សៀមរាប ៖ គេថាអំពើរអយុត្តិធិបង្កឡើងដោយពួកអ្នកមានលុយមានអំណាចច្រើនតែឈ្នះនិងទទួលបានផលល្អក្នុងសម័យដុល្លារការនេះ។
ជាក់ស្តែងដូចករណីយ៍អ្នកស្រីឈឿននន់អាយុ៦០ឆ្នាំបានធ្លាក់ខ្លួនក្រីក្ររហូតរស់នៅតាមចិញ្ចើមផ្លូវដោយសាតែរងគ្រោះព្រោះអំពើឆក់ប្លន់ដីស្រែជាកម្មសិទ្ធស្ថិតនៅភូមិត្រពាំងរុន្ធសង្កាត់(ក្រុង)សៀមរាបចំនួន៣ហិកតាកន្លះបង្កឡើងដោយឈ្មួញនិងអាជ្ញាធរស្រុកប្រាសាទបាគង ខេត្តសៀមរាបឃុបឃឹតគ្នា។
ពួកឈ្មួញមានលុយនិងអ្នកមានអំណាចដែលឃុបឃឹតគ្នាប្លន់ដីអ្នកស្រីឈឿននន់យកធ្វើតារាងវាយហ្គោលគឺកើតឡើងតាំងពីឆ្នាំ២០០៧មកម្លេះតែគ្មានអាជ្ញាធរខេត្តសៀមរាបណាម្នាក់ជួយដោះស្រាយឡើយរាប់តាំងចៅហ្វាយខេត្តសម័យលោកស៊ូភិរិន្ទដែលជាបក្ខពួករហូតដល់សម័យលោកឃឹមប៊ុនសុងឡើងថ្មីបើទោះបីជាដឹងរឿងឆក់ប្លន់នេះក៏ដោយ។
អ្នកស្រីឈឿននន់ជនរងគ្រោះគឺជាប្រជាជនមួយគ្រួសារក្នុងចំណោម១៣គ្រួសារដែលមានដីស្រែនៅទីតាំងខាងលើ។នៅឆ្នាំ២០០៧មានឈ្មួញ(កូរ៉េនិងខ្មែរ)និងអាជ្ញាធរឃុំស្រុកប្រសាទបាគងខេត្តសៀមរាបមកសម្របសម្រួលដើម្បីទិញដីខាងលើយកធ្វើតារាងវាយកូនគោល។ប្រជាជន១២គ្រួសារនិងអ្នកស្រីឈឿននន់មិនយល់ព្រមលក់ ឡើយ។ក្រោយមកដោយការបង្ខឹតបង្ខំនិងសម្លុតរហូតដល់ក្រសួងមហាផ្ទៃប្រជាជន១២គ្រួសារបានយលព្រមទទួលយកលុយនៅតែគ្រួសារអ្នកស្រីឈឿនន់មួយមិនព្រមលក់ដីចំណែកគាត់ដែលធំជាងគេ(៣ហិកតាកន្លះ)នោះឡើយ។