ភ្នំពេញ ៖ ទោះបីនៅស្រុកខ្មែរមានប្រតិកម្មថ្កោលទោសអាមេរិករឿងបង្កកទ្រព្យសម្បត្តិ នាយឧត្តមសេនីយ ហ៊ីង ប៊ុនហៀងអគ្គមេបញ្ជាការកងទព័និងជា មេបញ្ជាការនៃកងអង្គរក្សរបស់នាយករដ្ឋមន្ត្រីកម្ពុលើកម្ពុជាក៏ដោយក៏ប៉ុន្តែនៅអាមេរិកឯណោះកញ្ញាកឹមមនោវិទ្យាកូនស្រីលោកកឹមសុខាបានស្វាគមន៍និងខិតខំរុញអាមេរិកឲ្យធ្វើលើមន្ត្រីខ្មែរយើងថែមទៀតដោយកញ្ញាហៅថាដើម្បីជម្រុញកម្ពុជាមកត្រឡប់ដើរលើគន្លងប្រជាធិបតេយ្យវិញ។
តាមរយៈហ្វេសប៊ុករបស់លោក កឹម សុខា នៅថ្ងៃទី១៣ ខែមិថុនា ឆ្នាំ២០១៨ បានឲ្យដឹងថា កញ្ញា កឹម មនោវិទ្យា បានជួបពិភាក្សាអំពីបញ្ហាសិទ្ធិមនុស្សនៅកម្ពុជា ជាមួយលោក ស្កត់ បាស់ប៊ីឧបការីរងក្រសួងការបរទេសអាមេរិកទទួលបន្ទុកសិទ្ធិមនុស្ស។ ក្នុងជំនួបនោះ កញ្ញាក៏បានថ្លែងអំណរគុណដល់ក្រសួងការបរទេសអាមេរិកដែលបានជំរុញឲ្យមានចំណាត់ការមកលើការបំពានសិទ្ធិមនុស្សនៅកម្ពុជា។
កញ្ញា កឹម មនោវិទ្យា បានលើកឡើងថា “ស្នើសហរដ្ឋអាមេរិកឲ្យបន្តនឹងបន្ថែមនូវចំណាត់ការផ្សេងៗទៀត ក្នុងគោលបំណងជម្រុញឲ្យប្រទេសកម្ពុជា ត្រឡប់មកដើរលើគន្លងប្រជាធិបតេយ្យវិញ ដើម្បីឲ្យយមានសន្តិភាព និងការបង្រួមបង្រួមជាតិ យូរអង្វែង ឈរលើមូលដ្ឋានគោរពគ្នាទៅវិញទៅមក”។
សូមបញ្ជាក់ថា នាយឧត្តមសេនីយ ហ៊ីង ប៊ុនហៀង មេបញ្ជាការនៃកងអង្គរក្សរបស់នាយករដ្ឋមន្ត្រីកម្ពុជា ត្រូវបានក្រសួងរតនាគារអាមេរិកបង្កកទ្រព្យសម្បត្តិដោយបានចោទប្រកាន់ថា លោកបានរំលោភសិទ្ធិមនុស្សយ៉ាងធ្ងន់ធ្ងរ ហើយភ្លាមៗនោះស្ថាប័នកំពួលៗរបស់កម្ពុជា បានចេញសេចក្ដីថ្លៃការណ៍ប្រឆាំង និងថ្កោលទោសទៅនឹងការបង្កកទ្រព្យសម្បត្តិនេះ ។
លោកនាយឧត្តមសេនីយ៍ ហ៊ីង ប៊ុនហៀង ក៏និយាយថា លោកអត់ខ្វល់ទេព្រោះលោកអត់មានទ្រព្យសម្បត្តិអីនៅអាមេរិកឡើយ។តែលោកសមរង្ស៊ីមេចលនាខុសច្បាប់សង្គ្រោះជាតិឌឺថាបើអត់ខ្វល់ប្រតិកម្មធើ្វអី?៕
