ខេត្តក្រចេះ ៖ បច្ចុប្បន្ននេះស្របពេលដែលព្រះរាជាណាចក្រកម្ពុជា ជួបប្រទះនូវវិបត្តិនយោបាយក៏ដូចវិបត្តិផ្សេងៗ ដែលធ្វើឱ្យ សម្តេចតេជោ មានការឈឺក្បាលនោះ ក៏មានជនឱកាសនិយមមួយចំនួនឆ្លៀតឱកាសពេលដែលប្រមុខរាជរដ្ឋាភិ បាលជាប់រវល់ ដោះ ស្រាយបញ្ហាវិបត្តិនយោបាយនោះ ពួកគេក៏បានឃុបឃិតគ្នាជាមួយមន្ត្រីជំនាញ ជាពិសេសអាជ្ញាធរខេត្តលួចរកស៊ីកាប់បំផ្លាញ និងដឹកឈើខុសច្បាប់យ៉ាងអនាធិបតេយ្យ ។
តាមប្រភពពីប្រជាពលរដ្ឋដែលរស់នៅក្នុងឃុំកន្ទួត ស្រុកចិត្របូរី ខេត្តក្រចេះ បានរាយការណ៍មកដំណឹងភ្នំពេញថា សព្វថ្ងៃនេះ នៅ ក្នុងឃុំកន្ទួត មានលេចចេញនូវឈ្មោះបីនាក់ផ្សេងទៀត ហើយដែលចេញមុខរកស៊ីទិញ និងដឹកឈើខុសច្បាប់ យកទៅលក់ឱ្យ ឈ្មួញ នៅប្រទេសវៀតណាម ដោយទី១-មានឈ្មោះ ចិន, ទី២-ឈ្មោះ ប៉ាង និងទី៣-ឈ្មោះ ទូច (ហៅគ្រូពេទ្យ ទូច) ដែលសព្វថ្ងៃ នេះ ពួកគេទាំងបី កំពុងតែមមាញឹក និងការសម្រុកដឹកឈើប្រណីត ចេញពីព្រៃទាំងយប់ទាំងថ្ងៃ គ្មានសមត្ថកិច្ចជំនាញណាម្នាក់ ហ៊ាន ចាប់ឃាត់រទេះ និងរថយន្តរបស់ពួកគេឡើយ ។
ប្រភពដដែលបន្តថា ពួកទាំងបី គឺបានឱ្យប្រជាពលរដ្ឋនាំគ្នាទៅកាប់ឈើ និងដឹកឈើពីតំបន់អូរខ្តុលក្នុងទឹកដី ខេត្តមណ្ឌលគីរី តាម រយៈរទេះគោយកមកឱ្យពួកគេសាងដាក់រថយន្តនៅក្នុងទឹកដីឃុំកន្ទួត ស្រុកចិត្របូរី ខេត្តក្រចេះ រួចដឹកបន្តយកទៅលក់ឱ្យឈ្មួញ នៅ ឯកស្រុកស្នួល ខេត្តក្រចេះ ដោយពុំដែលឃើញសមត្ថកិច្ច ឬមន្ត្រីពាក់ព័ន្ធពីស្ថាប័នណាមួយហ៊ានបង្ក្រាបឡើយ ។ ជាពិសេស សុខ គោ នាយសង្កាត់រដ្ឋបាលព្រៃឈើប្រចាំឃុំកន្ទួត ព្រមទាំងលោកអធិការស្រុកចិត្របូរីក៏ដូចជា លោកមេបញ្ជាការ អាវុធ ហត្ថ ស្រុក និងលោកអភិបាលស្រុកទំនងប្រហែលជាពួកគេត្រូវបានឈ្មោះ ចិន , ឈ្មោះ ប៉ាង និងឈ្មោះ ទូច (ហៅគ្រូពេទ្យ ទូច) ដាក់ ថ្នាំងងុយដេកឱ្យសន្លប់គ្រប់ៗគ្នាហើយទេដឹង ? ។
