ព្រៃវែង៖ទារកចំឡែកម្នាក់បាន កើតមកមានក្បាល១ ខ្លួន២ ដៃ៤,ជើង៤នៅស្រុកពាមរក៍ប៊ិះឆក់ជីវិតម្តាយតែពេទ្យជួយទាន់នៅពេទ្យបង្អែកអ្នកលឿង កាលពីវេលាម៉ោង២រសៀល ថ្ងៃទី២៥ខែឧសភាឆ្នាំ២០១៨។
ម្តាយទារកនេះ ត្រូវបានក្រុមគ្រូសារនាំមកដល់មន្ទីរពេទ្យកាលពីវេលាម៉ោង៩ព្រឹក ថ្ងៃទី២៥ខែឧសភា ហើយក្រោយពីក្រុមគ្រូពេទ្យពិនិត្យឃើញថា ស្ថានភាពអ្នកម្តាយមិនស្រួល ពិបាកនិងបង្កើតកូន។
ទើបនៅវេលាម៉ោង២រសៀលថ្ងៃដដែល ក្រុមគ្រូពេទ្យក៏សម្រេចធ្វើការវះកាត់ទទួលបានជោគជ័យ ប៉ុន្តែបែរជាមានរឿងភ្ញាក់ផ្អើលកើតឡើង ព្រោះតែទារកដែលក្រុមគ្រូពេទ្យវះកាត់បាន គឺជាទារកចំឡែក ដែលមានក្បាលមួយ ខ្លួន២ និងដៃ៤ជើង៤ ហើយពុំមាន ដុះអ្វីដើម្បីបញ្ជាក់ថា ជាស្រីឬប្រុសនោះទេ ដែលគេកម្រនិងជួបប្រទះបំផុត,,,។
ប៉ុន្តែក្រោយពីចាប់កំណើតបានប្រមាណជា១ម៉ោងប៉ុណ្ណោះ ទារកចំឡែកនោះក៏បានស្លាប់បាត់បង់ជីវិតទៅវិញ។ ក្រុមគ្រួសារ បាននាំយកសាកសពទៅធ្វើបុណ្យនៅឯស្រុកវិញ ។ឯម្តាយទារកចំឡែកនេះ នៅសម្រាកព្យាបាលមុខរបួសនៅក្នុងមន្ទីរពេទ្យបង្អែកអ្នកលឿងនៅឡើយទេ៕