ភ្នំពេញ៖ គណបក្សនយោបាយ ចំនួនពីរ ដែលទើបនឹងរះ បានចុះអនុស្សារណៈ ធ្វើកិច្ចសហប្រតិបតិ្តការរវាងគ្នា និងគ្នា មុនការឃោសនាបោះឆ្នោតថ្នាក់ជាតិនាថ្ងៃទី៧ក្កដាឆ្នាំ២០១៨ ។ មេបក្សពីរនោះគឺ
គណបក្សខ្មែរក្រោក ដែលមានលោក សុខសុវណ្ណ សឌ្ឍនា សាប៊ុងដែលគេស្គាលថាឈ្មោះវិល្លៀមក្នុងហ្វេសប៊ុក ជាប្រធាន បានចុះ ហត្ថលេខាធ្វើកិច្ចសហប្រិបត្តិការ ជាមួយគណបក្សធម្មាធិបតេយ្យ
ដែលមានលោកស្រី ពោធិតី សាវត្ថី ជាប្រធាន នៅព្រឹកថ្ងៃទី៥ ខែកក្កដា ឆ្នាំ២០១៨ នៅសណ្ឋាគារសាន់វ៉េ។
អនុស្សារណៈ ដែលគណបក្សទាំងពីរចុះជាមួយគញនា មានចំនួន៥ចំណុច រួមមាន៖ ១.ធ្វើកិច្ចសហប្រតិបតិ្តការ ក្នុងការជួយគ្នាទៅវិញទៅមក លើការឃោសនា ដើម្បីចូលរួមការបោះឆ្នោត ជ្រើសតាំងតំណាងរាស្ត្រ អាណត្តិទី៦ ។ ២.គណបក្សទាំងពីរ នឹងសហការរួមគ្នា ប្រសិនបើគណបក្សទាំងពីរ ទទួលបានអសនៈ ក្នុងរដ្ឋសភាជាតិ ដោយឈរលើគោលការណ៍រួម ដើម្បីបម្រើជាតិ និងមិនយកខ្មែរណា ធ្វើជាសត្រូវ ។ ៣. គណបក្សទាំងពីរ បានរួមគ្នាឈរ លើគោលការណ៍យោគយល់ និងជួយគ្នាទៅវិញទៅមក ក្នុងករណីគណបក្សណាមួយ ឬទទួលបានគាំទ្រ និងទទួលបានអសនៈក្នុងសភាជាតិ ។
៤. គណបក្សទាំងពីរ ឈរលើគោលការណ៍មិនជ្រៀតជ្រែក កិច្ចការផ្ទៃក្នុងគ្នា ទៅវិញទៅមក ប៉ុន្តែជួយគ្នាស្វែងរក ដំណោះស្រាយ និងចូលរួមជួយការពារគ្នា ទៅវិញទៅមក ក្នុងករណីគណបក្សមួយមានបញ្ហា និងទី៥. កិច្ចព្រមព្រៀងនេះ មានសុពលភាព ចាប់ពីថ្ងៃចុះហត្ថលេខា និងអាចកែប្រែបានលុះត្រាតែ មានការឯកភាពគ្នា រវាងភាគីទាំងពីរ ។សូមបញ្ជាក់ថាការបោះឆ្នោតជាតិរកនាយករដ្ឋមន្ត្រីអាណត្តិទី៦នេះមាន២០គណបក្សចូលរួមដែលក្នុងនោះមានគនបក្សខ្លះកើតង៉ាមកចូលប្រយុទ្ធហ្ម៉ងតើសង្ឃឹមអី?!