ខេត្តឧត្តរមានជ័យ៖ ប្រជាពលរដ្ឋជាច្រើននៅក្នុង ស្រុកអន្លង់វែង និងស្រុកត្រពាំងប្រាសាទ ខេត្តឧត្ដរមានជ័យ អ្នកសង្កេតការណ៍សាព័ត៌មានផងដែរមានការងើយឆ្ងល់ថា តើលោក ម៉ៅ សារ៉េត មានឥទ្ធិពលអ្វីនិងមានអំណាចធំប៉ុនណាទៅបានជាំអាចប្រព្រឹត្តបទល្មើសព្រៃឈើស្រួលម្លេះ? ។
ដោយបានដឹងថា ប្រមុខរាជរដ្ឋាភិបាលចេញបទបញ្ជាហាមប្រាមសកម្មភាពដឹកជញ្ជូនឈើដោយក្បួនឡានម្សៀម៉ៅសារ៉េតធ្វើឲ្យប្រជាពលរដ្ឋ សង្ស័យទៅលើអាជ្ញាធរមូលដ្ឋាន និងសមត្ថកិច្ចមន្ត្រីជំនាញគ្រប់ជាន់ថ្នាក់ទាំងអស់ក្នុងខេត្តឧត្ដរមានជ័យថា មានការឃុបឃឹតប្រព្រឹត្តបទល្មើសស៊ីសំណូកពុករលួយជាមួយម្សៀ ម៉ៅ សារ៉េតហ្មងបានជា បណ្ដោយឲ្យមេឈ្មួញដុះស្លែរូបនេះ ធ្វើការដឹកជញ្ជូនទៅបានយ៉ាងរលូនរាប់ឆ្នាំ រហូតមកដល់ក្នុងពេលបច្ចុប្បន្នចឹងនេះ។
ជាក់ស្ដែងកាលពីយប់ថ្ងៃ ព្រហស្បតិ៍ ទី ០៧ ខែមិថុនា ឆ្នាំ ២០១៨ វេលាម៉ោង ១២ និង៣១ នាទីអាធ្រាតគឃើញមាន មានក្បួនរថយន្ដដឹកផលអនុផលព្រៃឈើកែច្នៃទ្វារឥតច្បាប់ ចំនួន ០៤ គ្រឿង។ រថយន្ដទី ០១ ម៉ាកសាងយ៉ុង ពណ៌សំបកឪឡឹក ពាក់ស្លាក់លេខ(ភ្នំពេញ 2P-0850) ដឹកពេញ-រថយន្ដទី ០២ ម៉ាកសាងយ៉ុងពណ៌ស ដឹកពេញ-រថយន្ដទី ០៣ ម៉ាក វីហ្គោ ពណ៌ត្រេអ៊ី ដឹកពេញ និងរថយន្ដទី ០៤ ម៉ាក តាកូម៉ា ពណ៌ស ដឹកពេញ ជារបស់លោក ម៉ៅ សារ៉េត បានធ្វើសកម្មភាពដឹកជញ្ជូនឈើទ្វារចេញពី ចំណុចផ្ទះរបស់លោកផ្ទាល់ ស្ថិតនៅក្នុងស្រុក ត្រពាំងប្រាសាទ ដោយឆ្លងកាត់ស្រុកអន្លង់វែង ចូលទៅខេត្តឧត្ដរមានជ័យ ឆ្ពោះទៅខេត្ត បន្ទាយមានជ័យ និងខេត្តនានា។
ពតិមាននេះសង្ឃឹមថា លោក ឯកឧត្ដម ស ថាវី អភិបាលនៃគណៈអភិបាលខេត្តឧត្ដរមានជ័យ បានជ្រាបនឹងមានចំណាត់ការ ទៅលើមន្ត្រីថ្នាក់ក្រោមឱវាទដែលខឹលខូច ជួយទប់ស្កាត់និងបង្ក្រាបសកម្មភាពបទល្មើស បង្កឡើងដោយមេឈ្មួញដុះស្លែឈ្មោះ ម៉ៅ សារ៉េត នេះជាមិនខាន ៕
