ភ្នំពេញ ៖ វាពិតជាភ្ញាក់ផ្អើល និងអាណិតអាសូរចំពោះតារាសម្តែង និងពិធីការិនី អាលីយ៉ាជាពន់ពេកក្រោយពីបានឃើញ នាងស្ថិតនៅក្នុងបន្ទប់សង្គ្រោះបន្ទាន់នៅមន្ទីរពេទ្យកាល់ម៉ែត្រអស់ជាច្រើនថ្ងៃហើយគ្មានមិត្តភ័ក្កិសាច់ញាតិមកមើលការខុសត្រូវដែលសូម្បីតែប្រាក់ក្នុងខ្លួនមួយសេនក្នុងខ្លួនក៏គ្មាន។
អាលីយ៉ាជាតារាស្រីដែលធ្លាប់តែរស់ក្នុងភាពស៊ីវីល័យបានធ្លាក់ខ្លួនស្ទើមិនគួរឲ្យជឿដោយមានសភាពស្គមស្គាំងគ្មានកម្លាំងកំហែង និងមានជំងឺរលាកទងសួតធ្ងន់ធ្ងរគួរឲ្យអនិច្ចាពន់ពេក។
នាងបានឲ្យដឹងថា៖មិនមានអ្នកណាមកមើលថែនាងទេក្រោយនាងធ្លាក់ខ្លួនឈឺ ហើយបានធ្វើដំណើរពីខេត្តសៀមរាបមកសង្គ្រោះបន្ទាន់នៅមន្ទីរពេទ្យកាលម៉ែតភ្នំពេញ។
នាងថា សូម្បីតែខោអាវនៅជាប់ខ្លួនក៏គ្មានក្រោយពេលចោរលួចអស់សម្លៀកបំពាក់ ដែលនាងទុកនៅក្នុងពេទ្យ។ និយាយទាំងស្រក់ទឹកភ្នែកក្តុកក្តួល តារាស្រីរូបនេះសម្តែងការអស់សង្ឃឹមថាមិនដឹងជាទ្រាំបានដល់ពេលណាទេ?។
គួរបញ្ជាក់ដែរថា អាលីយ៉ា បានចាប់ផ្តើមធ្លាក់ខ្លួនពីភាពស៊ីវីល័យក្រោយពីនាងរងការវាយ ដំពីអតីតសង្សារជាអនិកជនអាមេរិក ហាងក៏ត្រូវគេរំលោភយក ការងារសិល្បៈត្រូវបាត់បង់ និងរងចាំភាពយុត្តិធម៌អស់ជាង២ឆ្នាំមកហើយមិនទទួឡបាន។
ជួយសង្គ្រោះនាងផង!!!
