ភ្នំពេញ៖ ប្រជាពលរដ្ឋរស់នៅក្នុងសហគមន៍គង្គាផុស ភូមិគង្គាផុស សង្កាត់ទួលសង្កែ២ ខណ្ឌឬស្សីកែវ ចំនួនជាង៤០០គ្រួសារ ត្រូវបានរាជរដ្ឋាភិបាលកម្ពុជា តានរយៈលោក ឃួង ស្រេងអភិបាលរាជធានីភ្នំពេញបានប្រទានកម្មដីធ្លីជូនស្មើនឹង៤០២ក្បាលដីកាលពីរសៀលថ្ងៃទី០២ កក្កដា ២០១៨ក្រោយពីរស់នៅគ្មានប័ណ្ណកម្មសិទ្ធិជិត២០ឆ្នាំកន្លងមកនេះ។
លោកសារិន វណ្ណា ប្រធានមន្ទីររៀបចំដែនដីសំណង់ និងសុរិយោដី រាជធានីភ្នំពេញ បាន ឲ្យដឹថា ការប្រទានកម្មនេះ គឺរាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន អោយទាំងអស់តែម្តង ពោលគឺទាំងប្រថាប់ត្រា បង់ពន្ធអន្តរក្រសួង និងការបង់ព័ន្ធមួយម៉ែត្រការ៉េចំនួន៥០០រៀល ក៏រដ្ឋជាអ្នកបង់ជូនផងដែរ។
លោក ឃួង ស្រេង អភិបាលរាជធានីភ្នំពេញ បានលើកឡើងថា យើងមកនេះ គឺមកជួយប្រជាពលរដ្ឋមិនមែន មកបោកប្រាស់ទេ ដោយឃើញការលំបាករបស់ប្រជាពលរដ្ឋ ទើបសម្តេច សម្រេចប្រទានកម្មជូនបងប្អូនប្រជាពលរដ្ឋតែម្តង លើផ្ទៃដី២ហិកតាកន្លះ នៅសហគមន៍គង្គាផុស សង្កាត់ទួលសង្កែ២នេះ។ លោកអភិបាលថា បុរីខ្លះបំបែកក្បាលដី ហើយមិនចែកទេ ទុកនៅធនាគារ ដោយមិនបានប្រគល់មកអោយបងប្អូន ដែលធ្វើអោយការស្នាក់នៅ មិនស្របច្បាប់ ដែលបញ្ហានេះ មានច្រើននៅតាមបុរី ហើយបញ្ហានេះមួយចំនួន ត្រូវបានរដ្ឋបាលរាជធានី ដោះស្រាយបានមួយចំនួនហើយ។
គម្រោងរៀបចំដែនដី និងរដ្ឋបាលដីធ្លីរាជធានីភ្នំពេញ បានចាប់ផ្តើម នៅខែតុលាឆ្នាំ២០០៣ រហូតមកដល់បច្ចុប្បន្នគម្រោង ចុះបញ្ជីដីធ្លីបាន៦០ សង្កាត់ ក្នុងរាជធានីភ្នំពេញ ។នេះសុទ្ធតែជាសមិទ្ធផល របស់សម្តេចតេជោហ៊ុន សែន ដែលជួយអោយបងប្អូន មានឱកាសក្នុងការប្រកបមុខរបររកស៊ី ទទួលទានបានស្រួល ពិសេសគឺប្រទេសយើង មានសន្តិភាពពេញបូរិបូរណ៍ នៅទូទាំងប្រទេស។ដូច្នេះសម្រាប់ប្រជាពលរដ្ឋកុំភ្លេចទៅបោះឆ្នោត នៅថ្ងៃទី២៩ កក្កដា ២០១៨ខាងមុខ។
លោក ឃួង ស្រេង បានជម្រុញអោយមន្ត្រីដែនដី ត្រូវធ្វើទាំងថ្ងៃសោរ៍ អាទិត្យ ដើម្បីប្រគល់ជូនប្រជាពលរដ្ឋ អោយបានលឿន ជៀសវាងទុកយូរកើតជាបញ្ហាលាប់ ៕
