ស្វាយរៀង ៖ ទំនិញយួនគេចពន្ធដូចជាជ្រូកគ្រឿងទេសឈើត្រុវបាននាំចូលនិងចេញ តាមច្រកទ្វារតំបន់ដូង ស្ថិតនៅភូមិដូងឃុំដូង ស្រុករមាសហែក ខេត្តស្វាយរៀង ដោយគ្រាន់តេបង់លុយឲ្យមេច្រកជាការស្រេច។ ទោះជាយ៉ាងណា ប្រជាពលរដ្ឋត្អូញត្អែរ ថាសព្វថ្ងៃនេះរកស៊ីមិនចំណេញទេ ព្រោះសមត្ថកិច្ចប្រចាំច្រកទ្វារមួយនេះគោះ យកលុយច្រើនពេក ។
កាលពីថ្ងៃទី១១ខែកក្កដាអាជីវករដែលដឹក ធុងជ័រតាមរ៉ឺម៉កម៉ូតូ ពីយួនចូលមកខ្មែរ នេះ បានអះអាងថា ខ្លួនដឹកមួយរ៉ឺម៉កគឺបង់លុយចូលហោប៉ាវមន្ត្រីទាំងនោះ អស់ចំនួន១៣ម៉ឺនរៀលជាកំហឹត គឺមិនដែលមានក្រដាស់ស្នាមបញ្ជាក់អ្វីទេ។
រីឯតៃកុងរថយន្តកូរ៉េចំណុះ១តោនកន្លះ ដឹកពូកចូលតាមច្រកនេះគឺត្រូវបង់លុយអស់ចំនួន១៥ម៉ឺនរៀលជាកំហឹត ។ ទន្ទឹមនិងនោះ រ៉ឺម៉កម៉ូតូដឹកពូកក៏មន្ត្រីនៅទីនោះកំណត់ឲ្យបង់ចូលហោប៉ាវពួកខ្លួននិងបក្ខពួកចំនួន៨ម៉ឺនរៀលផងដែរ ។ សេចក្ដីរាយការណ៍បានឲ្យដឹងទៀតថា ចំពោះរថយន្តដឹកទំនិញជាគ្រឿងទេសគ្រឿងជ័រ កៅអី បន្លែផ្លែឈើវិញក្នុងមួយរថយន្តបង់អស់ចាប់ពី១៥០,០០០រៀលទៅ៤០០,០០០ទើបចេញផុតច្រក។
អាជីវករលើកឡើងថា រថយន្តដឹកស្រូវចេញទៅលក់ស្រុកយួន តាមច្រកទ្វារនេះក៏ត្រូវបង់លុយឲ្យមន្ត្រីដែរ។
ក្នុងមួយថ្ងៃៗមានរថយន្តតូចធំ រ៉ឺម៉កម៉ូតូគោយន្តកែច្នៃ មិនក្រោមពី២០០ទៅ៣០០គ្រឿងទេ ដែលដឹកទំនិញចេញចូលជាប្រចាំតាមច្រកនេះ ។ ដោយឡែក ក្រុមកម្មករវៀតណាម បានលើកឡើងថា សព្វថ្ងៃខ្លួនលើកឈើ អាកាស្យាដាក់លើគោយន្តរួចដឹកចេញទៅវៀតណាម តាមច្រកតំបន់ដូងជាប្រចាំ ។
ករណីយ៍បើកឲ្យមានទំនិញចេញចូលជាថ្នូនិងយកលុយដាក់ហោប៉ៅឬយកទៅចែកថ្នាក់លើតាមដេលខ្មែរហៅថាបានពីក្អែកចែកឲ្យតាវ៉ៅនេះលោក វណ្ណា នាយប៉ុស្តិ៍ការពារព្រំដែន ដូងពេលអ្នកកាសែតទូរសព្ទចូលនិយាយយ៉ាងខ្លូថា លោកជាប់រវល់នៅខេត្ត ស្អែកចាំជួបគ្នា?!សូន្យ ។ គេមិនដឹងថា តើខុទ្ទការលយ័សាកខេត្តស្វាយរៀងនៃអាណាចក្រលោក ម៉ែន វិបុល និងលោក កឹង ឃន ស្នងការខេត្តស្វាយរៀងដែលជាថ្នាកលើដឹងឬអត់នោះទេ អំពីករណីមេច្រកដូងប្រមូលលុយរាប់សឹបលានរៀលក្នុង១ថ្ងៃៗពីអាជិវករនាំទំនិញចេញចូលនោះ៕