ខេត្តព្រះសីហនុ ៖ ឯកឧត្តម យន្ត មីន អភិបាលខេត្តព្រះសីហនុ មានប្រសាសន៏ថា: ទិវាបរិស្ថានពិភពលោកឆ្នាំ២០១៨ បានធ្វើអោយមានការផ្លាស់ប្ដូរឥរិយាបថ និងអាកប្បកិរិយារបស់មនុស្សក្នុងការប្រើប្រាស់ផលិតផលធ្វើពីផ្លាស្ទិច។ ជារឿងចាំបាច់បំផុតដែលទាំងអស់គ្នាត្រូវតែរកមធ្យោបាយដោះស្រាយបន្ទាន់មួយ។
ព្រោះការបំពុលដោយថង់ប្លាស្ទិច ធ្វើឲ្យប៉ះពាល់ដល់អាយុជីវិតមនុស្ស សត្វពិសេស សំណល់ផ្លាស្ទិច កំពុងគំរាមកំហែងយ៉ាងធ្ងន់ធ្ងរដល់ភពផែនដីរបស់យើង។
ឯកឧត្តម យន្ត មីន សំណូមពរប្រជាពលរដ្ឋ កុំបោះសំណល់ ឬថង់ប្លាស្ទិកចោលផ្តេសផ្តាស ព្រោះវាបានបង្កផលប៉ះពាល់គុណភាពដី ទឹក ប្រពន្ធ័អេកូឡូស៊ី ពិសេសជីវ:ចម្រុះក្នុងទឹក។យើងត្រូវរួមគ្នាកាត់បន្ថយការប្រើប្រាស់ថង់ប្លាស្ទិក ដើម្បីសុខភាពយើងទាំងអស់គ្នា។
លោក សាមុត សុធារិទ្ធ ប្រធានមន្ទីរបរិស្ថានខេត្តព្រះសីហនុ មានប្រសាសន៍ថា: ទិវាបរិស្ថានជាតិ និងបរិស្ថានពិភពលោកឆ្នាំ២០១៨ ឆ្លុះបញ្ចាំងពីឆន្ទៈរួម ដើម្បីកិច្ចគាំពារបរិស្ថាន និងភពផែនដី ពិសេស ការប្រារព្ធទិវារបរិស្ថាន ។ដើមស្ងាវ ចំនួន ២០០ដើម ត្រូវបានដាក់ដាំនៅតាមបណ្តោយឆ្នេរឯករាជក្នុងពិធីនោះ ៕
