ភ្នំពេញ ៖ ក្រសួងពាណិជ្ជកម្មខ្មែរបានចេញបំរាមមួយហាមពលរដ្ឋខ្មែរកុំឲ្យទិញផលិតផលអាមេរិក។បើតាមសេចក្តីប្រកាសរបស់អគ្គនាយកដ្ឋានកាំកុងត្រូល នៃក្រសួងពាណិជ្ជកម្ម ផលិតផលអាមេរិកដែលហាមមិនឲ្យខ្មែរទិញរួមមាន៖ផលិតផល Kellogg’s Honey Smacks Cereal ដែលមានក្រុមហ៊ុន Kellogg Company របស់អាមេរិក។
ការហាមរបស់ក្រសួងពាណិជ្ជកម្មខ្មែរមិនមែនជាការសងសឹកអាមេរិករឿងបង្កកទ្រព្យ សម្បត្តិនាយឧត្តមសេនីយ៍ហ៊ីងប៊ុនហ៊ាងនិងហាមមិនឲ្យមន្ត្រីក្រសួងការបរទេសនាំសាច់ញាតិចូលអាមេរិកនោះទេតែគឺ បន្ទាប់ពីរដ្ឋបាលឱសថ និងម្ហូបអាហារ រួមជាមួយមជ្ឈមណ្ឌល ត្រួតពិនិត្យ និងការពារជំងឺឆ្លងអាមេរិក បានស្រាវជ្រាវរកឃើញប្រភព នៃការពុលម្ហូបអាហារបណ្ដាល មកពីការទទួលទាន ផលិតផលមួយខាងលើនេះដែល មានសក្ដានុពលអាចចម្លងចូលបាក់តេរី Samonella ដែលបណ្ដាឲ្យមានជំងឺប្រព័ន្ធរំលាយអាហារ និងគ្រុនពោះវៀន តើ!៕
