សៀមរាប ៖ ដីក្នុងអាងទឺកទ្រនប់៧៨ ចំនួន៤០ហិកតា ជាកម្មសិទ្ធិរបស់ប្រជាពលរដ្ឋភូមិគោកធ្លក ឃុំកន្ដែង ស្រុកប្រាសាទបាគង ខេត្តសៀមរាប ត្រូវគេឃុបឃឹតគ្នាប្រែក្លាយដីឯកជនទៅជាដី សហគមន៍ ។
លោក ឡឹង លី អាយុ៥៧ឆ្នាំ ឈ្មោះរិតម៉េតអាយុ៥៥ ឈ្មោះ អៃ អួន អាយុ៥៤ឆ្នាំ ក្នុងចំណោមប្រជាជនជាង ១០០ គ្រួសារបានឲ្យដឹងថា ដីក្នុងទំនប់៧៨ ជាដីអាងស្តប់ទឹកធ្វើស្រែប្រាំងចំនួន១៥០ហិកតា ប្រជាពលរដ្ឋកាន់កាប់ជិត៤០ហិកតាស្រាប់តែថ្ងៃទី២៩ ខែ០៥ ២០១៨គ្រឿងចក្រ លោកគង់មង្គលមកឈូសឆាយយកដីពួកគាត់ ។ ពេលនោះ អ្នកស្រុកជិត៥០នាក់បានទៅឃាត់គ្រឿងចក្រឲ្យឈប់ធ្វើសកម្មភាព ។ ស្រាប់តែស្អែកឡើងថ្ងៃទី៣០ ឧសភា មានប៉ូលិសប៉េអឹមជាច្រើននាក់ចុះមកហាមប្រជាពលរដ្ឋក្នុងភូមិឲ្យឈប់តវ៉ា ។
លោក ជា ម៉ូវ មេភូមិគោកធ្លកឲ្យដឹងថា ៖ ឆ្នាំ២០១៦ លោក អឿន ពៅ អភិបាលរងក្រុងសៀមរាប មកប្រជុំជាមួយប្រជាជនក្នុងភូមិ រឿងដីទំនប់៧៨តែអ្នកស្រុកមិនព្រម។ដោយស្ដាប់គ្នាមិនបាន លោកពៅបានត្រឡប់ទៅវិញបាត់ទៅ ។ តាំងពីពេលនោះស្ងាត់ឈឹង ទើបតែថ្មីៗនេះ គេមកឈូសឆាយយកដីប្រជាពលរដ្ឋរបស់គាត់បែបនេះ ខ្ញុំជាម៉ូវមិនយល់មិនដឹងគេធ្វើយ៉ាងណា?។ ពេលសួរថា បងបានស៊ីញ៉េលើលិខិតលក់ដីក្នុងទំនប់៧៨ចំនួន៨២០០០ម៉ែត្រការ៉េ តាំងពីឆ្នាំ២០០៦ ?។ លោក ជា ម៉ូវ ឆ្លើយថា ពេលនោះសហគមន៍ក្នុងភូមិស្រុះស្រួលគ្នាលក់ដីយកប្រាក់មកធ្វើផ្លូវ និងអភិវឌ្ឍន៍ក្នុងភូមិ ។
លោក ខាំ លឿ អតីតមេឃុំកន្ដែកឲ្យដឹងថា ដីនេះជាដីកេរ្កឹ មរតកសម្ដេចតេជោ ហ៊ុន សែន ហើយបានបែងចែកព្រំប្រទល់តាំងពីជំនាន់ លោកខាំលន់ និងលោកប៉ាតឈាង រវៀងឃុំកន្ដែកនិងឃុំជ្រាវជិត៤០ឆ្នាំហើយ ។ លោកលឿបន្តថា ឆ្នាំ២០០៤ លោកក្អោបរ៉នមេឃុំជ្រាវ លោកប៉ិតប៉ូ និងមន្ត្រីជលផលពីរនាក់ទៀតមកសុំទិញដីក្នុងអាងទឹក តែខ្ញុំមិនព្រមលក់ឲ្យ។ លើកទីពីរ ឯកឩត្ដម ខូវ ផល្លារបុត្រ មកសុំទិញដីក្នុងអាងទឹកខ្ញុំខាំលឿមិនព្រមលក់ដដែល។ ក្រោយមកឈ្មោះ ក្អោប រ៉ន ចេះតែប្រើល្បិចកល់ សុំសម្ដេចសង្ឃធ្វើបារាយណ៍ ខ្ញុំខាំលឿទទួលយកអត់បានទេ បើក្អោបរ៉នចង់ធ្វើ ៗតែដីជ្រាវចុះ រឿងអីគាត់មកធ្វើដីឃុំកន្ដែក ដែលគេបែងចែកតាំងពីឆ្នាំ៧៩ រួចហើយ ។ លោកមិនចោទខេត្តស្រុកទេ គំរោងនេះលោក ក្អោប រ៉ន អ្នកដឹកនាំរំលោភចូលដី៤០ហិកតា ។
លោក ខាំ លឿចោទ លោកក្អោបរ៉នអាងបក្ខពួកអាងសំបូរអ្នកធំជួយ ។លោកបន្តថាជួយក៍ជួយចុះ អ្នកកាន់សាសនាព្រះពុទ្ធប្រយ័ត្នបាបខ្ញុំលឿជឿថាសម្ដេចសង្ឃរាជ លោកមិនបំពានអញ្ចឹងទេ ។ អ្នកដឹកនាំសាសនាទូទាំងប្រទេស លោកប្រដៅធម៍ម៉ាប្រទេស ។ លោកបន្តថា បើសម្ដេចសង្ឃដឹងលោកមិនយកទេ ព្រះអង្គដឹងហើយអ្វីដែលគេមិនបានឲ្យដោយកាយឫដោយវាចារ បើសម្ដេចបានឭសូមសម្ដេចពិនិត្យឡើងវិញ ផង ។
លិខិតសាលាខេត្តសៀមរាប លេខ៣២៥ / ១៦ សជណ ថ្ងៃទី៩ខែមេសាឆ្នាំ២០១៦ ចំនុចទី៣ ដាក់ថា សហគមន៍ត្រូវរាបចំផែនការគម្រោងអភិវឌ្ឍន៍ដែលទទួលបានអនុញ្ញាតពីរាជរដ្ឋាភិបាល ឲ្យបានច្បាស់លាស់ និងស្នើសុំការពិនិត្យសម្រេចពីអាជ្ញាធដែនដីរ និងសមត្ថកិច្ចពាក់ព័ន្ធ ។
ចំណុចនេះ លោក គង់ មង្គលអាង មានបក្ខពួកច្រើន មិនបានពិគ្រោះយោបល់ ឫចរចាជាមួយប្រជាពលរដ្ឋភូមិគោកធ្លកទេ បែជាធ្វើរបាយការណ៍ប្រគេនសម្ដេចព្រះសង្ឃរាជ ដើម្បីបាន សជណ ក្នុងដៃមកឈួសយកដី៤០ហិកតា ដោយមិនអស់ប្រាក់មួយរៀលឡើយ ។
លោក គង់ មង្គល ឲ្យដឹងថា គម្រោងអភិវឌ្ឍន៍លើផ្ទៃដីជាង២០០ហិកតា ចំណាចទឹកប្រាក់អស់៣០លានដុល្លាអាមេរិក ចំណែកដីក្នុងអាងជាដីរបស់រដ្ឋ ព្រះសង្ឃរាជអភិវឌ្ឍន៍ទំនប់នប់៧៨ ដើម្បីស្តប់ទឹកឲ្យបានច្រើនសម្រាប់អ្នកស្រុកធ្វើស្រែប្រាំង ។
លោក ក្អោប រ៉ន ឲ្យដឹងថា ដី នោះជាដីរបស់រដ្ឋលោកមិនមានសិទ្ធិលក់ទេ ជាគោលការណ៍របស់សម្ដេច ព្រះសង្ឃរាជទេពវង្ស ព្រះអង្គអភិវឌ្ឍន៍ ដើម្បីយកទឹកឲ្យអ្នកស្រុកធ្វើស្រែពីរដងក្នុងមួយឆ្នាំ លោកមិនបានប្រព្រឹត្តដូចលោកខាំលឿចោទប្រកាន់ឡើយ ៕
