ខេត្តក្រចេះ ៖ កម្លាំងការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តក្រចេះ សហការជាមួយកម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តស្ទឹងត្រែង ធ្វើការបង្ក្រាបករណីជួញដូរដោយខុសច្បាប់នូវសារធាតុញៀននឹងឃាត់ខ្លួនជនសង្ស័យបានចំនួន ០២នាក់ នៅតាមផ្លូវលំស្ថិតក្នុងភូមិអូរលាវ ឃុំអូរគ្រៀង ស្រុកសំបូរ ខេត្តក្រចេះ កាលពីល្ងាចថ្ងៃទី២៦ ខែមិថុនា ឆ្នាំ២០១៨។
លោក គង់ ស៊ីដន ប្រធានការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តក្រចេះបានប្រាប់ឲ្យដឹងថាកម្លាំងរបស់លោកសហការជាមួយកម្លាំងការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តស្ទឹងត្រែង ដោយមានការអនុញ្ញាតពី លោក លន់ សុផាត ស្នងការនគរបាលខេត្ត និងលោក កែវ សុជាតិ ព្រះរាជអាជ្ញា អមសាលាដំបូងខេត្តក្រចេះបើកប្រតិបត្តិការបង្ក្រាបគ្រឿងញៀនទ្រង់ទ្រាយធំដោយឃាត់ខ្លួនជនសង្ស័យបានចំនួន០២នាក់នឹងដកហូតបានគ្រឿងញៀនជាច្រើន។
លោកបានបញ្ជាក់ថាជនសង្ស័យទាំងពីរនាក់មានឈ្មោះ៖
១- ឈ្មោះ ស្រុន ពិសី ភេទប្រុស អាយុ ៣១ឆ្នាំ ជនជាតិខ្មែរ (ជាមុខសញ្ញាជួញដូរយ៉ាងសកម្ម)
២- ឈ្មោះ តូច សុភ័ក្ត្រ ភេទប្រុស អាយុ ២៥ឆ្នាំ ជនជាតិខ្មែរ ។
ជនសង្ស័យទាំង០២ មានទីលំនៅស្ថិតក្នុងភូមិខ្សាច់លាវ ឃុំអូរគ្រៀង ស្រុកសំបូរ ខេត្តក្រចេះ ។ វត្ថុតាងចាប់យករួមមាន ៖
ក្រាមម្សៅពណ៌សថ្លា ជាគ្រឿងញៀនប្រភេទមេតំហ្វេតាមីន (ICE) ចំនួន ០៤កញ្ចប់មធ្យមនឹងម៉ូតូ ចំនួន០២គ្រឿង (ម៉ាក HONDA ZOOMER X ពាក់ស្លាកលេខ ក្រចេះ 1D-8475 និងម៉ាក HONDA WAVE ចាស់)។
ហើយបច្ចុប្បន្ន ជនសង្ស័យនិងវត្ថុតាងកម្លាំងនគរបាលគ្រឿងញៀនខេត្តក្រចេះបានយកទៅប្រគល់ឲ្យកម្លាំងនគរបាលគ្រឿងញៀនខេត្តស្ទឹងត្រែងដល់ស្នងការដ្ឋាន ដើម្បីផ្តុំសំណុំរឿងតាមនីតិវិធីច្បាប់ ៕
