ខេត្តសៀមរាប៖ ការ ចាប់ខ្លួនលោក ឆោម ស៊ីថាអាយុ៥៥ឆ្នាំចាងហ្វាងកាសែត ដំណឹងកម្ពុជា ដោយនគរបាលស្រុកស្វាយ តាមបទបញ្ជា លោកព្រះរាជអាជ្ញាខេត្តសៀមរាបកាលពីយប់ថ្ងៃទី១០ ខែកក្កដា ឆ្នាំ២០១៨ វេលាម៉ោង ០៨ និង ១៥នាទីដោយសាឈ្មួញឈើប្តឹងពីការ អាវុធ បាញ់បោះគំរាមគំហែងពេល ធ្វើដំណើរតាមរថយន្ត នៅមិនទាន់រកការពិតឃើញនៅឡើយក្នុងពេលដែលអ្នកកាសែតរូបនោះត្រូវបានបញ្ជូនទៅដាក់គុកបាត់ទៅហើយកាលពីថ្ងៃទី១៣កក្កដា ។
លោក យិន ស្រាង អ្នកនាំពាក្យរបស់សាលាដំបូងខេត្តសៀមរាប បានឲ្យដឹងតាមទូរស័ព្ទថា អ្នកកាសែតឈ្មោះឆោម ស៊ីថា ភេទប្រុសដែលត្រូវសមត្ថកិច្ចស្រុកស្វាយលើចាប់ឃាត់ខ្លួននោះ ចៅក្រមស៊ើបសួរនៃសាលាដំបូងខេត្តសៀមរាបលោក អ៊ុំចាន់ថុល បានចេញដីការសម្រេចឃុំ ខ្លួនដាក់ពន្ធនាគារ ជាបណ្តោះអាសន្នហើយនៅព្រឹកថ្ងៃទី១៣ខែកក្កដានេះដោយចោទប្រកាន់ចំនួនពីរបទល្មើស ។
លោកបន្តថា បទល្មើសទី១ “ប្រើប្រាស់អាវុធខុសច្បាប់” និងទី២ “គំរាម កំហែង ដោយមានបញ្ជារឲ្យបំពេញលក្ខណៈអ្វីមួយ” តាមមាត្រា៤៩០និងមាត្រា២៣២នៃក្រមមព្រហ្មទណ្ឌ ។
ទោះជាយ៉ាងនេះក្តី នៅក្នុងបទសម្ភាសន៍មុនពេលបញ្ជូនទៅតុលាការ លោក ឆោម ស៊ីថា បញ្ជាក់ថា រូបលោកមិនដែលមានកាំភ្លើងប្រើនោះទេ ហើយស្ទើរតែមិនដែលស្គាល់កាំភ្លើងច្បាស់ផង ព្រោះរូបលោកមិនធ្លាប់ធ្វើជាកងកម្លាំងអ្វីសោះ ចេញពីបួសជាព្រះសង្ឃគឺធ្វើជាអ្នកកាសែតរហូត ។
ចឹងទេ បើរឿងប្រើប្រាស់កាំភ្លើងពិតជាមិនមានឡើយ ។ លោកបានបន្តថា នៅថ្ងៃកើតហេតុ រូបលោកដេកក្នុងស្នាក់ការរហូតម៉ោង៦ល្ងាច ទើបប្អូនហៅផឹក ។
លុះចប់ពីផឹកអំឡុងម៉ោង៨យប់ ក៏បើកឡានមកស្នាក់ការវិញ តែត្រូវសមត្ថកិច្ចស្ទាក់ឆែកឡាន សួររកកាំភ្លើងតែម្តង ។ ភ្លាមៗលោកអនុញ្ញាតឲ្យឆែក លុះឆែកមិនឃើញមានកាំភ្លើងហើយ សមត្ថកិច្ចបែរជាដាក់ខ្នោះដៃរូបលោកទៀត។
តាមពិតរូបលោកមិនបានដឹងរឿងថា មានអ្នកណាដឹកអីវ៉ាន់ពីណាទៅណា ហើយមានការប្រដេញឡានគ្នា ដូចសមត្ថកិច្ចថានោះទេ។ នេះជាការចោទប្រកាន់រូបលោកខុសតែម្តង។ យ៉ាងណា លោកបានសុំឲ្យតុលាការ បើកការស៊ើបអង្កេតដោយជាក់លាក់ មុនពេលផ្តន្ទាទោសរូបលោក ។
