មណ្ឌលគិរី៖ ប្រភពពត៌មានពីស្រុកពេជ្រាដា បានឲ្យដឹងថា កាលពីយប់ថ្ងៃទី១៩ ខែមិថុនានេះ សកម្មភាពដឹកជញ្ជូនឈើប្រណិតតាមរថយន្តឡង់គ្រីស័រកែឆ្នៃ ជាច្រើនគ្រឿងសម្រុកដឹកជញ្ជូនឆ្លងដែនទៅប្រទេសវៀតណាមបានយ៉ាងរលូនតាមច្រកទ្វេភាគីណាំលៀរហៅប៉ុស្តិ៍៧ ស្ថិតក្នុងឃុំប៊ូស្រា ស្រុកពេជ្រដា ខេត្តមណ្ឌលគិរីដោយគ្មានកាបង្ក្រាបទប់ស្កាត់ពីសំណាក់មន្ត្រីជំនាញពាក់ពន្ឋ័នោះឡើយ។
ប្រភពច្បាស់ការណ៍បានឲ្យដឹងថា រយះពេលប៉ុន្មានខែចុងក្រោយនៅក្នុងអំឡុងចុងខែឧសភា និងដើមខែមិថុនាមុនថ្ងៃបោះឆ្នោតសកលនេះ សកម្មភាពនៃកាដឹកជញ្ចូនឈើប្រណិតឆ្លងដែនទៅវៀត គឺបានចាប់ផ្តើមគក្រើកឡើងវីញហើយបន្ទាប់ពីមានសភាពស្ងប់ស្ងាត់មួយរយះបន្ទាប់ពីមានករណីបាញ់សម្លាប់មន្ត្រីការពារព្រៃឈើនៅប៉ុស្តិអូរលែកាលពីពេលថ្មីកន្លងទៅនេះ។
ប្រភពបន្តរថា ការដឹកជញ្ជូនឈើខុសច្បាប់បានធ្វើឡើងទាំងយប់ទាំងថ្ងៃ តាមរថយន្តឡង់គ្រីស័រ ដោយរត់ឆ្លងកាត់មុខបញ្ជារការដ្ឋានកងរាជអាវុធហត្ថស្រុកពេជ្រាដា និងអធិការដ្ឋាននគរបាលស្រុកពេជ្រាដា យ៉ាងរំភើយ ។
សេចក្តីរាយការណ៍ បានបញ្ជាក់ទៀតថា ការដឹកជញ្ជូនឈើប្រណីត ឆ្លងទៅប្រទេសវៀតណាម បានឆ្លងកាត់ទីតាំង ដែលបណ្ដុំទៅដោយសមត្ថកិច្ច មានដូចជា សាលាស្រុកពេជ្រាដា អធិការដ្ឋាន នគរបាលស្រុក បញ្ជាការយោធាស្រុក និងមូលដ្ឋានកងរាជអាវុធហត្ថស្រុកបើមិនចាយលុយស្មានថាទៅរួចឬ?។
ចំពោះការដឹក ឈើប្រណីតទាំងនោះ ប្រភពពីសមត្តកិច្ចមូលដ្ឋាននិយាយថា៖ គឺត្រូវរត់ការបង់លុយ ឲ្យសមត្ថកិច្ចជំនាញ គ្រប់ស្ថាប័នពាក់ព័ន្ធ ដែលឈរជើងក្នុងស្រុកពេជ្រាដា រហូតដល់ ច្រកទ្វារណាំលៀ (ហៅប៉ុស្តិ៍ប្រាំពីរ) ក្នុងនោះសម្រាប់ រថយន្តកាមរីដឹកឈើប្រណីត ត្រូវបង់ប្រមាណ ៥០០ដុល្លារ ហើយសម្រាប់ រថយន្តប្រភេទ ឡង់គ្រីស្ស័រ និងធុនត្រា គឺត្រូវបង់ប្រមាណជា ១០០០ដុល្លារ។
ប្រភពច្បាស់ការពីសមត្ថកិច្ចក្នុងខេត្តបានអោយដឹង ថាសកម្មភាពដឹកជញ្ជូនឈើតាមច្រកខាងលើ គឺភាគច្រើនក្រុមឈ្មួញ ជាកងកម្លាំងសមត្ថកិច្ច ដោយគេមិនហ៊ានបញ្ចេញឈ្មោះនោះឡើយ តែគេប្រើមន្ត្រីយោធាម្នាក់ឈ្មោះ ឆុង ជាអ្នកមើលការខុសត្រូវតាមក្បួនរថយន្ត និងរត់ការជួបសមត្ថកិច្ចពាក់ពន្ឋ័ ។
លោក ផូ សំអន ប្រធានស្នាក់ការច្រកទ្វេរភាគីណាំលៀរមិនអាចសុំការពន្យល់ បានទេដោយទូរសព្ទ័លោកកលចូលមិនមានអ្នកទទួល។ឯលោក សំរិទ្ធ ណយ មេប៉ុស្តិ័នគរបាលច្រកទ្វេភាគីណាំលៀរ បានបញ្ជាក់អោយដឹងថាចំពោះករណីដឹកជញ្ជូនឈើខុស ច្បាប់ វាមិនមានអ្នកណាហ៊ានចេញច្បាប់អោយនោះទេ តែបើមានប្រហែលជាចេញវាលួចចេញតែមិនមែនច្រកណាំលៀរទេ!។
សូមបញ្ជាក់ថា សកម្មភាពនៃកាដឹកជញ្ជូនឈើ នៅក្នុងខេត្តមណ្ឌលគីរីចេញទៅស្រុកយួន សព្វថ្ងៃមានកាបើកច្រកចំនួន២ច្រកសម្រាប់ធ្វើកានាំចេញឆ្លងដែនទៅវៀតណាម គឺមានច្រកដាក់ដាំ និងច្រកទ្វេភាគីណាំលៀរហៅប៉ុស្តិ៍៧ ។ បច្ចុប្បន្នបទល្មើសព្រៃឈើត្រូវបានគេរាយការណ៍បានកើតឡើងយ៉ាងគគ្រឹកឡើងវិញក្នុងពេលដែលថ្ងៃបោះឆ្នោតខិតកាន់តែជិតមកដល់!៕