ភ្នំពេញៈ អាចនិយាយបានថា នេះជាលើកដំបូងហើយដែលមានការរៀបចំព្រឹត្តិការណ៍ជួបជុំមិត្តភក្តិសិល្បៈដែលមានការស្លៀកពាក់បែបប្រពៃណីខ្មែរបុរាណ ដោយមានតារាល្បីៗមួយចំនួនដែលបានចូលរួមនៅក្នុងពិធីជប់លៀងខួប ២ ឆ្នាំរបស់ គ្រួសារតារា កម្ពុជា រៀបចំឡើងកាលពីថ្ងៃទី ០៩ ខែ កក្កដា ឆ្នាំ ២០១៨ ។
ដើម្បីចូលរួមលើកកម្ពស់តម្លៃសិល្បៈបុរាណ ដែលតម្រូវឲ្យសិល្បកររំលេចអ្វីជាទម្រង់សិល្បៈបុរាណកញ្ញា ស៊ូ ដាណេ តារាចម្រៀងសំឡេងស្រដៀងអ្នកស្រី ប៉ែន រ៉ន បានជិះស៊ីក្លូដោយតុបតែងកាយជាឈុតទេវតាស្រីផ្អើលតាមផ្លូវ និងមហាជននៅទីនោះ ព្រោះជាការប្លែកភ្នែកចំពោះគំនិតច្នៃប្រឌិតមួយនេះ ។ ក៏មានការ លាន់មាត់ផងដែរថា «អស្ចារ្យ» ពេលតារាសម្ដែងវ័យក្មេង លោក រុន ណាកូ គ្រងឈុតបុរាណ «ព្រះបាទសុរិយវរ្ម័នទី២» ធ្វើឲ្យលោកទទួលបានការគាំទ្រសន្ធឹកសន្ធាប់រហូតទទួលបានពានតារាលេចធ្លោប្រចាំឆ្នាំ។ឈុតទទួលបានជ័យលាភីនេះ ត្រូវលោក ណាកូ លើកឡើងថា «លោក នូ សុផេន អនុប្រធាននាយដ្ឋាន ផលិតកម្មវិធី ប្រចាំទូរទស្សន៍អប្សរា ជាអ្នកស្រាវជ្រាវ និងកែច្នៃសម្លៀកបំពាក់បុរាណ ក៏សម្រេចកែច្នៃ ឲ្យលោកស្លៀកតែម្តង»។
កម្មវិធីនោះក្រៅពីការសប្បាយរបស់តារាវ័យក្មេងក្រុមតួ ឬហៅថាតារាសម្តែង និងតារាជើងចាស់មួយចំនួន បានរិះគន់ទៅលើអ្នករៀបចំកម្មវិធី ដែលបានតម្រូវឱ្យតួ និងអ្នកសិល្បៈមួយចំនួនបង់លុយម្នាក់២០ដុល្លារ , ៥០ដុល្លារ ទៅ១០០ដុល្លារ ដើម្បីបានមេដាយ និងពានរង្វាន់សម្រាប់ការលេចមុខ នៅក្នុងកម្មវិធី ។ ប៉ុន្តែអ្នករៀបចំកម្មវិធីបានបដិសេធថា មិនបានទារលុយពីតួទេ តែជាការបរិច្ឆាគដោយស្ម័គ្រចិត្ត។
ក្រោយមានអ្នកសារព័ត៌មានជាច្រើននាំគ្នាចុះផ្សាយតគ្នាចំពោះរឿងអាស្រូវដែលកម្មវិធីនេះ លោកផាត់ ដារារ័ត្ន អ្នករៀបចំកម្មវិធីគ្រួសារតារាកម្ពុជា បានថ្លែងប្រាប់កាលពីរសៀលថ្ងៃទី១១ ខែកក្កដាថា សម្រាប់តួដែល ចុះ ឈ្មោះចូលរួមកម្មវិធី គឺតម្រូវឲ្យជួយបង់ថវិកា២០ដុល្លារ សម្រាប់តួដែលជាសមាជិកគ្រួសារតារាកម្ពុជា។ ចំណែកតារា សិល្បៈដែលអញ្ជើញមកពីខាងក្រៅ គឺអត់មានតម្រូវឲ្យបង់អ្វីទាំងអស់ អញ្ជើញជាកិត្តិយសនៅក្នុងកម្មវិធី ប៉ុន្តែបើតារា ទាំងនោះមានទឹកចិត្ត ជួយយើង១០០ដុល្លារ គឺយើងឲ្យមេដៃកិត្តិយសមួយជូនគាត់។
រឿងនេះជា កម្មវិធីនេះសប្បរ សធម៌ ដែលយើងស៊ែគ្នាជាមួយតារាកម្ពុជាធ្វើពិធីជប់លៀង។
លោកបានបញ្ជាក់ថា “សម្រាប់សមាជិកគ្រួសារតារាកម្ពុជាចំនួន១០០នាក់ ដែលមានឈ្មោះទទួលមេដៃកិត្តិយស មានន័យថា គាត់ធ្លាប់ធ្វើកិច្ចការសង្គម និងកម្មវិធីសប្បុរសធម៌ គឺគាត់ត្រូវទទួលបានមេដៃ។ ប៉ុន្តែយើងប្រាប់គាត់ថា កម្មវិធីយើងអត់មាន ឧបត្ថម្ភទេ អីចឹងតារាណាដែលចាប់អារម្មណ៍ចង់ចូលរួមកម្មវិធីជប់លៀង គឺយើងសុំឲ្យគាត់ជួយ បរិច្ឆាគ២០ដុល្លារ” ៕
