ខេត្តរតនគីរី-ស្រុកកូនមុំ ៖ យប់ម្សិលម៉ោង10.50នាទី ថ្ងៃ១ កើត ខែទុតិយាសាឍ ឆ្នាំចសំរឹទ្ធិស័ក ពុទ្ធសករាជ២៥៦២ រថយន្តអ្នកសារព័តិមាន ៤ គ្រឿង ចេញពីបណ្តាខេត្តផ្សេងៗមកចាំយកព័ត៌មាននៅចំណុចផ្លូវក្រុមហ៊ុនចំការដូងប្រេង គល់ស្ពានស្រែពកតែត្រូវបានបក្សពួករថយន្តសាំយ៉ុងពណ៌សរផ្លាកលេខ0909 ដឹកឈើប្រណិតចេញពីក្រុមហ៊ុនចំការដូងប្រេងស្ពានស្រែពក ត្រូវបានអ្នកសារព័តិមានទាំងនោះ ដេញប្រម៉ាញ់យករូបភាពរហូតដល់ស្រុកកូនមុំ តែត្រូវបានរថយន្តថៅកែឈ្មួញដឹកឈើបុករថយន្តអ្នកសារព័តិមាន០២គ្រឿង១កាមារីស្វិតនិង១គ្រឿងកាមារីហើមតែម្តង ។
ក្រោយកើតហេតុអ្នកបើករថយន្តឈើបាននិយាយថា មេគេមកចចារឥឡូវហើយប្រហែលជាកន្លះម៉ោងក្រោយមក គេឃើញរថយន្តតាកូម៉ាពណ៌ខ្មៅ១គ្រឿងមកដល់ក៍ធ្វើសកម្មភាព(រកបុក)នៅប្រហែល១០នាទីក្រោយទៀតទើបដឹងថាជារថយន្តរបស់ឈ្មោះ (ទូច&ប៉ែត) បើករថយន្តម៉ាកវិហ្គោថយក្រោយបុកយកតែម្តង ។
បើតាមការអោយដឹងពីប្រជាពលរដ្ឋដែលរស់នៅជិតកន្លែងហេតុថា រថយន្តដែលថយបុករថយន្តអ្នកសារព័តិមានគឺរថយន្តរបស់ឈ្មោះប៉ែត មិនតែប៉ុណ្ណោះ អោយក្រុមបក្សពួកយកដាវសាំម៉ូរ៉ៃ ដេញកាប់មកលើអ្នកសារព័តិមានថែមទៀតផង ដោយរងនៅការភយ័ខ្លាចធ្វើអោយអ្នកសារព័តិមានរត់ចែកជើងម៉ងទៅ ។ នេះពិតជាសំណាង១ក្នុង១ពាន់គ្រោះថ្នាក់មែន មិនបណ្តាលឲ្យអ្នកណាម្នាក់មានគ្រោះថ្នាក់កុំអ្វីឡើយ ។
លោកយាយរិន (ហៅយាយតាផាត) ប្រជាពលរដ្ធរស់នៅភូមិ ១ ឃុំត្រពាំងក្រហមបានឃើញ ហេតុការណ៍រថយន្តបុកគ្នាជាច្រើនគ្រឿងបន្តបន្ទាប់នៅចំមុខផ្ទះលោកយាយ លាន់ សូរដូចក្នុងរឿងកាប់ដាវចិនហុងកុងអញ្ចឹងនាយប់នោះ ។ លោកយាយមានការភិតភ័យយ៉ាងខ្លាំង មិនហ៊ានចុះពីលើផ្ទះនោះទេ ។
ដោយឡែក លោក លោក ពុត សាវី អធិការរងទទួលបន្ទុកសណ្តាប់ធ្នាប់ (ផ្នែកចរាចរផងដែរ បានអោយភ្នាក់ងារសារព័តិមានយើងដឹង កាលពីព្រឹកថ្ងៃទី ១៤ កក្កដា ២០១៨ នេះថា ហេតុការណ៍ ខាងលើនេះ លោកពុំបានទទួលរបាយណ៍ ឬពាក្យបណ្តឹងអ្វីនោះទេ ដោយសារគ្រប់ពេលរៀងរាល់យប់ កម្លាំងរបស់លោកចុះល្បាតក៍បានជួបប្រទះហេតុការណ៍នេះដោយខ្លួនឯង ។
លោកថា ខណះចុះទៅដល់ចំណុចកើតហេតុបានប្រទះឃើញរថយន្តម៉ាកកាម៉ារីចំនួនពីរគ្រឿងចតចោល បាត់តៃកុងទាំងពីរគ្រឿង មួយគ្រឿងនៅបញ្ឆេះម៉ាស៊ិនចោល ហើយលោកក៏អោយកម្លាំងបើកមករក្សាទុកនៅអធិការតែម្តងទៅ។
ទាក់ទងនិងបញ្ហាខាងលើនេះ ចំណាត់ការបន្តលោកអធិការនិងអញ្ចើញភាគីទាំងសង្ខាងអោយចូលខ្លួនមកដោះស្រាយដោយសន្តិវិធី ៕
