងលើ ពី ប្រទេសថៃ ជាច្រើនឆ្នាំមកហើយ ដឹកតាមរថយន្តកុងតឺន័រ និងរថយន្តយីឌុប ដោយក្រុមឈ្មួញបាន ឃុបឃិតជាមួយមន្ត្រីគយ ពុករលួយក្លែង ប្រភេទមុខទំនិញពីទំនិញ ថ្លៃមកជាប្រភេទទំនិញចម្រុះ ពីរថយន្តស៊េរីទំនើបឲ្យ ទៅជារថយន្តកាប់សាច់ (រថយន្តជជុះ) ដើម្បីបង់ពន្ធទាបត្រឹម៣០ ទៅ៤០ភាគរយប៉ុណ្ណោះ ។
ដោយសារគយជួយសម្រួលក្រុមឈ្មួញបានសម្រុកនាំចូលទំនិញដូចជា ប្រភេទរថយន្តស៊េរីទំនើបៗ ដែលឈ្មួញថាជារថយន្តកាប់សាច់ដឹកតាមកុងតឺន័រចូលពីប្រទេសថៃតាមច្រកព្រំដែនអន្តរជាតិព្រុំនៃខេត្តប៉ៃលិនមិនតិចជាង៣០០គ្រឿងឡើយក្នុងមួយខែៗ ។ ក្រៅពីនេះក៏មានដូចជាស្រាបៀរ ភេសជ្ជៈគ្រប់មុខ និងទំនិញចាប់ហួយជាដើមត្រូវបានឈ្មួញធ្វើការនាំដោយក្រុមឈ្មួញបានឃុបឃិតជាមួយមន្ត្រីគយ ដើម្បីបង់លុយក្រៅប្រព័ន្ធចូលហោប៉ៅមន្ត្រីគយតែម្តង ។ ប៉ុណ្ណឹងហើយ មិនអស់ចិត្តគយសមយ័លោកលោក សំ សុវណ្ណារិទ្ធនិង លោក ទី ប៊ុនឡង់នៅបញ្ជារឲ្យកូនចៅកៀបស៊ីលុយប្រជាពលរដ្ឋដឹកបន្លែបន្តិចបនតួចតាមម៉ូតូចូលមកលក់ចិញ្ចឹមជិវិតថែមទៀតដែលធ្វើឲ្យមានការក្តៅក្រហាយចេញមកតវា។
បើតាមការបង្ហើប ឲ្យដឹងពីក្រុមមន្ត្រី នៃស្ថាប័នពាក់ព័ន្ធប្រចាំច្រកទ្វារអន្តរជាតិព្រំ ខេត្តប៉ៃលិន បានឲ្យអង្គភាព យើងដឹងកាលពីថ្ងៃទី២១ ខែកក្កដា ឆ្នាំ២០១៨ ថា គេដឹងយ៉ាងច្បាស់ថា ភាពមិនប្រក្រតី របស់មេគយដ៍មហិមាទាំងពីរ គឺលោក ទី ប៊ុនឡង់ នឹងលោក សំ សុវណ្ណារិទ្ធ ហ៊ានឃុបឃិត ឲ្យឈ្មួញដឹកទំនិញលោតឆ័ត្រ ពីប្រទេសថៃ ចូលមកកម្ពុជា ដោយមិនចាំបាច់ បង់ព័ន្ធជូនរដ្ឋនេះ ក៍ដោយសាមានអាងខ្នងបង្អែក ដ៍រឹងមាំ នៅអគ្គនាយកដ្ឋានគយ នឹងរដ្ឋាករកម្ពុជា ។
រហូតមកដល់ពេលនេះ គេនៅពុំទាន់ឃើញ លោក គុណ ញឹម អគ្គនាយកដ្ឋានគយ នឹងរដ្ឋាករកម្ពុជា ចាត់វិធានការណាមួយ ទៅលើបុគ្គ ទី ប៊ុនឡង់ នាយការិយាល័យគយ នឹងរដា្ឋករ ប្រចាំច្រកទ្វារអន្តរជាតិព្រំ ខេត្តប៉ៃលិន នឹងលោក សំ សុវណ្ណារិទ្ធ ប្រធានសាខាគយ នឹងរដ្ឋាករ ខេត្តប៉ៃលិន នៅឡើយទេ។
