ភ្នំពេញ ៖ អគ្គនាយកក្រុមហ៊ុនដឹកជញ្ជូនមួយ បើករថយន្តស៊េរីម៉ាកសឺដេសមួយគ្រឿង ជ្រុលទៅបុកសួនចែកទ្រូងផ្លូវនៅតាមបណ្តោយផ្លូវR៥ ក្នុងសង្កាត់ស្រះចក ខណ្ឌដូនពេញបណ្តាលឲ្យខូចខាតហើយគំរាមអ្នកកាសែតទៀតកាលពីវេលាម៉ោង២និង៣០នាទីយប់ ឈានចូលថ្ងៃទី១ ខែកក្កដា ឆ្នាំ២០១៨ ស្ថិត ។
ប្រភពព័ត៌មាននៅកន្លែងកើតហេតុបានឲ្យដឹងថាគេឃើញបុរសម្នាក់ទំនងជាស្រវឹងស្រាបើករថយន្តម៉ាកសឺដេស ស៊េរីទំនើបមួយគ្រឿង ពណ៌ស ពាក់ស្លាកលេខ ភ្នំពេញ 2AL-9188 ធ្វើដំណើទិសដៅពីកើតទៅលិចលុះមកដល់ចំណុច ខាងលើបានរេចង្កូតទៅបុកសួនចែកទ្រូងបណ្តាលឲ្យរងការខូចខាតសួនហើយរថយន្តខូចខាតផ្នែកខាងមុខទៅលែងរួច។
អ្វីដែលគួឲ្យហួសចិត្តគឺពេលក្រុមអ្នកសាព័ត៏មានបានទៅដល់កន្លែងកើតហេតុហើយបម្រុងផ្តិតយករូបភាពក៏ត្រូវបានម្ចាស់រថយន្តដែលគេស្គាល់ថាឈ្មោះរ៉ាចេញមករករឿងដោយគម្រាម ថាបើនៅតែថតប្រាប់ហើយមិនស្តាប់ទេប្រយ័ត្នបាត់ជីវិត!! ។
សមត្ថកិច្ចមូលដ្ឋានបានចុះមកដល់បានឲ្យភាគីខាងរថយន្តសម្របសម្រួលជាមួយខាងម្ចាស់ផ្លូវព្រោះផ្លូវនេះជាផ្លូវរបស់ឯកជនដើម្បីបញ្ចប់រឿងនៅនឹងកន្លែងកើតហេតុបន្ទាប់មកម្ចាស់រថយន្តបានហៅរថយន្តមកអូសយកទៅជួសជុលដោយខ្លួនឯង ៕
