កំពងឆ្នាំង ៖ កាលពីថ្ងៃទី០៦ ខែមិថុនា ឆ្នាំ២០១៨ កម្លាំងសមត្ថកិច្ចជំនាញរដ្ឋបាលព្រៃឈើផ្នែករមាសនិងសង្កាត់ក្រាំងស្គារសហការជាមួយកម្លាំងសមត្ថកិច្ចប៉ូលីសប៉ុស្ដិក្រាំស្គារបសនចុះចាប់ត្រាក់ទ័រចំនួន២គ្រឿងរបស់ឈ្មួញរៀបដីលក់ឈ្មោះគា និងឈ្មោះគ័ង(ហៅគន)នៅខាងកើតភ្នំតាសាំក្នុងឃុំក្រាំងស្គារតាមបញ្ជានិងការចង្អុលបង្ហាញពីលោកលោកងិន ហ៊ុន និងលោកម៉េងហាក់បន្ទាប់ពី ក្រុមការងារអ្នកសារព័ត៌មាន រាយការណ៍ជូន។
កាលពីវេលាម៉ោង១២និង៣០នាទីថ្ងៃត្រង់ថ្ងៃទី០៥ ខែមិថុនា ឆ្នាំ២០១៨មាន ក្រុមការងារអ្នកសារព័រមានយើងចំនួន៣អង្គភាព ដែល មានគ្នាចំនួន៣នាក់បានធ្វើដំណើរតាមផ្លូវពីគ្រាំងស្គារមកគ្រាំលាវបានប្រទះឃើញត្រាក់ទ័រចំនួន២គ្រឿងកំពុងធ្វើសកម្មភាពឈូសឆាយ ដីព្រៃយកធ្វើកម្មសិទ្ធនៅត្រង់ចំណុចខាងលិចផ្លូវលេខបូកភូមិគ្រាំលាវចម្ងាយ២គ.មនិងខាងកើតភ្នំតាសាំចម្ងាយប្រមាណ២គ.ម។
អ្នកបើក បរត្រាក់ទ័រឈូស ឆាយដីព្រៃនោះបានប្រាប់អោយដឹងថាត្រាក់ទ័រនោះជារបស់ឈ្មោះគាដែលមានលេខទូរស័ព្ទ ០៩៧៨៨៤៧៧៧១ និងឈ្មោះគ័ង ដែលមានលេខទូរស័ព្ទ ០៨៨៣២២១១៥៦រស់នៅភូមិក្រាំងស្គារ។ឈ្មោះគាម្ចាស់ត្រាក់ទ័របានអោយដឹងថាគាត់ជាម្ចាស់គ្រឿងចក្រស៊ីឈ្នួលឈូសឆាយដីអោយគេ គាត់មិនបានដឹងអំពីច្បាប់ឈូសឆាយនោញទេ។
ចំណែកឈ្មោះគ័ង បានប្រាប់អ្នកយកព័ត៌មានយើថាដីដែលគាត់ឈូសឆាយនេះគឺមានច្បាប់ត្រឹមត្រូវចេញពីអជ្ញាធរស្រុទឹកផុស ភូមិបាលស្រុក សូរិយោដីខេត្ត ប៉ុន្តែនៅពេលអ្នកសារព័ត៌មានយើងថាមិនអីទេបើពិតជាមានច្បាប់នោះ ចាំសួរទៅជំនាញនិងអភិបាលស្រុកនិងប្រធានមន្ទីរកសិកម្មខេត្តទៅដឹងហើយ ។ពេលនោះលោក គ័ងបាននិយាយថាចាំបាច់សួរនាំទៅណាធ្វើអីជួបត្រឺមគាត់ទៅបានហើយ ព្រោះឈូសឆាយដីត្រឹមតែដីតិចតួចនោះ។
បើតាមការពិនិត្យជាក់ស្ដែងដីនៅតំបន់នោះមិនមែនដីតិចតួចដូចការលើកឡើងនោះទេគឺមានទំហ៊ំរាប់រយ រាប់ពាន់ហិចតាឯណោះ។គ្រឿងចក្រត្រាក់ទ័រដែលចូលទៅឈូសឆាយដីនៅតំបន់នោះមិនមែនមានត្រឹមតែ២គ្រឿងនោះទេគឺមានរហូតដល់ទៅជិត១០គ្រឿងឯណោះដែលភាគច្រើនជាគ្រឿងចក្រយកមកពីខេត្តពោធិ៍សាត់ ។
ក្រោយពីទទួលបានព័តមានលោកងិន ហ៊ុនប្រធានមន្ទីរកសិកម្មខេត្តក៏បានបញ្ជារកម្លាំងសមត្ថកិច្ចជំនាញរដ្ឋបាលព្រៃឈើផ្នែករមាសនិងសង្កាត់ក្រាំងស្គារសហការជាមួយកម្លាំងសមត្ថកិច្ចប៉ូលីសប៉ុស្ដិក្រាំងស្គារចុះបង្ក្រាបបានទាន់ពេលវេលា ដោយចាប់បានត្រាក់ទ័រចំនួន២គ្រឿងនៅចំណុចខាងលើយកទៅរក្សាទុកនៅផ្នែករដ្ឋបាលព្រៃឈើរមាស់ដើម្បីចាត់ការតាមនិតិវិធី៕