ព្រៃវែង ៖ មានសេចក្តីរាយការណ៍ថាគយចល័តផ្លូវជាតិលេខ១ក្រោមបញ្ជារលោកផែងភឿនបាន កំណត់ឲ្យ រថយន្តក្រុង រាប់សិបគ្រឿងដែល ដឹកទំនិញបង្កប់គេចពន្ធពី”ក្រុងហូជីម៉ិញ”ប្រទេសវៀតណាម ចូលមកក្រុងភ្នំពេញបង់ក្នុង ក្នុង១ឡាន១៥០០$ ជាថ្នូរ មិនពិនិត្យឆែកឆេរ,,។ក្រៅពី រថយន្តក្រុងដឹកជញ្ជូនអាជីវករ លក់ម៉ូតូអត់ពន្ធ នៅផ្សារអ្នកលឿងស្រុកពាមរក៍ ក៍មិនរួចខ្លួនដែរគឺបង់លុយដាក់ខែឲ្យគយចល័តក្នុងមួយខែ
ចាប់ពី៤០០$ទី៦០០$ សម្រាប់ហាងលក់ម៉ូតូអត់ពន្ធ១កន្លែង ។ ក្រៅពីឈ្មួញខឹលខូចឈ្មួញរកស៊ីត្រឹមត្រូវក៏ រអ៊ូរទាំ ស្ទើគ្រប់គ្នា អំពីការដាក់កុងត្រូលជជុះ និងដេញចាប់រថយន្តដឹកទំនិញផ្លែឈើគ្រប់ប្រភេទដែលមិនបានបង់លុយៀងដែរ។
ទន្ទឹមនិងនោះ សម្រាប់រ៉ឺម៉កដឹកទំនិញសំពីងសំពោង ចេញពីវៀតណាមឲ្យតែឆ្លងកាត់ទីនោះ ត្រូវបង់លុយឲ្យគយចល័តផ្លូវជាតិលេខ១ ចំនួន១៥០,០០០ក្នុងមួយរ៉ឺម៉កជាកំហិត។
ឯរ៉ឺម៉កម៉ូតូដឹកបន្លែបង់ចាប់ពី៣ទៅ៥ម៉ឺនរៀលក្នុងមួយជើង។រថយន្តសាំយ៉ុងដឹកបន្លែផ្លែឈើបង់ចាប់ពី៨ទៅ១៥ម៉ឺនរៀល ក្នុងមួយរថយន្ត។
សូមបញ្ជាក់ដែរថា ៖ គយចល័តផ្លូវជាតិលេខ១ ដែលមានទីតាំងស្នាក់ការនៅជាប់ផ្លូវជាតិលេខ១ ចំណុចភូមិទួលល្ពាក់ ឃុំរំចេក ស្រុកព្រះស្ដេច ខេត្តព្រៃវែងស្ថិតក្រោមបញ្ជាលោក ផែន ភឿន ប្រធានគយចល័តផ្លូវជាតិលេខ១។សម្រាប់រាល់ការចាប់រថយន្តដឹកទំនិញផ្សេងៗវិញ គេមិនសូវឃើញលោកគយធ្វើការផាកពិន័យបង់ពន្ធចូលរដ្ឋឡើយ គឺតែងតែសម្រួលយកលុយច្រើនរួចដោះលែងឲ្យទៅវិញនិងកំណត់ឲ្យបង់លុយដាក់ខែទើបលែងចាប់ទៀត,,។
លោក ផែន ភឿន ប្រធានគយចល័តផ្លូវជាតិលេខ១មិនអាចសុំការបំភ្លឺបានទេ។ឯលោក នី គឹមហួ អនុប្រធានគយចល័តនៅទីនោះបានបដិសេធពេលទូរសព្ទចូល ថា ច្រឡំលេខហើយ,,,។
ឯមន្ត្រីគយចល័តផ្សេង បានបកស្រាយថា រឿងដាក់ខែពីអ្នកលក់ម៉ូតូអត់ពន្ធ និងឡានក្រុងនោះ វាមិនពិតទេ ស៊ើបឲ្យច្បាស់សិនទៅ,,?!។
ទោះបីជាយ៉ាងណារាល់ថ្ងៃនេះ គេសង្កេតឃើញមានរថយន្តក្រុងដឹកទំនិញគេចពន្ធពីក្រុង ហូជីម៉ិញចូលមកខ្មែរ បានយ៉ាងរលូន ព្រោះមន្ត្រីគយចល័តប្រចាំផ្លូវជាតិលេខ១ អត់បង្ក្រាបឬទប់ស្កាត់ ផាកពិន័យអ្វីឡើយ,,យូៗទើបលេចចេញការបង្ក្រាបម្តងពេលមានការតឹងតែងឬមិនបាននិយាយគ្នាជាមុន។
គេសង្ឃឹមថា ពតិមាននេះ ជាពន្លឺសម្រាប់អង្គភាពប្រឆាំងអំពើរពុករលួយចាត់ការស្រាវច្រាវប្រសិនបើគេអនុវត្តតាមអភិក្រមសម្តេចហ៊ុនសែនឆ្លុះកញ្ញក់ងូតទឹកដុះក្អែលព្យាបាលហលយចុងក្រោយគឺវះកាត់!៕
