ខេត្តរតនគិរី ៖ បទល្មើសជួញដូឈើប្រណិតខុសច្បាប់បង្កឡើងដោយក្រុមឈ្មួញនៅខេត្តរតនៈគិរី យកទៅលក់ស្រុកយួន តាមច្រកអូរយ៉ាដាវ បានកើតឡើងគួឲ្យកត់សម្គាល់ក្នុងពេលដែលមានយុទ្ធនាការបោះឆ្នោត ។ បទល្មើសជួញដូរឈើប្រណិតខុសច្បាប់ក្នុងអាណាចក្រខេត្តរតនៈគិរីរបស់លោកថងសាវុនប្រឆាំងបទបញ្ជារនាយករដ្ឋមន្ត្រីពួកឈ្មួញមិនមានការខ្លាចរអារច្បាប់អ្វីឡើយ។
ជាកស្ដែងកាលពីវេលាម៉ោងប្រមាណជាង ១០យប់ថ្ងៃទី១៣ ខែកក្កដា ឆ្នាំ២០១៨នៅ តាមផ្លូវជាតិលេខ៧៨ ស្ថិតក្នុងស្រុកកូនមុំ ខេត្តរតនគិរី មេឈ្មួញរកឈើដុះស្លែប្តីប្រពន្ធមូយគូមានឈ្មោះ ទូច ប្រពន្ធឈ្មោះ ណាត បានបញ្ជាកូនចៅឲ្យបើករថយន្តបុករថយន្តក្រុមអ្នកកាសែត និងបានទាញដាវ ដេញកាប់អ្នកកាសែត និងវាយកម្ទេចរថយន្តអស់ ៣គ្រឿងដោយសារតែហ៊ាននាំគ្នាតាមប្រម៉ាញបទល្មើសបង្កឲ្យមានភាពភ្ញាក់ផ្អើលយ៉ាងខ្លាំង។
ក្រុមអ្នកសារព័ត៌មាន រងគ្រោះ ដោយអំពើដ៏សាហាវឃោឃៅបង្កឡើងដោយមេឈ្មួញឈ្មោះទូច បានរៀបរាប់ឲ្យដឹងថា នៅយប់កើតហេតុ ពួកគាត់មានគ្នាជាច្រើនជិះរថយន្ត ៣គ្រឿងដើម្បីឃ្លាំងមើលបទល្មើសព្រៃឈើឆ្លងកាត់ និងផ្តិតយករួបភាពនៅតាមផ្លូវជាតិលេខ៧៨ ចេញពីខេត្តស្ទឹងត្រែង ឆ្ពោះទៅខេត្តរតនគិរី រួមដឹកចេញទៅប្រទេសវៀតណាម តាមច្រកទ្វាអន្តរជាតិអូរយ៉ាដាវ។
ពេលនោះ រថយន្តសាំយ៉ុង ១គ្រឿង ពាក់ស្លាកលេខភ្នំពេញ 2A-0909 ដឹកឈើមកដល់ ខណៈនោះក៏ស្រាប់តែលេចមុខមេឈ្មួញឈ្មោះទូច បានបើករថយន្ត ២គ្រឿង មកបុករថយន្តរបស់អ្នកកាសែត និងបានបញ្ជាឲ្យកូនចៅយកកាំបិទ ដេញកាប់ធ្វើឲ្យអ្នកការសែត នាំរត់ទាំងព្រលឹងចុងសក់។ ចំពោះរថយន្តរបស់អ្នកកាសែតចំនួន ៣គ្រឿងបានរងការខូចខាត យ៉ាងដំណំ។សមត្តកិច្ចបានត្រឹមអូសយករថយន្តអ្នកាសែតទៅទុកតែប៉ុណ្ណោះមិនទាន់ឃើញមានចំណាត់ការអ្វីឡើយ។
ក្រុមអ្នកកាសែត រងគ្រោះបានបញ្ជាក់ថា ករណីនេះពួកគាត់នឹងរៀបចំ ដាក់ពាក្យបណ្តឹងប្ដឹងឈ្មោះ ទូច និងប្រពន្ធឈ្មោះណាត ទៅសមត្ថកិច្ចពាក់ព័ន្ធ ដើម្បីជួយរកយុត្តិធម៌។
មានសេចក្តីរាយការណ៍ថា ៖ លោក ទូច និងប្រពន្ធឈ្មោះណាតហ៊ានប្រព្រឹត្តបទល្មសើព្រៃឈើបែបនេះគឺប្រាកដជា មានខ្សែមន្ត្រីធំៗកាងពីក្រោយខ្នង ។ បានជាហ៊ានថាចឹងដោយសារឈ្មួញ ឈ្មោះ ទូច និងប្រពន្ធឈ្មោះ ណាត រកស៊ីដឹកឈើយ៉ាងគគ្រឹកគ្រេងក្នុង ខេត្តស្ទឹងត្រែង និងរតនគិរីដឹកជញ្ជូនឆ្លងកាត់មុខសមត្ថកិច្ចបានយ៉ាងរលួនកន្លងមកមិនដែល ឃើញសមត្ថកិច្ច រដ្ឋបាលព្រៃឈើ និងមន្ត្រីជំនាញពាក់ព័ន្ធមិនដែលបង្ក្រាបម្តងណាឡើយ។
ករណីនេះមិនអាចសុំការបំភ្លឺពីឈ្មួញឈ្មោះទូចនិប្រពន្ធបានទេ!
ឈ្មួញខាងលើនេះ ពួកគេតែងតែងប្រើ រថយន្តសាំយ៉ុងដឹកជញ្ជូនឈើ ដោយមានរថយន្តទំនើបម៉ាកហ្វត កាងបិទគូដពីក្រោយឡាន ដឹកព្រៃឈើ ។មេឈ្មួញឈើពីរនាក់ប្តី-ប្រពន្ធនេះអាចមានឃ្លាំងស្តុប ឈើជាច្រើន កន្លែងក្នុងខេត្តរតនគិរី ចាអុង ជាពិសេសនៅស្រុកវ៉ើនសៃតែម្តង។សូមបញ្ជាក់ថានៅក្នុងអាណាចក្រខេត្តរតនៈគិរីកន្លងមកថ្មីៗនេះឈ្មួញឈើហូជីវ៉ៃដ៏ល្បីល្បាញក៏ធ្លាប់បើកឡានដឹកឈើបុកឡានកាសែតហើយយកលុយញុ្កមាត់ជិតដែរ ។ សង្ឃឹមថា សមត្ថកិច្ចនឹងផ្តល់យុត្តិធម៌ជូនអ្នកសាររព័តិមានដែលសកម្មក្នុងការចូលរួមការពារព្រៃឈើតាមបទបញ្ជាសម្តេតេជោ ហ៊ុន សែន ជាមិនខានប្រសិនបើមិនត្រូវគេរុកមាត់ទៀត ៕
