ខេត្តព្រសីហនុ ៖ សម្ដេចក្រុមព្រះ នរោត្ដម រណឬទ្ធិ ប្រធានគណបក្សហ្វ៊ុនស៊ិនប៉ិច និងអ្នកម្នាង អ៊ុក ផល្លានាព្រឹកថ្ងៃទី១៧ ខែមិថុនា ឆ្នាំ២០១៨បានជួបគ្រោះថ្នាក់ចរាចរណ៍ទៀតហើយនៅចំណុចភូមិអូរតាសេក ឃុំអូរចំណារ ស្រុកព្រៃណប់ ខេត្ដព្រះសីហនុបណ្តាលឲ្យ រងរបួសធ្ងន់ហើយអ្នកម្នាងអ៊ុកផល្លាបានស្លាប់នៅមន្ទីរពេទ្យនាវេលាម៉ោងជាង១២ថ្ងៃត្រង់ ។
ស្នងការនគរបាលខេត្តព្រះសីហនុឧត្តមសេនីយ៍ ជួន ណារិន បានឲ្យដឹងថា គ្រោះថ្នាក់ចរាចរណ៍នេះបង្កឡើងដោយឈ្នួលមួយគ្រឿងម៉ាកហាយលែនឌើ ពាក់ស្លាកលេខភ្នំពេញ 2L9667 ធ្វើដំណើរពីខេត្ដព្រះសីហនុ ទៅកាន់រាជធានីភ្នំពេញ ហើយបានបុកចូលរថយន្តរបស់សម្តេចក្រុមព្រះតែម្តងបណ្តាលឲ្យសម្តេចក្រុមព្រះ និងអ្នកម្នាងអ៊ុក ផល្លាបេក្ខជនតំណាងរាស្ត្រពេញសិទ្ធិ លំដាប់លេខរៀងទី១ នៃគណបក្សហ្វ៊ុនស៊ិនប៉ិច សម្រាប់មណ្ឌលព្រៃវែងពេល ព្រះអង្គកំពុងយាងទៅជួបសំណេះសំណាលជាមួយប្រជាពលរដ្ឋនៅក្នុងខេត្តព្រះសីហនុ។អ្នកម្នាងអ៊ុកផល្លាររងរបួសធ្ងន់និងបានស្លាប់នៅមន្ទីរពេទ្យកាលពីវេលាម៉ោង១២:២៣នាទី ថ្ងៃអាទិត្យ៥កើត ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៧ ខែមិថុនា ឆ្នាំ២០១៨ក្នុងជន្មាយុ៣៩ឆ្នាំ ។ រីឯភាគីរថយន្តឈ្នួលហាយលែនឌើរងរបួស៥នាក់ផងដែរ។
អ្នកម្នាងអ៊ុកផល្លា(កើតថ្ងៃទី២៧ ខែកក្កដា ឆ្នាំ១៩៧៩ បានចូលហាត់រៀនរបាំបុរាណ នៅសាលាភូមិន្ទវិចិត្រសិល្បៈ ពេលមានវ័យ៩ឆ្នាំ ហើយបានចេញសម្តែងលើកដំបូងជាសាធារណៈ ពេលចម្រើនវ័យបាន១៣ឆ្នាំ ។
អ្នកម្នាងបានបែកបាក់ពីអតីតស្វាមីមុនគឺលោកវ៉េងសេរីវុឌ្ឍអតីតរដ្ឋមន្ត្រីក្រសួងទេសចរណ៍រាជរដ្ឋាភិបាលអាណត្តិទី៣ហើយបានមករួមរស់ជាមួយនឹងសម្តេចក្រុមព្រះនរោត្តមរណឫទ្ធិ ។ អ្នកម្នាងមានបុត្រ២ព្រះអង្គ ជាមួយសម្តេចក្រុមព្រះ គឺនរោត្តមរណវង្ស និងនរោត្តមសុធាឫទ្ធិ ។
ប្រភពពីមន្ត្រីអ្នកនាំពាក្យគណបក្សហ្វុស៊ិនប៉ិចបានឲ្យដឹងថាសពអ្នកម្នាងអ៊ុកផល្លានឹងត្រូវតំកល់ធ្វើបុណ្យនៅវត្តបុទុមវត្តី ។ ខណៈដែលសម្ដេចក្រុមព្រះ នរោត្តម រណឫទ្ធិ ត្រូវបានដឹកតាមឧទ្ធម្ភាគចក្រយោធា Z9 ចំនួន ២ គ្រឿង មកសង្គ្រោះបន្ដនៅមន្ទីរពេទ្យរ៉ូយ៉ាល់រតនៈ រាជធានីភ្នំពេញ។សូមរំលឹកថាកាលពីវេលាម៉ោង១២ថ្ងៃទី២៥ មេសា ២០១៥ កន្លងមកនេះ រថយន្ត សម្ដេចក្រុមព្រះ នរោត្ដម រណឬទ្ធិ ព្រះប្រធានគណបក្សហ្វ៊ុនស៊ិនប៉ិច បាន គ្រោះថ្នាក់ចរាចរណ៍ម្តងរួចមកហើយ ដោយ ខណៈក្បួនរថយន្តរបស់សម្តេចក្រុមព្រះ ត្រូវរថយន្តដឹកដីបុកយ៉ាងពេញទំហឹង ក្នុងទិសដៅបញ្ច្រាសគ្នា បណ្តាលឱ្យមនុស្សរងរបួសធ្ងន់-ស្រាលជាច្រើននាក់ ស្ថិតនៅចំណុចភូមិខ្វិតធំ ឃុំខ្វិត ស្រុកព្រៃឈរ ខេត្តកំពង់ចាម ៕