ខេត្តកំពត ៖ ទីតាំងល្បែងស៊ីសងខុសច្បាប់សង្វៀនជល់មាន់និងយូគីដ៏ធំមួយកន្លែងកំពុងបើកលេងយ៉ាងរលូននិងគគ្រើកខេត្តកំពតដោយមិនរំខាងដល់ សមត្ថកិច្ច និងអាជ្ញាធរមូល ដ្ឋាននោះឡើង ។ ទីតាំងសង្វៀនដ៏ធំនេះស្ថិតនៅក្នុងភូមិថ្ម ឃុំជម្ពូវន័ ស្រុកជុំគីរី ខេត្តកំពត ។
តាមប្រភពរាយារណ៍ពីប្រជាពលរដ្ឋដែលរស់នៅភូមិឃុំខាងលើបានឲ្យដឹងថាសង្វៀនជល់មាន់ដ៏ធំនេះ ម្ចាស់ ទីតាំងឈ្មោះ អ៊ួង វឹង ប្រើប្រាស់តួនាទីជា អ្នកកាសែត តែសុំលាក់ឈ្មោះអង្គភាពសិន បាន រត់ការនិងប្រហែលជា មានខ្នងបង្អែកធំហើយមើលទៅទើបហ៊ានបើកលេងយ៉ាង សង្ហាដូច្នេះ ដោយមិនមានសមត្ថកិច្ចឬអាជ្ញាធរ ណាហ៊ានមកក្បែរឡើយ ។ សូម្បីតែលោក ម៉ី សុខុម អធិការ នគរបាល ស្រុកជុំគីរី ដែលទើបតែឡើងកាន់តំណែងថ្មី ក៏ សំងំ ស្ងាត់ឈឹង សង្ស័យតែត្រូវថ្នាំ សណ្ដំរបស់ម្ចាស់សង្វៀនហើយមើលទៅ ? ។
ជុំវិញករណីល្បែងស៊ីសងខុសច្បាប់នេះដែរ អ្នកសារព័ត៌មាន យើងខ្ញុំពុំអាចសុំការបំភ្លឺពី លោក ម៉ីសុ ខុម អធិការនគរបាលស្រុកជុំគីរី បាននៅឡើយទេ ព្រោះទូរស័ព្ទឆ្លើយតបថា មិនអាចទាក់ទងបានទេនៅពេលនេះ ។ តាមរយៈ Tel:017655514 លោក អួង វឹង អ្នកកាសែតបាន ប្រតិកម្មឆ្លើយតបចំពោះការចុះផ្សាយអត្ថបទព័ត៌មាន អំពីទីតាំងជល់មាន់ និង ល្បែងយូគី នៅក្នុងអាណាចក្រស្រុកជុំគិរី ខេត្តកំពត ថា: លោកពុំមែនជាម្ចាស់ទីតាំងជល់មាន់ និងល្បែងស៊ីសងទេ ។ លោកពុំមានជាប់ពាក់ព័ន្ធនិងករណីកាងរត់ការបើកទីតាំងជល់មាន់អីទាំងអស់ ។ លោក អួង វឹង បញ្ជាក់ថា លោកគ្រាន់តែជាអ្នកកាសែតដូច អ្នកកាសែតផ្សេងៗទៀតដែរទេ ប៉ុន្តែលោកទទួលស្គាល់ថា ៖ មានអ្នកកាសែតជាច្រើននាក់បានទៅសុំលុយថ្លៃបាយទឹក សាំងឡាន ម៉ូតូពី ម្ខាស់ទីតាំងជល់មាន់នៅទីនោះ ។ ហើយថាពួក អ្នកកាសែតទៅសុំលុយពីកន្លែងជល់មាន់នោះឬកធំជាងចៅហ្វាយខេត្តទៀត?! ។ គេមិនដឹងថា ហេតុអីលោក អួង វឹង ដឹងឬកកាសែតទៅសុំលុយនោះទេ?។ តែបើផ្អែកតាមការអះអាងតាមទូរស័ព្ទពី លោក វឹង ពិតជានៅទីនោះមានទីតាំងល្បែងជល់ មាន់បើកលេងពិតប្រាកដមែន ។
សូមបញ្ជាក់ថា កន្លងមក សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ ធ្លាប់ដាក់បទបញ្ជាយ៉ាងម៉ើងម៉ាត់ ឲ្យកងកម្លាំងមន្ត្រីមានសមត្ថកិច្ច គ្រប់លំដាប់ថ្នាក់ត្រូវតែបង្ក្រាបល្បែងស៊ីសងខុសច្បាប់គ្រប់ប្រភេទ ។ ប៉ុន្តបទបញ្ជានេះត្រូវបានលោក ម៉ី សុខុម យកមកទ្រាប់គូថអង្គុយធ្វើមិនដឹង មិនឮ ។ សូមលោក ម៉ៅ ច័ន្ទមធុរិទ្ធិ ស្នងការនគរបាលខេត្តកំពតដែលល្បីថាមិនអនុគ្រោះបទល្មើសមេត្តា ពិនិត្យមើលកូនចៅលោកផងទាន ៕