ឯកឧត្តមវ៉ាថន មានប្រសាសន៍ថាការប្ដេជ្ញាចិត្តរបស់គណបក្សប្រជាជនកម្ពុជានៅក្នុងឆ្នាំ 2019គឺបញ្ចុះថ្លៃភ្លើងឲ្យនៅត្រឹម 610រៀលក្នុងមួយគីឡូដែលបច្ចុប្បន្ននេះភ្លើងភ្លើងមានតម្លៃ750 រៀល ដែលជាការរួមចំណែកដល់ជីវភាពរស់នៅរបស់បងប្អូនប្រជាពលរដ្ឋ ។
ព្រមទាំងមានការផ្ដល់ឱ្យប្រជាពលរដ្ឋដែលមានប័ណ្ណក្រីក្រទទួលការព្យាបាលដោយមិនយកលុយ មិនតែប៉ុណ្ណោះក៏មានការថែមលុយចំនួន4 ម៉ឺនរៀលសម្រាប់ការពិនិត្យផ្ទៃពោះម្ដង សម្រាប់ពេលឆ្លងទន្លេមួយចំនួន20 ម៉ឺនរៀល ពេលឆ្លងទន្លេរួចយកទៅបន្តក់ថ្នាំចំនួន10 លើកក្នុងមួយលើកផ្តល់ជូនចំនួន 4 ម៉ឺនរៀល សរុបចំនួន76ម៉ឺនរៀល។
ឯកឧត្តមអភិបាលខេត្តក្រចេះក៏បានបញ្ជាក់ដែរថាគោលនយោបាយដែលប្រកាសដោយសម្ដេចអគ្គមហា សេនា បតីតេជោហ៊ុនសែនប្រធានគណបក្ស ប្រជាជនកម្ពុជា នៅក្នុងឆ្នាំ 2009 នេះនឹងបើកការដ្ឋានធ្វើស្ពានឆ្លងទន្លេទៅត្រើយខាងលិចដើម្បីបង្កលក្ខណៈងាយស្រួលដល់ប្រជាពលរដ្ឋនៅក្នុងការធ្វើដំណើរឆ្លងទៅមក បើគណបក្សប្រជាជនឈ្នះឆ្នោត។
ឯកឧត្តមបន្តថាការបញ្ចុះថ្លៃទឹកនិងថ្លៃភ្លើងនិងសេវាសុខាភិបាលគឺផ្ដល់ជូនដល់ប្រជាជនទូទៅមិនមែនផ្ដល់ជូនតែគិតសមាជិកគណបក្សប្រជាជនកម្ពុជាប៉ុណ្ណោះទេ ។
ដោយឡែកចំពោះបងប្អូនប្រជាពលរដ្ឋដែលមានកូនទៅធ្វើការរោងចក្រកាត់ដេរនៅទីក្រុងភ្នំពេញតាមគោលនយោបាយរបស់គណបក្ស ប្រជាជនកម្ពុជានៅក្នុងឆ្នាំ 2019 នេះគឺឲ្យមាន ការបើកប្រាក់ខែចំនួនពីរដងក្នុងមួយខែ ក្រៅពីនោះក៏មានការដំឡើងប្រាក់បៀវត្សជូនជារៀងរាល់ឆ្នាំ។ រីឯមន្ត្រីរាជការវិញចំពោះលោកគ្រូអ្នកគ្រូក៏ត្រូវឲ្យមាន ការបើកប្រាក់ខែពីរដងដែរគឺថ្ងៃទី14និងថ្ងៃទី30 ។
ឯកឧត្តមអភិបាលខេត្តក៏បានស្នើឲ្យក្រុមគ្រូពេទ្យទាំងអស់បង្កើនការយកចិត្តទុកដាក់នៅក្នុងការព្យាបាលជំងឺជូនប្រជាពលរដ្ឋ ឲ្យកាន់តែមានការប្រសើរឡើង ឯណោះក៏ជំរុញឲ្យក្រុមគ្រូពេទ្យទាំងនោះចេះអាណិតនិងស្រលាញ់ដល់ប្រជាពលរដ្ឋទីទ័ល ក្រក្នុងនាមមន្ត្រីរាជការ ។
ក្នុងនោះឯកឧត្តមក៏បានធ្វើការព្រមានដល់ក្រុមគ្រូពេទ្យ នៅក្នុងករណីដែលមានដំណឹងពីប្រជាពលរដ្ឋ បើខ្ញុំរកឃើញថាក្រុមគ្រូពេទ្យណាដែលស៊ីប្រាក់ខែរដ្ឋ មិនបម្រើប្រជាពលរដ្ឋ បែរជាប្រព្រឹត្តខុសហើយកេងប្រវ័ញ្ចពីប្រជាពលរដ្ឋ នឹងត្រូវសញ្ញាដកចេញដោយមិនបាច់ស្នើសុំទៅថ្នាក់រដ្ឋមន្ត្រីនោះឡើយ។ដោយ ម៉ែន បូរិទ្ធ