ករណីយ៍ចាប់ខ្លួននោះ លោក អាត់ អេង អធិការស្រុកស្វាយលើបានឲ្យកាសែតដឹង ថា មុនពេលចាប់ខ្លួនលោកបានទទូលបញ្ជាពីលោកព្រះរាជអាជ្ញា ខេត្តសៀមរាប ឲ្យដឹកនាំកម្លាំងរបស់លោក ដើម្បីចាប់ខ្លួនលោក ឆោម ស៊ីថា ជាចាងហ្វាង ការសែតដំណឹងកម្ពុជា ក្រោមបទចោទប្រកាន់ពីបទប្រើកាំភ្លើង និងបាញ់ចំនួន ២ គ្រាប់ គំរាមទៅដល់ប្រជាពលរដ្ដដែលកំពុងធ្វើដំណើរនៅត្រង់ចំណុចក្បាលប្រឹស ភូមិអង្កាញ់ ឃុំស្វាយលើ ស្រុកស្វាយលើ ខេត្តសៀមរាប ។
លោកអធិការ បានអះអាងបន្តទៀតថា ខាងសម្ថកិច្ចលោកមានសាក្សីគ្រប់គ្រាន់ ក្នុងការឆ្លើយបំភ្លើថាលោកឆោម ស៊ីថាពិតជាបានបាញ់ទៅលើឡាននោះ (ស៊ួថាសាក្សីនៅឯណា ?) ។ លោកប្រាប់ថា គឺប្រជាពលរដ្ឋនៅភូមិអង្កាញ់ ឬក្បាលប្រឹស រួចបន្តស៊ួរទៀតថា ចុះកាំភ្លើងដែលលោក ឆោម ស៊ីថា បាញ់នោះ ដែលជាភស្ថុតាងដ៍សំខាន់ក្នងរឿងនេះនៅឯណា? លោកអធិការប្រាប់ថា រកអត់ឃើញទេ មិនដឹងចោលនៅទីណា រកឃើញតែសំបកកន្ទុះ ២ គ្រាប់ទេ សំរាប់ដាក់ទំងន់ទោស រួចបន្តស៊ួរទៅលោកទៀថា តើសំបកកន្ទុះ២គ្រាប់ ដែលរកឃើញ នោះអាចជាវត្ថុតាងដ៍សំខាន់ក្នុងរឿងនេះឬ? លោកថា ខ្ញុំមិននិយាយទេ!! ។
ផ្ទុយទៅវិញ ប្រជាពលរដ្ដដែរស់នៅចំណុចក្បាលប្រឹសក្នុងភូមិអង្កាញ់ ឃុំស្វាយលើ ដែលសមត្ថកិច្ចអះអាងថា ជាសាក្សីបានឃើញ លោក ឆោម ស៊ីថា ទាយកាំភ្លើងបាញ់ទៅលើឡាន នៅក្នុងភូមិនោះ ពួកគាត់ ( ប្រជាពលរដ្ឋ) បានផ្តល់បទសម្ភាសន៍ដល់បងប្អូនអ្នក់សរព័ត៌មានយើងនៅវេលា ម៉ោង ៦ និង១០ នាទីល្ងាចថ្ងៃទី ១១ ខែ កក្តដា ២០១៨បានអោយដឹងថា ពួកខ្ញុំ ជាប្រជាជនរស់នៅទីនេះ ទាំងអស់គ្នាពុំបាន លឺ ឬ ឃើញ លោក ឆោម ស៊ីថា ដែលជាចាងហ្វាងការសែត ជិះឡានទាញកាំភ្លើងបាញ់រះនៅទីនោះទឿយ (បញ្ជាក់ ប្រជាពលរដ្ដនៅទីនោះមិនបាន លឺ ស្នូកាំភ្លើងទេ ) ។
បុរសជនត្រូវចោទឈ្មោះ ឆោម ស៊ីថា អាយុ ៥៥ ឆ្នាំជាចាងហ្វាងកាសែត ដំណឹងកម្ពុជា ។ ចំណែកជនដែលសមត្តកិច្ចថារងគ្រោះឈ្មោះ ម៉ី ស៊ូ ភេទប្រុស អាយុ ៤០ ឆ្នាំជាមន្ត្រីយោធា ៕