ខេត្តស្ទឹងត្រែង ៖ រថយន្តអ្នកកាសែតមួយគ្រឿងក្នុងចំណោមរថយន្តជាច្រើនគ្រឿងបានរងការខូចខាត ដោយសារឧក្រឹដ្ឋជនព្រៃឈើ បើករថយន្តបុកទម្លាយយកផ្លូវ ដើម្បីដឹកជញ្ជូនឈើប្រណិតឲ្យដល់គោលដៅ ខេត្តរតនគិរី ឯសមត្ថកិច្ចក្រោមអំណាចលោកចៅហ្វាយខេត្តស្ទឹងត្រែងលង់លក់នៅក្នុងដំណេកកាលពីម៉ោងជាង១រំលងអាធ្រាត្រ ថ្ងៃទី២កក្កដាឆ្នាំ២០១៨នៅលើកំណាត់ផ្លូវជាតិលេខ៧ ហួសផ្លូវបំបែកចំណុចប្រសព្វអូរពងមាន់ ភ្ជាប់ផ្លូវទៅខេត្តរតនគិរី ស្ថិតក្នុងសង្កាត់ស្ទឹងត្រែង ខេត្តស្ទឹងត្រែង។
សេចក្តីរាយការណ៍បានឲ្យដឹងថា ការផ្ទុះសង្គ្រាមដឹកជញ្ជូនឈើប្រណិតនោះ គឺបានកើតនៅក្រោយពេលឈ្មួញឈើ១ក្រុមដែលមានស្គាល់ឈ្មោះវិរះជាអ្នកកាងរត់ផ្លូវធ្វើសកម្មភាពដឹកជញ្ជូនប្រមាណជាង២០រថយន្ត ចេញពីស្រុកសៀមប៉ាងអាណាចក្រលោកផាត់យុទ្ធ ឆ្លងកាត់ដីក្រុងស្ទឹងត្រែង ក្នុងបំណងនាំឆ្ពោះទៅកាន់ខេត្តរតនគិរី។
ក្បួនរថយន្តដឹកឈើប្រណីតទាំងជាង២០គ្រឿងនោះដែលគេរាយការណ៍ថាជាឈើរបស់ឈ្មោះ
ហែមមុន្នីហៅម៉ៅដែលជាមន្ត្រីនគរបាលបានបើកបំបុកឡានអ្នកកាសែតដែលនាំគ្នាចាំឃ្លាំមើល និងថតយករូបភាពបទល្មើស ចំណុចអូរពងមាន់ ។
នៅគ្រានោះរថយន្តអ្នកកាសែតបានបើកប្រដេញតាម ដើម្បីថតយករូបភាព ពីសកម្មភាពរថយន្តដឹកឈើ ចំណែក ក្បួនរថយន្តដឹកឈើក៏បានបើកបំបុករថយន្តអ្នកកាសែត ដើម្បីទម្លាយផ្លូវបន្តដំណើរទៅកាន់ខេត្តគោលដៅ។ មានរថយន្តអ្នកកាសែតមួយគ្រឿង បានរងការខូចខាត រីឯ រថយន្តក្រុមឈ្មួញបានបន្តដំណើរទៅមុខយ៉ាងរលូនព្រោះសមត្តកិច្ចគ្មានសមត្តកភាពឬធើភ្លើបន្លំចាំទទួលលាភសក្ការៈ។នេះជាលើកទី២ដែលអ្នកកាសែតដែលឃ្លាំចាំមើលបទល្មើសព្រៃឈើទទួលរងការប្រើហឹង្សាពីឧក្រឹដ្ឋជនព្រៃឈើ។
កាលពីថ្ងៃទី១ខែកក្កដាឆ្នាំ២០១៨ថ្មីៗកន្លងទៅនេះក៏មានករណីក្រុមឈ្មួញឈើបើរថយន្តបំបុករថយន្តអ្នកាសែតក្នុងទឹកដីខេត្តស្ទឹងត្រែងរបស់លោកម៉ុមសារឿននេះផងដែរតែគេមិនឃើញមានសមត្ថកិច្ចរឺអាជ្ញាធរចុះធ្វើអន្តរាគមន៍ឡើយ។ប្រការនេះថ្វើឲ្យប្រជាពលរដ្ឋជឿថាបទល្មើសព្រៃឈើដឹកទាំងឡានសមត្តកិច្ចគ្មានសមត្តភាពបង្ក្រាបចុះទម្រាំគ្រឿងញៀនដាក់ក្នុងហៅប៉ៅបានបង្កគ្រោះមហន្តរាយដល់យុវជនខ្មែរតើអាជ្ញាធរបង្ក្រាបបានដែរ?។ឬមួយពួកវាឃុបឃឹតគ្នាជាប្រពន្ធ័ទៅហើយ?!៕
