ថៃ ៖ អាខោនហ្វេសប៊ុកមួយឈ្មោះ Thai Navy Seal បានបង្ហោះរូបភាពជាច្រើន បង្ហាញឲ្យពីអ្នកមុជទឹក២នាក់ កំពុងស្ថិតនៅក្នុងទឹកក្នុងរូងភ្នំនោះ ដោយបានកាន់ជាមួយខ្សែការពារវង្វេង ។អ្នកមុជទឹក៤នាក់ បានឈានដល់ផ្នែកធំទី៣ នៃរូងភ្នំថាំហ្លួងនោះហើយ ដោយពួកគេបានតភ្ជាប់ខ្សែទូរស័ព្ទ និងចាប់ផ្តើមបូបទឹកចេញ ។
ផ្នែកធំនោះ គឺស្ថិតនៅជិតទីកន្លែងដែលក្រុមក្មេងៗ និងគ្រូបង្វឹករបស់ពួកគេ ដែលត្រូវបានសន្មត់ថាកំពុងជ្រកនៅទីនោះ ដោយសារគេចចេញពីទឹកជំនន់ទឹកភ្លៀងយ៉ាងគំហ៊ុក កាលពីថ្ងៃសៅរ៍ពេលពួកគេចូលលេង ។កាលពីថ្ងៃព្រហស្បតិ៍ទី២៧មិថុនា ក្រុមអ្នកមុជទឹកចំនួន៤នាក់ បានទៅដល់រូងភ្នំមួយដែលត្រូវបានតភ្ជាប់ទៅនឹងអ្វីដែលគេហៅថា “ឆ្នេរខ្សាច់ Pattaya” ដែលជាទីកន្លែងដែលកីឡាករបាល់ទាត់វ័យជំទង់ៗចំនួន ១២ នាក់ ដែលបាត់ខ្លួន និងគ្រូបង្វឹករបស់ពួកគេ ក៏ត្រូវបានគេជឿថាកំពុងជាជាប់គាំងនៅក្នុងនោះ ។
នៅលើបណ្តាញសង្គម បានចែករំលែករូបភាព ដែលបានបង្ហាញមនុស្សម្នាក់ៗត្រូវបានឃើញនៅលើតាមជញ្ជាំងរូង ដែលក្នុងនោះរូបភាពមួយចំនួនបង្ហាញជាក្មេង ។ អាជ្ញាធរថៃនិងអ្នកស្មគ្រ័ចិត្តកំពុងព្យាយាមទៅសង្គ្រោះជីវិតមនុស្ស ១៣ នាក់ជាកីឡាករក្មេងៗនិងគ្រូបង្វឹកម្នាក់ ដែលធ្លាប់ទៅលេងរូងថាំហ្លួងកាលពីឆ្នាំ២០១៦នោះកំពុងជាប់គាំងនៅក្នុងរូងថ្មនោះ គិតមកថ្ងៃសៅរ៍ទី៣០មិថុនាឆ្នាំ២០១៨មានរយៈពេល ៨ ថ្ងៃហើយ ៕