ខេត្តក្រចេះ ៖ កម្លាំងជំនាញគ្រឿងញៀននៃអធិការដ្ឋាននគរបាលស្រុកឆ្លូង រួមជាមួយកម្លាំងប៉ុស្តិ៍រដ្ឋបាលឃុំដំរីផុងសហការជាមួយកម្លាំងប្រជាការពារភូមិ ដឺកនាំបញ្ជាដោយផ្ទាល់ដោយលោកឆុង តូរ៉ាន់ អធិការបានចុះប្រតិបត្តិការណ៏បង្ក្រាបមុខសញ្ញជួញដូរថ្នាំញៀននឹងឃាត់បានជនសង្ស័យពីរនាក់ប្តីប្រពន្ធ នៅចំណុចអូដង្ហិតស្ថិតក្នុងភូមិ២៧សែនជយ័ ឃុំដំរីផុង ស្រុកឆ្លូង ខេត្តក្រចេះកាលពីយប់ថ្ងៃទី០៣ខែកក្កដាឆ្នាំ២០១៨នេះ។
លោក ឆុង តូរ៉ាន់អធិការដ្ឋាននគរបាលស្រុកឆ្លូងបានប្រាប់ឲ្យដឹងថាជនសង្សយ័ពីរនាក់ប្តីប្រពន្ធមានឈ្មោះ
១-ឈ្មោះ ទិត ម៉ាត់ ភេទប្រុស អាយុ ៣៥ឆ្នាំ ជនជាតិឥស្លាម ( ប្តី)
២- ឈ្មោះ រឿន ស្រីណា ភេទស្រី អាយុ ៣០ឆ្នាំ ជាតិខ្មែរ ( ប្រពន្ធ )។
ជនសង្ស័យទាំងពីរនាក់ខាងលើមានទីលំនៅចំណុចអូរដង្ហិតស្ថិតក្នុងភូមិ២៧សែនជយ័ ឃុំដំរីផុង ស្រុកឆ្លូងខេត្តក្រចេះ ។
លោកបានបន្តទៀតថា ការឃាត់ខ្លួនជនសង្ស័យពីរនាក់ប្តីប្រពន្ធខាងលើដកហូតបានវត្ថុតាងរួមមាន៖ ម្សៅក្រាមពណ៍សជា គ្រឿងញៀនចំនួន ១៨ កញ្ចប់តូច ១៧កញ្ចប់ ធំ ០១ កញ្ចប់ ;ទូរស័ព្ទដៃចំនួន ០៣គ្រឿ ;កាបូបដាក់លុយ ០១,ដែកកេះ ០១, គំរបដបមានដោតទុយោ ០១ថង់សំរ៉ាប់ច្រកមួយចំនួន។
បច្ចុប្បន្ន ជនសង្ស័យទាំងពីរនាក់ប្តីប្រពន្ធ រួមទាំងវត្ថុតាងត្រូវបានកម្លាំងអធិការដ្ឋាននគរបាលស្រុកឆ្លូងកំពុងកសាងសំណុំរឿងបញ្ជូនទៅការិយាល័យប្រឆាំងបទល្មើសគ្រឿងញៀនខេត្តដើម្បីចាត់ការតាមនិតិវិធីច្បាប់បន្ត៕ ដោយ ម៉ែន បូរិទ្ធ
