ខេត្តរតនគិរី៖ ជនសង្ស័យជនជាតិឡាវម្នាក់ត្រូវបានកម្លាំងប៉ុស្តិ៍នគរបាលកាពារព្រំដែនលេខ៤០៧(កន្ទុយនាគ) បានហសការជាមួយកម្លាំងកងអនុសេនាតូចទី៣(យោធាកន្ទុយនាគ) និងកម្លាំងឧទ្យានវរៈជ័យ(កន្ទុយនាគ) បានត្រួតពិនិត្យឃាត់ខ្លួនពីបទចរាចរសារធាតុញៀន ។
ការឃាត់ខ្លួនជនសង្ស័យចរាចរណ៍គ្រឿងញៀននោះ បានប្រព្រឹត្តនៅវេលាម៉ោង១៦.០០នាទីព្រឹកថ្ងៃសុក្រ ១ កើតខែទុតិយាសាធ ឆ្នាំចសំរឹទ្ធិស័ក ព.ស ២៥៦២ ត្រូវនឹងថ្ងៃទី១៣ ខែកក្កដា ឆ្នាំ២០១៨ ត្រង់នៅចំនុចកងអនុសេនាតូចទី៣ (យោធាកន្ទុយនាគ)។
ប្រភពពីនគបាលវរៈការពារព្រំដែនគោកបានឱ្យដឹងថា ជនសង្ស័យដែលឃាត់ខ្លួនបានឈ្មោះថាវ ស៊ឺន ភេទប្រុស អាយុ ៤៣ឆ្នាំ ជនជាតិព្រៅ(សព្ជាតិឡាវ) ចរាចរសារធាតុញៀនចេញពីប្រទេសឡាវ ចូលមកទឹកដីនៃប្រទេសកម្ពុជា ហើយក៏ត្រូវកម្លាំងសហការបានត្រួតពិនិត្យសភាពការណ៍សន្តិសុខសណ្ដាប់ធ្នាប់ តាមបន្ទាត់ព្រំដែនជួបប្រទះនិងធ្វើការឃាត់ខ្លួនបានតែម្តង។ ហើយខណៈនោះ សមត្ថកិច្ចដកហូតបានវត្ថុតាងជាក់ស្ដែង រួមមាន ៖ ថ្នាំញៀនមេតំហ្វេតាមីនទម្ងន់៤៤៣.០៨ក្រាម។
នាឡិកាដៃមួយខ្សែរលុយឡាវចំនួន៧៧ ០០០គីប សៀវភៅគ្រួសារជនជាតិឡាវចំនួន០១ក្បាលផងដែរ។
ប្រភពបន្តថា នៅព្រឹកថ្ងៃទី១៤ខែឆ្នាំដ៏ដែលលោកឧត្តមសេនីយ៍ត្រី ហេង រតនៈស្នងការរងទទួលផែនការងារព្រំដែនបានទំនាក់ទំនងជាមួយលោកមេបញ្ញាការកងទព័ការពារព្រំដែនវៀតណាមខេត្តកន្ទូម ដើម្បីនាំខ្លួនជនសង្សយ័មកស្នងការដ្ឋានខេត្តរតនគិរី។
លុះដល់ថ្ងៃទី១៧ ខែឆ្នាំដដែល ទើបភាគីវៀតណាមសហការ និងបញ្ជូនជនសង្ស័យ រួមទាំងវត្ថុតាងមកដល់ច្រកទ្វាអូរយ៉ាដាវ ។
កិច្ចប្រតិបត្តិការណ៏សហការរួមដំណើដោយលោកឧត្តមសេនីយ៍ត្រី មុត ទីលី ស្នងការរងនៃស្នងការដ្ឋានខេត្តរតនគីរី។
លោកវរសេនីយ៍ឯក ថេង ចន្ទ័ធី មេបញ្ជាការវរសេនាតូចការពារព្រំដែនគោកលេខ២០៣ បានធ្វើកំណត់ហេតុប្រគល់ជនសង្ស័យ និងវត្ថុតាងជូនលោកវរសេនីយ៍ទោ លាង អ៊ីម នាយការិយាលយ័ប្រឆាំគ្រឿងញៀន នៃស្នងការដ្ឋាននគរបាលខេត្តរតនគីរីដើម្បីចាត់ការតាមនិតិវិធីបន្ត ៕
ដោយ ៖ ចាប សំអាន
