បន្ទាយមានជ័យ៖ នគបាលអន្តោប្រវេសន៍ច្រកទ្វារអន្តរជាតិប៉ោយប៉ែត ដែលក្រោមការដឹកនាំលោកឧត្តមសេនីយ៍ត្រី ស៊ឹម សំអាតបាននិងកំពុងបណ្តាក់កូនចៅជម្រឹតយកលុយពីកម្មករអូរទេះដោយខុសច្បាប់។ប្រភពពីកម្មករអូរទេះគ្រាន់តែរស់បានឲ្យដឹងថា៖លោកឧត្តមសេនីយ៍ត្រី ស៊ឹម សំអាត នាយប៉ុស្តិ៍នគបាលអន្តោប្រវេសន៍ប្រចាំច្រកទ្វារអន្តរជាតិប៉ោយប៉ែតនិងលោក សេម មករាជា នាយផ្នែកសេនាធិការ រៀបចំមន្ត្រីក្រោមឱវាទចាំយកលុយពីកម្មករអូសរទេះចេញ ចូលថៃ។
ទីតាំងទី/១ចំណុចប៉ុស្តិ៍កណ្តាលជិតរង្វង់មូលដោយយកលុយពីកម្មករដឹកត្រី និងខោអាវជជុះចាប់ពី៥០០០រៀល(ប្រាំពាន់រៀល)ទៅ១០០០០រៀល(មួយម៉ឺនរៀល)ម្តង។ទីតាំងទី២/ប៉ុស្តិ៍កណ្តាលចំណុចជិតកន្លែងលក់សំបុត្រចុះពីស្ពានមិត្តភាកម្ពុជា-ថៃ នៅកន្លែងនោះមានលោកអនុសេនីយ៍ឯក ម៉ៅ ម៉យ ឈរជើងចាំកាក់រទេះទំនិញដែលកម្មករអូសពីទឹកដីនៃប្រទេសថៃ ។ ភាគច្រើនកូនចៅលោកម៉ៅម៉យមិងយកដៃខ្លួនឯងផ្ទាល់ទេគឺ ប្រើឲ្យពលរដ្ឋម្នាក់ដែលស៊ីឈ្នួលជាអ្នកយកលុយមកឲ្យ ។
កម្មករអូសទំនិញបានបានប្រាប់ ឲ្យដឹងថា៖លោក ម៉ៅ ម៉យ បានទារក្បាលរទេះដឹកទំនិញ១រទេះចាប់ពី៥០បាតទៅ៣០០បាត(លុយបាត)តាមតូច ធំ ហើយរទេះខ្លះមានបង់ខែជាប្រចាំផងដែរ។ ដល់ខែលោក ម៉ៅ ម៉យ ខលទារតែម្តង មិនក្រោមពី២០០០បាតនោះទេ។
ក្រៅពីរកលុយកាក់ពីកម្មករអូរទេះប្រភពពីអ្នកញៀនល្បែងកាស៊ីណូក៏បានឲ្យដឹងដែរថាកន្លងមកពួកគាត់បានចតរថយន្តនៅក្នុងបរិវេណកាស៊ីណូ ដើម្បីចូលទៅលេងរយៈពេលយូរបន្តិចត្រូវប៉ូលីសអន្តោប្រវេសន៍ទារលុយរហូតទៅដល់៥០០បាត(លុយបាត)ឯណោះ។សូមបញ្ជាក់ដែរថានគរបាលអន្តោប្រវេសន៍មានតួនាទីមើលការខុសត្រូវឬបំពេញបែបបទនានាជូនភ្ញៀវចេញចូលក្រៅឬក្នុងប្រទេសតែប៉ុណ្ណោះ ការប្រមូលលុយតាមអំពើពុករលួយខាងលើនេះ មានលក្ខណៈពុករលួយជាប្រព័ន្ធ។
ដោយឡែក សម្រាប់ពលរដ្ឋខ្មែរធ្វើកាតចូលផ្សាររោងក្លឿប្រទេសថៃវិញត្រូវបានលោកឧត្តមសេនីត្រី ស៊ឹម សំអាត កំណត់អោយថតរូបមួយសន្លឹងដ៏តូចប្រហែល៣គុណនឹង៤សោះបែរជាពួកគេយកតម្លៃរហូតទៅដល់៦០០០រៀល ។ ប្រសិនជាប្រជាពលរដ្ឋបានយករូបថតដែលខ្លួនមានស្រាប់ បែរជាគេយកលេសថា រូបថតនោះមិនមានបញ្ជាក់ពីថ្ងៃខែ ។ នេះមិននិយាយពី អ្នកដែលធ្វើការនៅប្រើសម្តីដូចជះអាចម៍ទាំងកន្ថោនោះឡើយ ។
សូមបញ្ជាក់ដែរថា កាលពីដើមឆ្នាំ២០១៧ លោក សួន បវរ អភិបាលខេត្តបន្ទាយមានជ័យធ្លាប់បានចេញលិខិតមួយឲ្យនគរបាលអន្តោរប្រវេសន៍លោក ស៊ឹម សំអាត បញ្ឍប់យកលុយបីប្រជាពលរដ្ឋចូលផ្សាររុងគឿ ។ តែអាឡូវសឹមសំអាតយកគូថស្តាប់។
មន្ត្រីគណៈបក្សប្រជាជនកម្ពុជា(CPP)ក្នុងក្រុងប៉ោយប៉េតបានរិះគន់ថា សន្លឹកឆ្នោតគណបក្សប្រជាជនកម្ពុជា(CPP)ចំនួន២សង្កាត់ក្នុងក្រុងប៉ោយប៉ែតបាត់បង់នោះកាលពីបោះឆ្នោតអាណត្តិមុនចាញ់គឺ
ដោយសារតែភាគច្រើនគឹមានចំណែកមកពីមន្ត្រីខិលខូចពិសេសកូនចៅលោកឧត្តមសេនីត្រី ស៊ឹម សំអាតនិងលោកសេម មករានេះបង្កឡើងតែម្តង ។
ប្រជាពលរដ្ឋបានស្នើសុំឯកឧត្តមនាយឧត្តមសេនីយ៍ សុខ ផល អគ្គនាយកដ្ឋានគរបាលអន្តោប្រវេសន៍ ក៏ដូចជាស្ថាបន័ប្រឆាំងអំពើរពុករលួយមកធ្វើការស៊ើបអង្កេតភាពមិនប្រក្រតីរបស់មេប៉ុស្តិ៍អន្តោប្រវេសន៍ច្រកទ្វារអន្តរជាតិប៉ោយប៉ែតនេះផងបើពុំទទួលបានលាភសក្ការៈពីលោកស៊ឹមសំអាតទេនោះ ។
ជុំអង្គភាពយើងសង្ឃឹមថានឹងមានការបកស្រាយពីលោក ស៊ឹម សំអាត លោក សេម មករានិងលោក ម៉ៅ ម៉យប្រសិនបើមិនបានគោះលុយពីអ្នកអូសរទេះមែន៕
