ភ្នំពេញ ៖ រាជបណ្ឌិត្យសភាកម្ពុជាដឹកនាំដោយលោបណ្ឌឹតសុភាចា្យសុខទូចនៅព្រឹកថ្ងៃទី២៨ឧសភាឆ្នាំ២០១៨បានចាប់ផ្តើមរៀបចំវេទិកាតុមូលមួយ ដើម្បីឲ្យគណបក្សនយោបាយនានា បង្ហាញកម្មវិធីនយោបាយរបស់ខ្លួន សម្រាប់ចូលរួមប្រកួតប្រជែងការបោះឆ្នោតក្នុងខែកក្កដា។មាន គណបក្សនយោបាយ ចំនួន១៨ក្នុងចំណោមគណបក្ស២០ដែលគជបទទួស្គាល់បានចូលរួម។
ឯគណបក្សពីរមិនចូលរួមគឺមានបក្សសម្ព័ន្ធដើម្បីប្រជាធិបតេយ្យរបស់លោកខឹមវាសនា និងបក្សខ្មែរឈប់ក្ររបស់លោកក្រវាញដារ៉ន ។
សូមបញ្ជាក់ថាទោះជាគណបក្សទាំងពីរនេះដាក់ឈ្មោះចូលរួមបោះឆ្នោតសកលនាថ្ងៃទី២៩កក្កដាខាងមុខក៏ដោយតែមេគណបក្សទាំងពីរមិនបានឈរឈ្មោះតំណាងរាស្ត្រឡើយដែលមានន័យថាបានបោះបង់សិទ្ធធ្វើជានាយករដ្ឋមន្ត្រីហើយបើគណបក្សគេមានសំណាងឈ្នះឆ្នោត។
នេះគឺជាលើកទីមួយហើយ ដែលរាជបណ្ឌិត្យសភាកម្ពុជារបស់លោកបណ្ឌិតសុខ ទូច បានរៀបចំឲ្យមានវេទិកាប្រកួតប្រជែងកម្មវិធីនយោបាយរបស់គណបក្សនយោបាយនានា នៅមុនការបោះឆ្នោតជាតិនាថ្ងៃទី២៩ កក្កដា ខាងមុខនេះដែលកាលមុនវេទិការចឹងៗត្រូវបានរៀបចំឡើងដោយអង្គការអិនឌីអាយ(IDI)និងអាយអរអាយ(IRI)។តែអង្គការមិនមែនរដ្ឋាភិបាលដែលចាយលុយអាមេរិកនេះត្រូវបានបណ្តេញចេញពីស្រុកខ្មែរបាត់អស់ហើយ។
វេទិកាតុមូលស្តីពី«កម្មវិធីនយោបាយរបស់គណបក្សនយោបាយ»នេះរៀបចំធ្វើឡើងចាប់ពីថ្ងៃទី២៨ ឧសភានេះ រហូតដល់ថ្ងៃទី០៤ មិថុនា ខែក្រោយ។
វេទិការរាជបណ្ឌិត្យសភាកម្ពុជាដែលមានលោកបណ្ឌឹតសុខទូចសម្របសម្រួលបានអនុញ្ញាតឲ្យតំណាងគណបក្សនយោបាយនីមួយៗលើកឡើងពីកម្មវិធីនយោបាយរបស់ខ្លួន សម្រាប់ចូលរួមប្រកួតប្រជែងការបោះឆ្នោតជ្រើសតាំងតំណាងរាស្ត្រក្នុងខែកក្កដានៅកម្មវិធីថ្ងៃទី១។ ចំណែកចាប់ពីថ្ងៃទី២៩ ឧសភា និងថ្ងៃបន្តបន្ទាប់ទៀត គណបក្សនយោបាយនីមួយៗនឹងពិភាក្សាដេញដោលគ្នាពីកម្មវិធីនយោបាយរបស់ខ្លួន ហើយរាជបណ្ឌិត្យសភាកម្ពុជា ក៏នឹងអនុញ្ញាតឲ្យប្រជាពលរដ្ឋ ដែលជាម្ចាស់ឆ្នោតចូលរួមសួរសំណួរទៅកាន់តំណាងគណបក្សនយោបាយនីមួយៗផងដែរ ៕
