ខេត្តត្បូងឃ្មុំ ៖ មន្ត្រីនគរបាល ក្នុងវរសេនាតូច ការពារព្រំដែន លេខ៦១៧ម្នាក់ត្រូវបានគេស្គាល់ថាជាឈ្មួញរកស៊ី ទទួលទិញឈើដ៏សកម្មម្នាក់ នៅក្នុងស្រុកមេមត់ ខេត្តត្បូងឃ្មុំ និងបន្តដឹកជញ្ជូន យកទៅលក់នៅ ស្រុកយួន តាមច្រកបឹងជ្រោងមូលដោយរលូន មិនដឹងថាវាបានច្បាប់ពីណាមក?។
ឈ្មួញរកស៊ីជើងខ្លាំង ដឹកឈើខុសច្បាប់ ដែលជ្រកក្រោមស្បែក ជាកម្លាំងប្រដាប់អាវុធវរសេនាតូច ការពារព្រំដែន លេខ៦១៧ត្រូវបានគេប្រាប់ថាមាន ឈ្មោះ ម៉ែន ដេត ។ ការពិត ម្សៀម៉ែនដេត វាមិនមែនជើងខ្លាំងអីទេ មូលហេតុដែលមន្ត្រីនគរបាលតែងតាំងខ្លួនឯងជាឈ្មួញាឈើខុសច្បាប់នោះ អាចធើបាន គឺដោយសារ មន្ត្រីជំនាញ ស្ថាប័នពាក់ព័ន្ធ មួយចំនួន ក៏ជាប់ពាក់ព័ន្ធ បទល្មើសព្រៃឈើ ឆ្លងកាត់ច្រកព្រំដែន ខេត្តត្បូងឃ្មុំ ដោយ ចាំតែរាប់ ក្បាលឡាន គិតលុយពីឈ្មួញជំនួសឲ្យ ការអនុវត្តបទបញ្ជារទប់ស្កាត់ ឬបង្ក្រាប បទល្មើសព្រៃឈើ ទេតើ!។
ឈ្មួញឈើរូបនេះមានផ្ទះនៅ ជាប់របងបន្ទាយកងរាជអាវុធហត្ថស្រុកមេមត់ ក្នុងភូមិរោងចក្រ ឃុំត្រមូង ស្រុមេមត់ ខេត្តត្បូងឃ្មុំ តែម្តង។ឈ្មួញឈ្មោះម៉ែនដេតត្រូវបានគេរាយការណ៍ថា បានប្រមូលទិញឈើ តាមគ្រប់រូបភាព ចេញពីបណ្តាខេត្ត មួយចំនួននៅភុមិភាគឥសាន្ត រួចដឹកចេញ ទៅកាន់ប្រទេស វៀតណាម តាមច្រកព្រំដែន ចាន់មូល និងច្រករបៀង បឹងច្រូង ដែលគ្រប់គ្រង ដោយមន្ត្រីរាជការឈ្មោះ ធៀមម៉ា ដែន ហៅតក។ តើលោក ធាមម៉ា ដែន ហៅតក់អាងខ្នងបង្អែក មកពីថ្នាក់ណាទេ ទើបហ៊ានបើកដៃ ឲ្យក្រុមឈ្មួញ ដឹកឈើ ចេញទៅលក់នៅ ប្រទេសវៀតណាម យ៉ាងអនាធិបតេយ្យ ចឹង?។
សម្រាប់ច្រកនេះក្រៅពីឈើប្រណិតឈ្មួញរកស៊ីដឹកអុសបានប្រាប់ថា រថយន្តសាំយ៉ុងដឹកអុស១គ្រឿង ត្រូវបង់ឲ្យមេប៉ុស្តិ៍បឹងជ្រោង ៨ម៉ឺនរៀល រថយន្តកូរ៉េ ២ភ្លៅ ទៅ ៣ភ្លៅ ត្រូវបង់ចាប់ពី ៥០ ទៅ ១០០ដុល្លារ ចំណែករថយន្តសាំយ៉ុងមួយចំនួន ដែលដឹកអុសលាយឈើសុក្រម កាត់កង់ៗជារបៀបអុស គឺត្រូវបង់២០ម៉ឺនរៀល ព្រោះឈើទាំងនោះគេអាចយកទៅកែច្នៃជាគ្រឿងសង្ហារឹមបាន ហើយក្នុង១ថ្ងៃៗ មិនតិចជាង ៥០រថយន្តនោះឡើយ ។
ប្រជាពលរដ្ឋនិងអាជីវករខ្មែរដែលដឹកជញ្ជូនកសិផលផ្សេងៗដូចជា ដំឡូងមី ពោត សណ្ដែក ចេញទៅស្រុកយួនតាមច្រកបឹងជ្រោង បានឲ្យដឹងថា ក្នុងមួយរថយន្តកែច្នៃលោក ធៀម ដែន ហៅតក់ បានតម្រូវឲ្យពួកគាត់បង់លុយពី១០ម៉ឺនដល់១៨ម៉ឺនរៀល ហើយពួកគាត់មិនអាចតវ៉ាបានទេ។
តើលោក ជាម ដែន ហៅតក់ហ៊ានច្រាសច្រំលុយបទល្មើសតែម្នាក់ឯង ដោយមិនចិញ្ចឹមថា្នក់បានទេ?ស្អែកបានហើយ!៕
