ក្រចេះ៖ យ៉ាងហោចណាស់នៅក្នុងរយៈពេល២យប់ នៅយប់ថ្ងៃទី២៨/២៩ ខែមេសារ ឆ្នាំ២០១៦នេះ មានមនុស្ស ២នាក់បានស្លាប់ និង៨នាក់ផ្សេងទៀតត្រូវរបួស ដោយសាររន្ទះបាញ់ ខណៈដែលមានភ្លៀងធ្លាក់យ៉ាងខ្លាំងលាយឡំជាមួយនឹងខ្យល់កន្ត្រាក់ ផ្គរ និងផ្លេកបន្ទូលពាសពេញផ្ទៃមេឃ ។
នគរបាលប៉ុស្ដិ៍ស្វាយជ្រះ នៅយប់ថ្ងៃទី២៩ ខែមេសា ឆ្នាំ២០១៦ វេលាម៉ោង៦និង២០នាទី បុរសម្នាក់ឈ្មោះ នាតណយ ភេទប្រុស អាយុ១៩ឆ្នាំ រស់នៅភូមិតាសោម ឃុំស្វាយជ្រះ ស្រុកស្នួល បានស្លាប់បាត់បង់ជីវិតដោយសាររន្ទះបាញ់ និងមានមនុប្រុសស្រីចំនួន ៥នាក់ផ្សេងទៀតរងរបួសស្រាល ។
សមត្ថកិច្ច បន្តថា ទី១ ឈ្មោះភេទ ភឿន ភេទស្រីអាយុ៥២ឆ្នាំ ,២ ឈ្មោះជា ភាព ភេទប្រុស អាយុ៣៧ឆ្នាំ, ៣ ឈ្មោះនាត សូត្រ ភេទស្រី អាយុ ៣៤ឆ្នាំ, ៤ឈ្មោះភាព ម៉ាលីស ភេទស្រី អាយុ ១១ឆ្នាំ, ៥ឈ្មោះ ភាព ផល្លា ភេទប្រុស អាយុ ៣ឆ្នាំ ជនរងគ្រោះទាំង ៥នាក់នេះត្រូវជាក្រុមគ្រួសាររងគ្រោះខាងលើ ខណៈពេលដែលពួកគាត់កំពុងជួបគ្នាហូបបាយពេលយប់។
ដោយឡែក នៅឯនៅភូមិយាវ ឃុំកំពង់ចាម ស្រុកសំបូរ ក៏កើតមានករណីរន្ទះបាញ់មនុស្សស្លាប់ម្នាក់ របួស ៣នាក់ និងរលំផ្ទះមួយខ្នងផងដែរ កាលពីយប់ថ្ងៃទី២៨ ខែមេសា ឆ្នាំ២០១៦កន្លងទៅថ្មីៗនេះ ខណៈពេលដែលមានភ្លៀងធា្លក់មួយមេធំ លាយឡំជាមួយខ្យល់កន្ត្រាក់ ព្រមទាំងមានរន្ទះនោះ ។
ប្រភពពីសមត្ថកិច្ចនគរបាលប៉ុស្ដិ៍កំពង់ចាម បានឱ្យដឹងថា ជនរងគ្រោះដែលស្លាប់ដោយសាររន្ទះបាញ់នោះមានឈ្មោះ សៅ សារី ភេទប្រុស អាយុ៦២ឆ្នាំ រស់នៅភូមិឃុំកើតហេតុ និងមានមនុស្ស ៣នាក់ផ្សេងទៀតរងរបួសស្រាល ទី១ឈ្មោះ នុត វេត ភេទប្រុស អាយុ៤៦ឆ្នាំ របួសចំក្បាល ទី២ឈ្មោះ ភុន ដេប ភេទប្រុស អាយុ៣៨ឆ្នាំ រងរបួសចំកណ្ដាលខ្លួន និងទី៣ឈ្មោះ ឡាយ ដាំ ភេទប្រុស អាយុ២៩ឆ្នាំ របួសចំក្បាល។
ចំណែកឯផ្ទះដែលដួលរលំមាន ១ខ្នង មានទំហំ៥គុណ៧ ស្ថិតក្នុងភូមិទន្សោងធ្លាក់ ឃុំកំពង់ចាម ម្ចាស់ឈ្មោះ ជន រី អាយុ២៨ឆ្នាំ និងប្រពន្ធឈ្មោះ យាន សុភាព អាយុ២៧ឆ្នាំមានកូន៤នាក់ ៕
ដោយ កិះ ខន