ប្រជាពលរដ្ឋដដែលបានឱ្យដឹងទៀតថា ដោយឡែកលោក ស ចំរុង អភិបាលខេត្តក្រចេះវិញ មិនមែនលោកមិនដឹងថា តំបន់ឃុំ កន្ទួត ស្រុកចិត្របូរី មានឈ្មួញរកស៊ីដឹកឈើនោះទេ ប៉ុន្តែលោកមិនអាចបញ្ជាមកលោកចៅហ្វាយស្រុកចិត្របូរី ដែលពួក យើងមិន ស្គាល់ត្រកូលទេ តែដឹងថា មានឈ្មោះ ញ៉ាក និងលោកអធិការស្រុកឈ្មោះ ហៀង ព្រមទាំងលោកមបេញ្ជាការអាវុធហត្ថឈ្មោះ ស៊រ ដែលអ្នកទាំងបីនេះជា ស្តេចត្រាញ់ដែលឈរជើងធ្វើជាម្ចាស់ទឹកម្ចាស់ដីនៃស្រុកចិត្របូរីយ៉ាងយូរណាស់មកហើយ ហើយទំនងជាពួកអ្នកទាំងបីខាងលើ លោកចៅហ្វាយស្រុក លោកអធិការស្រុក និងលោកមេប៉េអឹមស្រុក មានខ្នងបង្អែកយ៉ាងក្រាស់នៅឯក្រសួងហើយមើលទៅបានជាមិនខ្លាចនូវបទបញ្ជារបស់លោក ស ចំរុង អភិបាលខេត្តយ៉ាងនេះ ? ។
ប្រជាពលរដ្ឋដដែលបន្តថា ប្រសិនបើក្រសួងមហាផ្ទៃ ក៏ដូចជា ក្រសួងការពារជាតិ និងក្រសួងកសិកម្ម ជាពិសេសលោក ទី សុគន្ធ រដ្ឋលេខាធិការក្រសួងកសិកម្ម ដែលគេដឹងថា នាយអធិការខណ្ឌរដ្ឋបាលព្រៃឈើខេត្ត ក្រចេះ និងលោក សុខ គោ នាយសង្កាត់រដ្ឋបាលព្រៃឈើប្រចាំឃុំកន្ទួតជាមនុស្សដែលជិតស្និទជាមួយលោកឱ្យនៅតែ បន្តមកឈរជើងគ្រប់គ្រងក្នុងទឹកដីស្រុកចិត្របូរីបន្តទៀត ក្នុងទឹកដីស្រុកមួយនេះ (ស្រុកចិត្របូរី)និងត្រូវបានឈ្មោះ ចិន, ឈ្មោះ ប៉ាង និងឈ្មោះ ទូច (ហៅគ្រូពេទ្យទូច) ឱ្យគេកាប់បំផ្លាញព្រៃឈើខ្ទេចខ្ទីអស់ពាសពេញស្រុកហើយ មើលទៅ ? ។
ប្រជាពលរដ្ឋដដែលបានបន្ថែមថា សព្វថ្ងៃនេះមិនមែនថា ពួកយើងមិនដឹងថា សម្តេចតេជោ ហ៊ុន សែន ជាប់មមាញឹកក្នុងការដោះស្រាយវិបត្តិនយោបាយនោះទេ តែបើមិនសំណូមពរឱ្យសម្តេចជួយទេនោះ ព្រៃឈើនៅ ក្នុងទឹកដីខេត្តមណ្ឌលគីរី និងទឹកដីស្រុកចិត្របូរី ខេត្តក្រចេះ និងត្រូវបានឈ្មួញថ្លើមធំទាំងបី (ចិន ប៉ាង ទូច ហៅគ្រូពេទ្យទូច)បំផ្លាញអស់គ្មានសល់ទេ ។
ដោយឡែក លោកអភិបាលស្រុកចិត្របូរី និងលោកអធិការស្រុកចិត្របូរី និងលោកមេប៉េអឹមស្រុកចិត្របូរីក៏ ដូចជា មេឈ្មួញទាំងបី(ឈ្មោះ ចិន, ឈ្មោះ ប៉ាង និងឈ្មោះទូច (ហៅគ្រូពេទ្យទូច) ដំណឹងភ្នំពេញពុំអាចទំនាក់ទំនង សុំការ បំភ្លឺបានទេនៅថ្ងៃទី ២៦ ម្សិលមិញនេះ ដោយមិនស្គាល់លេខទូរស័ព្ទ ៕
លោក ទី សុគន្ធ