មានជ័យ ៖ មន្ត្រីគយបោះទីតាំង នៅជិតគល់ស្ពានទឹកថ្លាកក្រុងសិរីសោភ័ណខេត្តបន្ទាយមានជ័យត្រូវបានម្ចាស់ឡានដឹកចោទថា ប្រើអំណាចរដ្ឋកំណត់ឲ្យក្រុមឈ្មួញរកស៊ីដឹក ទំនិញបង់លុយតាមរបៀបពុករលួយ។
ប្រភពដដែល បានឲ្យដឹងទៀតថា មន្ត្រីគយប្រចាំការនៅចំណុចខាងលើនេះ បានចាប់ឡានក្រុងដឹកទំនិញគេចពន្ធបានហើយ មិនចាប់ឱ្យបង់ពន្ធចូលរដ្ឋត្រឹមត្រូវនោះទេ…! គឺដោះលែងឡានដឹកទំនិញនោះវិញ ជាថ្នូរនិងប្រាក់រាប់លានតែមិនដឹងថាបានបង់ចូលរដ្ឋប៉ុន្មានទេព្រោះគ្មានវិក័យបត្រ័(sic)។
ក្រៅពីនេះ មន្ត្រីគយ និងក្រុមឈ្មួញ ចរចាត្រូវគ្នា កំណត់ឲ្យក្រុមឈ្មួញបង់លុយ បើរថយន្ដក្រុងក្នុង១គ្រឿង តម្រូវឲ្យបង់លុយបាយទឹកប្រចាំខែ ចំនួន១លានរៀល បើរថយន្ដ៥គ្រឿង ត្រូវបង់មួយខែ៥លានរៀល ។ ហើយត្រូវកត់ស្លាក់លេខរថយន្តក្រុងទាំងនោះអោយទៅក្រុមការងារ គយចលត័ ដែលមានទីតាំងនៅជិតគល់ស្ពានទឹកថ្លាដើម្បីអោយ គេស្គាល់ថា ជាក្រុមឡាន ដែលបានបង់លុយបាយ ទឹកប្រចាំខែរួចហើយ ។
បើរថយន្ដឈ្មួញមួយណា មិនព្រមជួបចរចា បង់លុយប្រចាំខែនោះទេ…! នឹងត្រូវក្រុមការងារគយ ចាំសង្កេតតាមដានមើល ហើយបើដឹងថាលួចបង្កប់ដឹកទំនិញ មិនបង់ពន្ធផ្សេងៗ និងត្រូវចាប់មកទីតាំងគយរើទំនិញចេញពីឡានយកមកថ្លឹង ហើយប្រាប់ពីការផាកពិន័យដូចខាងក្រោម ៖
១.ពិន័យក្បាលឡាន ចំនួន ៣០០០ដុល្លារ ទៅ៤០០០ ដុល្លារ
២.ត្រូវបង់អត្រាពន្ធ នៃទំនិញដែរ បានដឹកមិនបង់ពន្ធ ឧទាហរណ៍៤០០០ដុល្លារ បើសរុបគឺ៧០០០ដុល្លារ ទៅ ៨០០០ដុល្លារ ប៉ុន្តែដោយមានការពុករលួយ មេគយក្រសួងដែលប្រចាំការនៅជិតគល់ស្ពានទឹកថ្លាបានឃុបឃិត យកលុយក្រៅផ្លូវការជាមួយថៅកែឡានក្រុងដោយមិនចាំបាច់បង់ពន្ធចូលរដ្ឋត្រឹមត្រូវទេ ដោយថៅកែឡានសុំចរចារអោយលុយ ចំនួន ៦,០០០,០០០រៀល រឺ ៧០០០០,០០០រៀលដែលអាចចរចារបានដោយមិនចាំបាច់បង់ពន្ធហើយដោះលែងឡានដែលដឹកទំនិញគេចពន្ធទាំងនោះទៅវិញហើយមុននិងដោះលែងឡានចេញ មេគយបានប្រាប់ថៅកែឡានក្រុងទាំងនោះអោយមកកត់ស្លាកលេខឡានដែលខ្លួនមានទាំងប៉ុន្មានទុកអោយក្រុមការងារគយគេស្គាល់ហើយឡាន១គ្រឿងត្រូវបង់ថ្លៃបាយទឹកឱ្យមេគយក្រសួង ១,០០០,០០០រៀលក្នុងមួយខែ ជាថ្នូរមិនចាប់ឆែកឡានទាំងនោះ ចង់ដឹកអីដឹកទៅ។ ការិយាល័យនិពន្ធយើងខ្ញុំរង់ចាំការបកស្រាយបំភ្លឺពី មន្មន្ត្រីគយខាងលើចំពោះសេចក្តីរាយការណ៍នេះ ៕
