រដ្ឋមន្ត្រីចំនួន៣ ក្រសួង រួមមាន លោក ម៉ម ប៊ុនហេង រដ្ឋមន្ត្រីក្រសួងសុខាភិបាល, លោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧសហកម្ម និងសិប្បកម្ម និងលោក ស៊ុយ សែម រដ្ឋមន្ត្រីក្រសួងរ៉ែ និងថាមពល
នៅថ្ងៃទី២៤ ឧសភា ឆ្នាំ២០១៨ បានរួមគ្នាចេញសេចក្តីប្រកាសព័ត៌មួយ ដើម្បីបញ្ជាក់មូលហេតុជុំវិញករណីពុល របស់ប្រជាពលរដ្ឋនៅស្រុកចិត្របុរីខេត្តក្រចេះ បណ្តាលឲ្យស្លាប់១៣នាក់កាលពីពេលថ្មីៗនេះ។
នៅក្នុងសេចក្តីប្រកាសព័ត៌មាន បានបញ្ជាក់ថា «ការពុលនៅភូមិស្រែនន និងភូមិអាលច ឃុំកន្ទួត ស្រុកចិត្របុរី ខេត្តក្រចេះ បណ្តាលមកពីស្រាស ដែលមានលក់ ឬផលិតនៅក្នុងមូលដ្ឋាន ហើយដែលមានសារធាតុមេតាណុល កម្រិតខ្ពស់ និងទឹកព្រែកទេ និងអូរគគី មានសារធាតុគីមី មានកំហាប់ខ្ពស់ ដែលបណ្តាលមកពីថ្នាំសម្លាប់ស្មៅ និងថ្នាំសម្លាប់សត្វល្អិត»។
ជាមួយគ្នានេះ ក្រសួងឧស្សាហកម្ម និងសិប្បកម្ម ក្រសួងរ៉ែ និងថាមពល និងក្រសួងសុខាភិបាល បានអះអាងថា ខ្លួននឹងបន្តសហការគ្នា ដើម្បីបង្ការ ទប់ស្កាត់ និងជៀសវាងនូវបញ្ហាដែលកើតឡើងជាយថាហេតុ ។ សេចក្តីប្រកាសនេះគឺកើតឡើង ក្រោយពីមានការខ្វែងគំនិតគ្នា រវាងរដ្ឋមន្ត្រីទាំងបីអំពីករណីប្រជាពលរដ្ឋស្លាប់នៅតំបន់ខាងលើ ។
ទោះជាយ៉ាងណា មានការកត់សម្គាល់ថា សេចក្តីប្រកាសព័តិមាននេះ ហាក់បីដូចជាទះកំភ្លៀងរដ្ឋមន្ត្រីក្រសួងពាណិជ្ជកម្ម និងកសិកម្ម ព្រោះបណ្តែតបណ្តោយឲ្យមានការផលិតស្រា និងប្រើប្រាស់ថ្នាំគីមីមិនត្រឹមត្រូវ ៕
