ភ្នំពេញ ៖ វត្តមាននៅកម្ពុជាក្នុងកម្មវិធីជប់លៀងរបស់មជ្ឈមណ្ឌលកែសម្ផស្ស ឌែម៉ូគ្លីនិក នៅសណ្ឋាគារសូហ្វីតែលកាលពីល្ងាចថ្ងៃទី២៤ក្កដាតារាសម្ដែង និងចម្រៀថៃនាងខេតទ្រីយ៉ាអ៊ិងលិស( Katreeya English) ដែល ឈានចូលវ័យ៤២ឆ្នាំហើយ តែសម្រស់នៅតែស្អាតផូផង់ មិនចាញ់តារាជំនាន់ក្រោយនោះទេបានធ្វើឲ្យមានការចាប់អារម្មណ៍។
តែអ្វីដែលធ្វើឲ្យមានការភ្ញាក់ផ្អើលជាងគឺវត្តមានអតីតតារាសម្ដែងនិងម៉ូឌែលនាង ស្រីម៉ុចដែលគេស្គាល់ឈ្មោះថាជីដូនកាកីក៏បាន ធ្វើឲ្យទស្សនិកជនស្រលាំងកាំង ស្ទើរមិនហ៊ានប្រិចភ្នែក ដោយសារឈុតសម្លៀកបំពាក់សិចស៊ីមិនធម្មតា បែបប៊ីគីនី វាលគល់ភ្លៅ ស្ទើរតែចេញតំបន់សំខាន់ទៅហើយ ពេលស្រីម៉ុច សម្តែងរួមគ្នាជាមួយតារាថៃ Katreeya English ។
ក្នុងកម្មវិធីនោះខេត( Kat )ស្លៀករ៉ូបវែងអូសដីពណ៌ទឹកមាស ធ្វើឲ្យតារាកម្ពស់ ១ម៉ែត្រ៦៥ រូបនេះកាន់តែស្រស់ស្អាត ប្រៀបដូចព្រះនាងក្នុងរឿងនិទាន។ តែ ជីដូនកាកី ជាមួយឈុតវាលគល់ភ្លៅ មានកំណាត់រំយោលពីក្រោយ មកដើរបង្ហាញម៉ូដ និងរាំអមជាមួយតារាថៃយ៉ាងរស់រវើក ធ្វើឲ្យម្នាក់ៗសម្លឹងមិនដាក់ភ្នែកនឹងឈុតស៊ីអារម្មណ៍ព្រមទាំងជើងដ៏ស្រឡូនរបស់នាងផងដែរ។
ក្រោយពីរូបភាពសិចស៊ីរោលអារម្មណ៍ ស្ទើរឈាមច្រមុះរបស់ ជីដូនកាកីត្រូវបានផ្សព្វផ្សាយអ្នកនាងស្រីម៉ុចដែលមានស្វាម៉ីនៅប្រទេសសឹង្ហបុរីទទួលរងការរិះគន់យ៉ាងចាស់ដៃពីអ្នលេងបណ្តាញសង្គមថាជាស្រីអាសធ្វើឲ្យខូចប្រពៃណីវប្បធមិខ្មែរ។គ្មានខឹងសម្បារអ្វីឡើយអ្នកនាងស្រីម៉ុចឆ្លើយតបវិញតាមបណ្តាញសង្គមយ៉ាងខ្លីថាអរគុណ!!!។
លោកស្រី ហូវ ដាណេ អគ្គនាយិកា”ឌែរម៉ូ គ្លីនិក”ម្ចាស់កម្មវិធីបានឲ្យដឹងថា ពិធីជប់លាងដែលរៀបចំឲ្យមានអ្នកសិល្បៈជាច្រើនចូលរួម ច្រៀងក៏ដូចជាការដើរបង្ហាញម៉ូដ ផងដែរនេះធ្វើឡើងក្នុងគោលបំណងដើម្បីថ្លែងអំណរគុណដល់អតិថិជនសំខាន់ៗដែលតាំងតែគាំទ្រដល់សេវាកម្មរបស់ គ្លីនិកកន្លងមក។ ចំពោះការអញ្ជើញតារាថៃ Katreeya English មកកម្មវិធីនេះ អគ្គនាយិការូបនេះ បានបញ្ជាក់ឲ្យដឹងថា ដោយសារ Kat ជាតារាចម្រៀងម្នាក់ដែលតែងតែទទួលការថែរក្សាសម្ផស្សនៅគ្លីនិក ដែលជាដៃគូមួយជាមួយគ្លីនិកអ្នកស្រី នៅទីក្រុងបាងកក។ ក៏មានវត្តមានតារាខ្មែរផ្សេងៗចូលរួមរួមផងដែរ ៕
