ភ្នំពេញ ៖ តារាចម្រៀងដែលធ្លាប់ទទួលបានប្រជាប្រិយភាព តាមរយៈបទចម្រៀងជាច្រើនបទកាលពីឆ្នាំ២០០ គឺ លោក ចាន់ សម័យ ថ្មីៗនេះលោកបានបង្ហាញខ្លួន គួឲ្យភ្ញាក់ផ្អើលជាខ្លាំង សម្រាប់អ្នកលេងបណ្តា្ញញសង្គមហ្វេសប៊ុកកាលពីរសៀលថ្ងៃទី ៤ ខែ កក្កដា ឆ្នាំ ២០១៨ គឺរូបលោកកំពុងឈរស្ទូចត្រីធ្វើជាម្ហូបអាហារ នៅមាត់ទន្លេរសម្រាប់ចិញ្ចឹមជីវិត! ។
មូលហេតុត្រូវបានសមាគមសិល្បះករខ្មែរ ឲ្យដឹងថា មូលហេតុដែលម្ចាស់បទ «មិនស្រឡាញ់អូនមិនបាន» បទ «សុំមេមាន់មួយ » លោក ចាន់ សម័យ ធ្លាក់ខ្លួនទៅជាបែបនេះ ដោយសារតែលោកធ្វើជំនួញមិនទទួលបានជោគជ័យ ពោលគឺរកស៊ីខាតអស់ចុងអស់ដើម រហូតលែងមានមុខមាត់វិលចូលសិល្បៈវិញ ទើបនាំប្រពន្ធកូនទៅរស់នៅសំងំលាក់អាត្មា ដោយគ្មានអ្នកណាដឹងនោះទេ។
ក្រោយពីបែករឿងនេះតារាចម្រៀង ប្រចាំផលិតកម្ម សាន់ដេ លោក មាស សាលី ក៍បានចុះទៅដល់ផ្ទះ នៅព្រែកលៀប ដែល លោកចាន់ សម័យ ជូលនៅ ជាមួយប្រពន្ធ នឹងកូនៗ។លោកចាន់ សម័យ ហាក់ខ្មាសអៀន មិនចង់ឲ្យគ្រប់គ្នាដឹង គាត់គ្រាន់តែបង្ហើប នៅរឿងរ៉ាវខ្លះៗ ដែលបានជួបប្រទះ ដែលធ្វើឲ្យលោកធ្លាក់ខ្លួនដល់ថ្នាក់នេះ គឺធ្លាប់រកស៊ីបរាជ័យ និងបានបាត់លុយនៅស្រុកគេថែមទៀតផង។សព្វថ្ងៃមានជំងឺរបេងឆ្អឹងប្រចាំកាយទៀត អ្វីដែលសំខាន់នោះគឺមានការភ្លេចភ្លាំងច្រើន ជាពិសេសប៉ារូលចម្រៀងតែម្ដង និងម្យ៉ាងខ្លាចទៅច្រៀងមិត្តភក្រ័បង្ខំឲ្យផឹកស្រាផង។
លោក មាស សាលី បានប្រាប់ថាស្ថានភាពបច្ចុប្បន្ន លោក ចាន់សម័យ ក៍មិនដល់ថ្នាក់ ពិបាកដូចការផ្សាយមួយចំនួននោះទេ គឺស្ថិតក្នុង ស្ថានភាពមធ្យម គ្រាន់តែរកទៅមិនសល់ បានត្រឹមតែចិញ្ចឹមកូនៗ ។លោកមាសសាលីបញ្ជាក់ថា រូបដែលគាត់រកត្រី គឺគាត់មិនបានបង្ហោះខ្លួនឯងទេ គឺមានមិត្តភក្កិគាត់ បានយកទៅបង្ហោះជំនួស ដោយឃើញពីការលំបាក របស់សិល្បករជើងចាស់រូបនេះ។
គួរបញ្ជាក់ថា លោក ចាន់ សម័យ ក៏ធ្លាប់បានចេញទៅសម្តែងនៅសហរដ្ឋអាមេរិក ជាញឹកញាប់ផងដែរ តែមិននឹកស្មានថា តារាចម្រៀងរូបនេះធ្លាក់ខ្លួនខ្លាំង នោះទេ។ក្រោយពីឃើញស្ថានភាពលោកចាន់សម័យតារាស៊ិចស៊ីកញ្ញាដេននីក្វាន់ បានសរសេររៀបរាប់តាមហ្វេសប៊ុកនាងថាថា៖ «តើមាននរណាមានលេខទូរសព្ទ័គាត់ទេ??? ជួយប្រាប់ផងព្រោះខ្ញុំចង់ជួយលុយគាត់ខ្លះ. ព្រោះឃើញហើយអាណិតណាស់ជាពិសេសខ្ញុំជាFanរបស់គាត់តាំងពីខ្ញុំនៅក្មេងៗ» ។
ដូច្នេះបើមានបងប្អូនណាស្គាល់សូមជួយប្រាប់ផង ! គួរបញ្ជាក់ថា លោក ចាន់សម័យមានវ័យប្រមាណជាង ៤០ ឆ្នាំ។ លោកមានកូនចំនួន ៥ នាក់ ប្រុស២ ស្រី៣ ដែលក្នុងនោះ ភរិយារបស់លោកមានកូន ភ្លោះចំនួនពីរដង៕
