ខេត្តមណ្ឌលគិរី៖ សមត្ថកិច្ចចំរុះជាង១ រយនាក់ រួមមានក្រសួងបរិស្ថានក្រសួងរ៉ែនិងថាមពល អាវុធហត្ថលើផ្ទៃប្រទេស និងអាជ្ញាធរផងនោះ នៅថ្ងៃទី២៥ ខែឧសភា ឆ្នាំ២០១៨បាននិងកំពុងរុករក ក្នុងទីតាំងនានា របស់ក្រុមហ៊ុន រ៉ុង ឆេង របស់ចិននិងក្នុង សហគមន៍ រ៉ែមាស ចុងផ្លាស់ ដែលស្ថិតក្នុងភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី។
កាលពីថ្ងៃទី២៤ ឧសភាឆ្នាំ២០១៨ ពេលទៅដល់ក្រុមអន្តរក្រសួង បានបើកយុទ្ធនាការ ទ្រង់ទ្រាយធំ ដោយបែងចែក ជា៣ក្រុម ដោយត្រូវទៅស្រាវជ្រាវ នៅចំណុច៣។ ក្នុងនោះ១.ក្នុងទីតាំងក្រុមហ៊ុន រ៉ុង ឆេង ២.ចំណុចអូរក្លរ និង ៣.អូរទេរ។
លោកអភិបាលខេត្តមណ្ឌលគិរី ថ្លែងប្រាប់អ្នកសារព័ត៌មានថា៖ លោកនៅមិនទាន់បានដឹង ពីលទ្ធផល ទទួលមក យ៉ាងណាឱ្យបានច្បាស់នោះទេ ស្ថិតក្នុងការរង់ចាំ លទ្ធផលរបស់ក្រុម អន្តរក្រសួង។
សេចក្តីរាយការណ៍ពីទីតាំង មួយកន្លែង ជាប់ក្រុមហ៊ុន រ៉ុង ឆេង សមត្ថកិច្ច បានរកឃើញអាចម៍ដីរ៉ែមាស រាប់សិបតោន អាងស្តុករ៉ែ ប្រលាយបង្ហូរកាកសំណល់ ចូលអូរធម្មជាតិ និងធុងសារធាតុគីមី ជាច្រើន ដែលលាក់ទុក ក្នុងបន្ទប់ចាក់សោរជាប់។ នៅក្នុងនោះមានម៉ាស៊ីន បម្រើសកម្មភាព ចម្រាញ់រ៉ែមាស ត្រូវបានក្រុមជន ទុច្ចរឹត រំដោះចេញ យកទៅផ្លុងចោល ឆ្ងាយពីកញ្ច្រែង និង ជើងម៉ាស៊ីនផងដែរ។
ក្នុងយុទ្ធនាការនេះ ក្រោយប្រទះឃើញ នូវវត្ថុតាងល្មើសជាច្រើន ក្នុងទីតាំងរបស់ក្រុមហ៊ុន រ៉ុង ឆេង បើតាមមន្ត្រីជាន់ខ្ពស់ នៃ ក្រសួងរ៉ែនិង ថាមពល បានអះអាងភ្លាមៗថា៖ វាជាអំពើខុសច្បាប់ ដែលទីតាំងនេះ ជាអ្នកបង្ហូរសារធាតុគីមីពុល ចូលក្នុងទឹកអូរធម្មជាតិ ត្រូវតែរឹបអូស និងបិទភ្លាម។
លោក លី ម៉ាន់ជីង នាយករងក្រុមហ៊ុន Rong Chheng Industrial (Cambodia) Co.,Ltd បានប្រាប់កាសែតថា កាលពីម្សិលមិញថា ក្រុមហ៊ុនលោកមកទល់ពេលនេះនៅពុំទាន់បានដំណើរការជីកអណ្ដូងរ៉ែមាសទេ ហើយក៏ពុំបាននាំចូលសារធាតុស្យានីដ នេះដែរ។
លោកបានបញ្ជាក់ថា៖ «ពេលនេះក្រុមហ៊ុនយើងកំពុងដំណើរការសាងសង់ការដ្ឋាននៅមិនទាន់មានការជីកខួងអណ្ដូងរ៉ែ ទេ ហើយក៏មិនមានការនាំចូលសារធាតុស្យានីដ នោះដែរ។ យើងរីករាយក្នុងកិច្ចសហការជាមួយអាជ្ញាធរពាក់ព័ន្ធក្នុងការស្រាវជ្រាវលើករណីនេះ »។
ដោយឡែក ក្រោយបញ្ចប់សុន្ទរកថា ក្នុងពិធីបើកសិក្ខាសាលាបណ្ដុះបណ្ដាលស្ដីពី «ការប្រែប្រួលអាកាសធាតុ សម្រាប់ថ្នាក់ដឹកនាំវ័យក្មេង និង យុវជនរាជធានីភ្នំពេញ» នៅឯសណ្ឋាគារកាំបូឌីយ៉ាណា រាជធានី ភ្នំពេញ នាព្រឹកថ្ងៃព្រហស្បតិ៍ទី២៤ឧសភា លោក ទិន ពន្លក អគ្គលេខាក្រុមប្រឹក្សាជាតិអភិវឌ្ឍន៍ដោយចីរភាពនៃក្រសួងបរិស្ថាន បានប្រាប់អ្នកសារព័ត៌មានយ៉ាងខ្លីថា ការធ្វើសំណាកឈាមលើជនរងគ្រោះដែលស្លាប់ក្នុងឧប្បទ្ទវហេតុពុល នៅខេត្តក្រចេះកាលពី ៣ សប្ដាហ៍មុននេះ បានរកឃើញមានសារធាតុ «ហ្សានីដ» ប៉ុន្តែក្នុងកម្រិតតិចតួចបំផុត។
ក៏ប៉ុន្តែនៅព្រឹកថ្ងៃទី២៥ឧសភាពីក្នុងអង្គប្រជុំគណរដ្ឋមន្ត្រីសម្តេចតេជោនាយករដ្ឋមន្ត្រីបានប្រាប់ឲ្យដឹងថាថារដ្ឋមន្ត្រីបីក្រសួងមានសុខាភិបាលឧស្សាហកម្មនិងសិប្បកម្មក្រសួងរ៉ៃនិងឋាមពលបានចុះហត្ថលេខាលើប្រកាសរួមអន្តរក្រសួងបញ្ជាក់ជាថ្មីឡើងវិញថាមនុស្សរងគ្រោះនៅភូមិនិងភូមិអាល់ចឃុំកន្ទួតស្រុកចិត្តបុរីគឺដោយសារពុលស្រានិងថ្នាំសម្លាប់សត្វល្អិតនិងស្មៅ(មិនមែនដូចលោកចមប្រសិទ្ធនិយាយថាបណ្តាលមកពីសារធាតុស្យានីដដូចលោកចមប្រសិទ្ធនិយាយទេ)។
ករណីយ៍នេះសម្តេចតេជោបានព្រមានដកលោកចមប្រសិទ្ធចេញពីរដ្ឋមន្ត្រីដោយសារតែលោកមោនគោរពសម្តេច(គឺហ៊ានប្រាប់កាសែតមុនរបាយការណ៍ទៅដល់សម្តេច)?! ៕
