កំពង់ឆ្នាំង៖ លោកឧត្ដមសេនីយ៍ត្រី សាក់ សារ៉ាងតាំងពីដកពីខែត្រមណ្ឌឡគិរីមកចូលកាន់តំណែងជាមេបញ្ជាការកងរាជអាវុធហត្ថខេត្តកំពង់ឆ្នាំង ធ្វើអោយមន្ត្រីកងរាជអាវុធហត្ថដែលធ្លាប់មានស្នាដៃកន្លងមកមួយចំនួនមិនសប្បាយចិត្ត។ ការលេចធ្លាយពតិមានមនត្រីចាស់២មានស្នាដៃមិនសប្បាយចិត្តគឹដោយសារកើតឡើងនូរបៀបធ្វើការ បក្សពួកនិយមនិងគ្រួសារនិយមក្នុងបញ្ជារការដ្ឋានប៉េអឹមខេត្តនេះ។ កម្លាំងកងរាជអាវុធ ហត្ថស្នាក់ការលេខ៥០០ទទួលខុសត្រូវនោះមានមេញ្ជាការវ័យក្មេងគឺជាខ្សែរស្រឡាយរបស់លោកឧត្ដមសេនីយ៍ត្រី សាក់ សារ៉ាង់ មេបញ្ជាការកងរាជអាវុធហត្ថខេត្តកំពង់ឆ្នាំង?!។
មានសេចក្តីរាយការណ៍ថា៖ជារៀងរាល់យប់ៗគេសង្កេតឃើញមានរថយន្តជាច្រើនគ្រឿងដឹកឈើប្រណីតចេញពីស្រុកវាលវែងនិងស្រុកភ្នំក្រវ៉ាញខេត្តពោធិសាត់ឆ្លងកាត់ទឹកដីខេត្តកំពង់ឆ្នាំង។ ឡានមួយចំនួនចុះទៅបង់លុយជូនលោកប្រធានស្នាក់ការ លេខ៥០០។តែដោយឡែកប្រភពពីខាងក្នុងអង្គភាពវិញបានបង្ហើបប្រាប់ថា៖សម្រាបរថយន្តដឹកឈើមានដូចជារថយន្តសាំងយ៉ុង.រថយន្តកាមារីបាឡែន.ហាយឡិនឌឺ និងរថយន្តខ្នាតធំៗដឹកអង្កាម.ស្រូវ.និងដំឡូងមី ពីលើ.ឈើពីខាងលើ គឺពួកគេបង់លុយតាមរយ:ទូរស្ទ័ពនិងគណនីវិន។
មានរឿងរ៉ាវជាក់ស្ដែងមួយទាក់ទងនិងសកម្មភាពស៊ីដាច់របស់លោកមេបញ្ជាការវ័យក្មេងដែលគេថាជាខ្សែលោកមេបញ្ជាការថ្មី។ កាលពីវេលាម៉ោង៨និង៣០នាទីយប់ថ្ងៃទី១១ខែមិថុនាឆ្នាំ២០១៨ កន្លងទៅនេះ កម្លាំងកងរាជអាវុធហត្ថស្នាក់ការលេខ៥០០ បានស្ទាក់ចាប់រថយន្តហាយឡិនឌ័រមួយគ្រឿងដែលដឹកឈើធ្នង់តូចៗចំនួន ១៨០ គីឡូក្រាម តែដោះលែងវិញស្ងាត់ៗមិនបញ្ជូនឲ្យមេព្រៃទេ ថ្នូរទឹកប្រាក់៥០០ដូល្លារអាមេរិក។
ម្ចាស់រថយន្តដឹកឈើរួមជាមួយនឹងភរិយាដែលមានផ្ទៃពោះផងបានសូមអង្វរនិងចរចារគ្នាជាមួយលោកប្រធានស្នាក់ការសន្តិសុខ៥០០ ដោយសម្របសម្រួលសុំទម្លាក់ឈើក្នុងឡាននោះ ដោយព្រមបង់ប្រាក់ចំនួន៤០០ដុល្លា។តែលោកប្រធានស្នាក់ការ ទារគ្រប់ចំនួន ៦០០ដុល្លារដាច់ណាត់។
ម្ចាស់រថយន្តហាយឡិនឌ័រជាអ្នករត់តាក់ស៊ីពីខេត្តពោធិ៍សាត់ទៅរាជធានីភ្នំពេញ ដោយសារតែជំពាក់លុយធនាគារដែលខ្ចីយកមកទិញរថយន្តដើម្បីប្រកបមុខរបរនិងជិតដល់ថ្ងៃបង់ប្រាក់ផងនោះ ក៏ប្រថុយដឹកឈើធ្នង់មុខកាត់តូចៗចំនួន ១៨០ គីឡូដើម្បីយកទៅលក់គ្រាន់បានលុយបន្ថែបសម្រាប់បង់សងអោយធនាគារផង។
អកុសលខណ:កំពុងធ្វើដំណើរមកដល់ចំណុចស្នាក់ការសន្តិសុខលេខ៥០០ដែលមានទីតាំងនៅម្ដុំលង្វែកនោះក៏ត្រូវប៉េអឹមចាប់ជាប់ជម្រិតទារលុយទៅ។
ប្រជាពលរដ្ឋនៅម្ដុំនោះនិយាយថាសកម្មភាពបែបនេះកើតមានស្ទើរជារាងរាល់យប់ទៅហើយបើរថយន្តមួយណាដែលរកស៊ីបទល្មើសមិនព្រមឈប់បង់លុយឲ្យទេលោកប្រធានស្នាក់ការសន្តិសុខ ៥០០ បញ្ជារឲ្យកូនចៅបើករថយន្តប្រដេញចាប់យករថយន្តទាំងនោះជាមិនខាន។តែបើតាមប្រភពពីមេព្រៃវីឲ្យដឹងថាគេមិនសូវបានឃើញស្នាដៃបង្ក្រាបបទល្មើសព្រៃឈើរបស់ប៉េអឹមស្នាក់ការ៥០០នោះទេ! ។
