លោក ទា ងួន មេឃុំស្វាយសាច់ភ្នំ បានប្រាប់ក្រុមអ្នកសារព័ត៌មានថា អាណត្តិនេះ ប្រជាពលរដ្ឋនៅក្នុងឃុំរបស់លោកពួកគាត់ ស្វែងយល់បានច្រើនពីគណបក្យនយោបាយមួយ ដែលតែដើរឃោសនាបោកប្រាស់ភូតកុហក់ប្រជាពលរដ្ឋ ញុះញង់ប្រជាពលរដ្ឋឩ្យមានការយល់ច្រឡំទៅលើថ្នាក់ដឹងនាំសុទ្ធតែថា ថ្នាក់ដឹកនាំអញ្ចេះថ្នាក់អញ្ចុះ ។
លោកមេឃុំបន្តថា ឥឡូវនេះ បន្ទាប់ពីទទួលបានការស្ថាបនាផ្លូវជាតិលេខ 70B ប្រវែង16គីឡូម៉ែត្រ ពីឃុំព្រែករំដេងដល់ឃុំព្រែកពោធិ ដែលជាអំណោយដ៍ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្យប្រជាជនកម្ពុជា និងជានាយករដ្ឋមន្ត្រីនៃព្រះរាជាណាចក្រកម្ពុជានោះ ទើបពួកគាត់ភ្ញាក់ខ្លួនថា សម្តេចប្រមុខរាជរដ្ឋាភិបាលមិនមែនមិនយកចិត្តទុកដាក់ចំពោះពួកគាត់នោះទេ បានជាពួកគាត់នាំគ្នាប្រកាស់ថា និងនាំគ្នាទៅបោះឆ្នោតជូនគណបក្យប្រជាជនកម្ពុជាគ្រប់ៗគ្នានៅថ្ងៃទី29ខែកក្កដា។
ដោយឡែក លោក អ៊ួ គឹមអេង ហៅ ដើក ប្រធានអាចារ្យគណកម្មការវត្តស្វាយសាច់ភ្នំ បានប្រាប់ក្រុមអ្នកសារព័ត៌មានថា បន្ទាប់ពីឯកឧត្តម គួច ចំរើន ឡើងមកធ្វើជាអភិបាលនៃគណអភិបាលខេត្តកំពង់ចាមមក មិនថាតែប្រជាពលរដ្ឋនៅទីនេះនោះទេ គឺប្រជាពលរដ្ឋរស់នៅក្នុងខេត្តកំពង់ចាមទាំងមូល ដែលចូលចិត្តនិងគោរពស្រឡាញ់ឯកឧត្តមគ្រប់ៗគ្នា ។ ព្រោះមិនថាក្តៅឬត្រជាក់ ភ្លៀងឬផ្គរទេ គេតែងតែសង្កេតឃើញថាឯកឧត្តមចុះជាប់ជាមួយប្រជាពលរដ្ឋ ។ ជាពិសេស ការកសាងហេដ្ឋារចនាសម្ព័ន្ធក្នុងអាណាចក្រខេត្តកំពង់ចាមទាំងមូល ។
ជាក់ស្តែង ដូចជាផ្លូវជាតិលេខ70B ដែលសម្តេចអគ្គមហាសេនាបតីតេជោនាយករដ្ឋមន្ត្រីបានផ្ត់ឩ្យប្រជាពលរដ្ឋតាមរយៈលោកឧកញ៉ាថៃ ជាហួត ប្រធានក្រុមហ៊ុនសំណង់បុរី ប៉េងហួតដែលចំណាយអស់ថវិកាប្រមាណជា6លានដុល្លាសហរដ្ឋអាមេរិកនោះ គឺឯកឧត្តម គួច ចំរើន តែងតែឧស្សាចុះមកត្រួតពិនិត្យមើលការសាងសង់ដោយផ្ទាល់ជាច្រើនលើកច្រើនសារ ។ ព្រោះខ្លាចការសាងសង់របស់ជាង មិនត្រឹមត្រូវតាមលក្ខណៈបច្ចេកទេស ឬមានការយឺតយ៉ាវ នាំឲ្យប្រជាពលរដ្ឋពិបាកក្នុងការធ្វើដំណើរ ។ មួយវិញទៀត ក៍ដើម្បីបានដឹងពីសុកទុក្ខរបស់ប្រជាពលរដ្ឋផងដែរ ។
លោក អ៊ួ គឹមអេង បន្តថា ដូច្នេះហើយដើម្បីជាកិច្ចតបស្នងសងគុណចំពោះឯកឧត្តម គួច ចំរើន ក៍ដូចជាសម្តេចប្រមុខនៃរាជរដ្ឋាភិបាលកម្ពុជាពួកយើងខ្ញុំ ដែលជាប្រជាពលរដ្ឋរស់នៅក្នុងខេត្តកំពង់ចាមទាំងមូល មានតែនាំគ្នាទៅបោះឆ្នោតជូនគណបក្យប្រជាជនកម្ពុជាទាំងអស់គ្នានៅថ្ងទី២៩ ខែកក្កដខាងមុខនេះ និងមានតែខំបួងសួងសូមឩ្យទេវតាតាមជួយថែរក្សា ឯកឧត្តម និងសម្តេចនាយកព្រមទាំសម្តេចកិត្តិព្រឹទ្ធបណ្ឌឹត និងក្រុមគ្រួសារសូមឩ្យមានសុក្ខភាពល្អអាយុ យឺនយូរប្រាជ្ញាឈ្លាសវៃ ដើម្បី និងបន្តដឹកនាំខេត្តក៍ដូចជាប្រទេសកម្ពុជាឲ្យ កាន់តែសម្បូររុងរឿងជាងនេះបន្ថែមទៀត ៕
