ខេត្តព្រះសីហនុ៖ លោក សូរ សៀង នាយកផែនការស្ដីពីលទ្ធកម្មនៃកំពង់ផែស្វយ័តក្រុងព្រះសីហនុ រងការចោទប្រកាន់ថា បានក្លែងបំប៉ោងគម្រោងខ្ទង់ចំណាយទៅលើការទិញសម្ភារៈគ្រឿងចក្រ និងឧបករណ៍ផ្សេងៗ នៅក្នុងកំពង់ផែនេះមានតម្លៃកើនឡើង ១គុណ ២០ដង ប្រៀបនិងតម្លៃលក់នៅលើទីផ្សារធម្មតាកាលពីឆ្នាំ២០១៧..។
ប្រភពពីបុគ្គលឹកផែបាននិយាយថា ការបំប៉ោងខ្ទង់ចំណាយទាំងនោះរួមមាន៖ ចំណាយទៅលើការទិញសម្រងប្រេងម៉ាស៊ីនគ្រឿងចក្រ ឬរថយន្ត គឺក្នុង១ឆ្នាំៗ បានចំណាយលុយប្រមាណ ៩០០លានរៀល។ ចំណាយទៅលើការទិញសំបកកង់រថយន្តក្នុង១ឆ្នាំៗ ក៏ត្រូវចំណាយជាង៩០០លានរៀល និងការចំណាយទៅលើការទិញប្រេងរំអឹល ឬបេងម៉ាស៊ីន គឺក្នុង១ឆ្នាំៗ ត្រូវចំណាយជាង ១,៣០០លានរៀលឯណោះ។
ភាពមិនប្រក្រតីនៃការឃុបឃឺតគ្នាពុករលួយនេះមន្ត្រីនៅកំពង់ផែស្វយ័តក្រុងព្រះសីហនុមួយចំនួន បានស្នើដល់ ឯកឧត្តម ឱម យ៉ិនទៀងទេសរដ្ឋមន្ត្រីនិងជា ប្រធានអង្គភាពប្រឆាំងអំពើពុករលួយ ឬក្រសួងសាធារណៈការជួយមានវិធានការទប់ស្កាត់ និងបញ្ជូនមន្ត្រីចុះអង្កេត ទៅលើភាពមិនប្រក្រតី នៃការបំប៉ោងខ្ទង់ចំណាយទិញសម្ភារៈ ឬឧបករណ៍ផ្សេងម របស់ លោក សូរ សៀង នាយកផែនការស្ដីពីលទ្ធកម្មនៃកំពង់ផែស្វយ័តក្រុងព្រះសីហនុ ឲ្យបានឆាប់ ដើម្បីលាតត្រដាងការពិតផង។
មន្ត្រីបំរើការងារ នៅក្នុងកំពង់ផែស្វយ័តក្រុងព្រះសីហនុ បានឲ្យដឹងថា កំពង់ផែនេះ បានចំណាយថវិកាខ្ទង់ ៣០០ពាន់លានរៀលក្នុង១ឆ្នាំៗ ។កាលពីឆ្នាំ២០១៧កន្លងទៅ កំពង់ផែស្វយ័ត ក្រុងព្រះសីហនុ រកចំណូលបានចំនួនសរុបប្រមាណ ២២៧ពាន់លានរៀល។ ហើយបើគិតជាប្រាក់ដុល្លារ គឺក្នុង ១ពាន់លានរៀល ស្មើ២៥ម៉ឺនដុល្លារអាមេរិក។ មិនទាន់អាចទាក់ទង លោក សូរ សៀង នាយកផ្នែកផែនការស្តីពីលទ្ធកម្ម នៃកំពង់ផែស្វយ័ត ក្រុងព្រះសីហនុ ដើម្បីស្នើការបំភ្លឺជុំវិញការចោទប្រកាន់ខាងលើបានទតាមទូរស័ព្ទ នៅថ្ងៃព្រហស្បតិ៍ ទី៥ ខែកក្កដា ឆ្នាំ២០១៨សង្ឃឹមថានឹងមានការបកស្រាយជាំមិនខាន។ប្រភពពីមន្ត្រីកំពង់ផែស្វយ័តក្រុងព្រះសីហនុ បានអះអាងថា កន្លងមកនេះគម្រោងចំណាយ ទៅលើការប្តូរសម្ភារៈផ្សេងៗ របស់គ្រឿងចក្រនៅកំពង់ផែខាងលើ គឺបានកើនឡើងរាល់ឆ្នាំ ៕
