បន្ទាយមានជ័យ ៖ ប្រភពពីអ្នករកស៊ីតូចតាចបានឲ្យដឹងថាប៉ុស្ដ៏ឈរជើងនៅតាមផ្លូវជាតិលេខ៥ ក្បែរគល់ស្ពានទឹកថ្លា ស្ថិតនៅក្នុងខេត្តបន្ទាយមានជ័យលោកឈួន សោភា មេគយចល័តមជ្ឈឹមដែលទើបមកថ្មីកាប់ឆៅសម្បើមណាស់ ។ អ្នករកស៊ីដឹកទំនិញពីប្រទេសថៃតាមផ្លូវជាតិលេខ៥បានឲ្យដឹងថា៖ តាំងពីមានការផ្លាស់ប្ដូរមន្ត្រីគយចល័តឈរជើងនៅក្បែរស្ពានទឹកថ្លាកាលណាមក មិនដឹងមន្ត្រីគយទាំងអស់នោះមិនដឹងថាប្រញាប់យកលុយទៅណាទេ
ព្រោះគ្រាន់តែលុយថ្លៃបាយទឹកប្រចាំ ខែ មួយខែៗ គាត់ទារពីរថយន្តក្រុងដែលដឹកអ្នកដំណើររួចហើយមានដាក់ទំនិញអមជាមួយបន្តិចបន្ទួចគ្រាន់រួចថ្លៃសាំង និងថ្លៃចំណាយផ្សេងៗនោះដល់ទៅ៦-៧លានក្នុង១ខែសំរាប់រថយន្ត១គ្រឿង ហើយបើក្រុមហ៊ុនមានរថយន្ត៥គ្រឿងត្រូវរត់ឆ្លងកាត់ប៉ុស្ដ៏របស់គាត់គឺត្រូវបង់គុណចំនួនលុយតាមចំនួនក្បាលរថយន្ត ។
មន្ត្រីគយដែលជាអ្នកពូកែគាបទារលុយខ្លាំងជាងគេដែលគេស្គាល់ឈ្មោះអឿន និងឈ្មោះរី នោះ នៅឆ្លៀតអោយម្ចាស់រថយន្តក្រុងបង់របបមេប្រចាំខែ (លោកឈួន សោភា)ចំនួន១លានរៀលក្នុងរថយន្តមួយគ្រឿងថែមទៀត។បើមានម្ចាស់រថយន្តក្រុងណាត្អូញត្អែរសុំបញ្ចុះតម្លៃបង់ក្បាលឡានពួកគេឆ្លើយតបថាបើរកស៊ីមិកើតឈប់រកស៊ីទៅគ្មានអ្នកណាបង្ខំទេ ព្រោះពួកគាត់ជាគយ”ឯកឧត្តមអគ្គ”ដាក់មក មិនមែនចេះតែមកឈរជើងបានស្រួលៗនោះទេ។
ចំណែករថយន្តក្រុងឬរថយន្តដឹកទំនិញណាដែលបើកឆ្លងកាត់ មិនជូនដំណឹងឬមិនទៅជួបចរចាថ្លៃគ្នាមុនទេ ពេលចាប់បានឆែករកឃើញបទល្មើសគេចពន្ធ ទោះតិចក្ដី ច្រើនក្ដីដឹងតែធ្ងន់កហើយ បើគ្មានរាប់ពាន់ រាប់ម៉ឺនដុល្លារដោះស្រាយទេនិងត្រូវ គំរាមធ្វើរបាយការណ៏បញ្ជូនទៅលើទុកទំនិញ និងរថយន្តចោលរាប់ខែខាតឡុងចុងជាមិនខាន តែបើប៉ះរថយន្តណាមានទំនិញតិចតួចដែលមិនតម្រូវអោយចាប់បង់ពន្ធវិញគឺពួកគាត់ប្រើល្បិចរើឆែកចុះឆែកឡើងរាប់ម៉ោងធ្វើយ៉ាងណាអោយអ្នកដំណើរដែលជិះនៅលើរថយន្តនោះធុញទ្រាន់ប៉ះពាល់ដល់សេវាអាជីវកម្មដឹកអ្នកដំណើរជាមិនខាន។
តាមអ្នកដឹងរឿងបានបង្ហើបប្រាប់អោយដឹងថា បច្ចុប្បន្នយ៉ាងហោចណាស់ក៏មានរថយន្តក្រុងដឹកអ្នកដំណើរ និងឆ្លៀតដឹកទំនិញលាយជាមួយរត់ពីភ្នំពេញទៅប៉ោយប៉ែតខ្ទង់១០ក្រុមហ៊ុនដែរ ហើយក្នុងមួយក្រុមហ៊ុនមានរថយន្តរត់ពី២ទៅ៣គ្រឿងដែលសរុបទាំងអស់ក្នុង១ខែមានរថយន្តរត់ជិត៣០គ្រឿងឯណោះ ដូចនេះ បើគេយក១គ្រឿងបង់ប្រចាំខែខ្ទង់៧លានរៀល ក្នុងមួយខែចំណូលថ្លៃបាយទឹករបស់មន្ត្រីគយចល័តផ្លូវជាតិលេខ៥ដែលឈរជើងនៅក្បែរគល់ស្ពានទឹកថ្លាខ្ទង់២០០លានរៀលស្មើរ៥ម៉ឺនដុល្លារឯណោះ ។
គួរំលឹកថា៖ ទីតាំងប៉ុស្ដ៏ក្បែរស្ពានទឹកថ្លា អាចជារឿង លោក ឈួន សោភា នឹង ឯកឧត្តម គុណ ញឹមមេគយធំ អ្នកដាក់ទៅ ព្រោះអ្នករកស៊ីប្រាប់ថាគយទាំងនោះបានយកឈ្មោះ លោកអគ្គ គុណ ញឹម ទៅគំរាមថ្នាក់ក្រោម មួយម៉ាត់ណាក៏ថា ពួកគេខ្លាចតែ លោកអគ្គ គុណ ញឹម ម្នាក់ដែរ។ ជាទម្លាប់លោក ឈួន សោភា ក៏មិនសូវនៅប៉ុស្ដ៏ទេតែប្រើកូនចៅអោយប្រមូលលុយពីឈ្មួញដោយគ្មានវិក័យបត្រ័អីឡើយ ។មិនសុំការបំភ្លឺពីលោកឈួន សោភា មេគយចល័តគយពីភ្នំពេញបានទេសង្ឃឹមថានឹងមានការបកស្រាយបំភ្លឺជាមិនខាន!៕
