ថៃ ៖ ហ្វេសប៊ុកកាសែតថៃរ៉ាត់ បានធ្វើការ Live ផ្ទាល់ពីអភិបាលខេត្តឈៀងរ៉ៃដែលធ្វើសន្និសិទ្ធកាសែតប្រាប់ថា ជីវិតក្មេងទាំង១៣ គឺមានសុវត្ថិភាព ១០០ភាគរយ ។ ពេលនេះក្រុមរុករកបានរកឃើញកន្លែងដែលក្មេងៗនៅក្នុងរូងភ្នំហើយ ហើយពេលនេះចៅហ្វាយខេត្តកំពុងរៀបចំផែនការដើម្បីសង្គ្រោះ ព្រោះក្មេងៗមានស្ថានភាពខ្សោយខ្លាំង។ ចៅហ្វាយខេត្តបន្តថា កន្លែងដែលក្មេងៗនៅរូងភ្នំ គឺនៅជិតឆ្នេរប៉ាតាយ៉ា។
អាជ្ញាធរប៉ូលិសថៃបានឲ្យដឹងថា ប្រហែលជា៤ម៉ោងទៀតទើប អាចយកក្មេងៗទាំងអស់ ចេញពីរូងភ្នំបានហើយ ។សូមបញ្ជាក់ដែរថាកាលពីថ្ងៃទី០១ ខែកក្កដា ឆ្នាំ២០១៨ នេះ ក្រុមជួយសង្គ្រោះបានបន្តធ្វើការរុករកក្មេងៗចំនួន១២នាក់ និងគ្រូបង្វឹកពួកគេម្នាក់ទៀត ដែលបានបាត់ដំណឹងនៅក្នុងរូងភ្នំ Tham Luang ក្នុងខេត្ត Chiang Rai ហើយនៅយប់នេះផងដែរ អ្នកជំនាញរូងភ្នំ បានធ្វើការចុះតាមប្រហោងមួយចុះទៅក្រោមរយៈកំពស់ប្រមាណ២០ម៉ែត្រ ដើម្បីធ្វើការត្រួតពិនិត្យមើលស្ថានភាពនៅក្នុងក្រោមនោះបន្តទៀត។
ពេលទៅដល់ខាងក្រោម ក្រុមអ្នកជំនាញបានធ្វើការគោះជញ្ជាំងរូងភ្នំ១ដង២ដង ស្រាប់តែមួយសន្ទុះមកលឺសម្លេងគោះត្រលប់មកវិញ ធ្វើឲ្យក្រុមអ្នកជំនាញភ្ញាក់ផ្អើល និងសង្ស័យថា សម្លេងគោះនោះជាសម្លេងគោះហៅរបស់ជនរងគ្រោះ ដែលស្ថិតនៅផ្នែកម្ខាងទៀត។
ពេលនេះ ក្រុមអ្នកជំនាញកំពុងតែធ្វើការរុករកបន្ថែមទៀត ដើម្បីឲ្យប្រាកដថា តើសម្លេងគោះជញ្ចាំងត្រលប់មកវិញនោះពិតជាសម្លេង ដែលក្មេងៗរងគ្រោះគោះ កងកម្លាំងរបស់សហរដ្ឋអាមេរិក បានប្រើបច្ចេកវិទ្យាពិសេស និងបង្ហោះដ្រូន ស្កេនរូងភ្នំទាំងមូល ដើម្បីជួយសង្គ្រោះក្មេង១២នាក់ និងគ្រូម្នាក់ចេញពីរូងភ្នំមកវិញ ក្រោយបាត់ខ្លួនអស់ ៩ថ្ងៃមកហើយនោះ ។ បន្ទាប់ពីស្កេនរួច និងយករូបភាពមកផ្គុំគ្នា ទាហានអាមេរិក បានទទួលសញ្ញាវិជ្ជមានច្រើន ព្រោះមើលតាមស្ថានភាពជាក់ស្ដែង គឺមានកន្លែងដែលក្មេងទាំងនោះអាចជ្រកខ្លួនបាន៕
