ក្រចេះ ៖ មន្ទីរសង្គមកិច្ច អតីតយុទ្ធជន និងយុវនិតិសម្បទា រៀបខួបលើកទី១១ ទិវាអតីតយុទ្ធជនកម្ពុជា ២១មិថុនា ដែលមានអតីតយុទ្ធជនប្រមាណ២៥០នាក់និង ប្រធានអនុប្រធាន មន្ទីរពាក់ពន្ទ័ និង កងកម្លាំងទាំង៣ប្រភេទ គ្រោមអធិបតីភាព លោក វ៉ា ថន អភិបាលខេត្តក្រចេះ។ ពិធីនេះដែលធ្វើឡើងនៅព្រឹកថ្ងៃទី ២៣ ខែ ឧសភា ឆ្នាំ២០១៨ នៅសាលមហោស្រព ខេត្តក្រចេះ។
លោក ថាន់សុគុណ ប្រធានមន្ទីរសង្គមកិច្ច អតីតយុទ្ធជន និងយុវនិតិសម្បា ខេត្តក្រចេះ បានលើកឡើងថា ការប្រារព្ធខួបលើកទី១១ ទិវាអតីតយុទ្ធជនកម្ជុជានាឱកាសនេះ គឺជាព្រិត្តការណ៍ជាតិមួយ ដ៍សំខាន់ ដើម្បីរំលឹកដល់គំរូវីរភាពដ៍មោះមុត និងគុណបំណាចដ៍ធំធេងរបស់វីរយុទ្ធជន យុទ្ធនារី កម្លាំង ប្រដាប់អាវុធ និងប្រជាពលរដ្ឋគ្រប់ស្រទាប់ ដែលបានធ្វើពលីកម្មយ៉ាងអង់អាចក្លាហាន បូជាសាច់ស្រស់ឈាមស្រស់ ដើម្បីបុព្វហេតុជាតិមាតុភូមិដ៍បវរនៃយើង ។
ពលីកម្មប្រកបដោយស្មារតីស្នេហាជាតិរបស់វិរអតីតយុទ្ធជន យុទ្ធនារី និងប្រជាពលរដ្ឋ គ្រប់ដំណាកកាលនៃប្រវត្តិសាស្រ គឺការួមចំណែក យ៉ាងសំខាន់ក្នុងកិច្ចការពារបូរណភាពទឹកដី កសាងសន្តិភាព និង ស្ថេរភាពសម្រាបប្រទេសកម្ពុជា សំដៅធានា ឲ្យមានការអភិវឌ្ឍសេដ្ឋកិច្ច និងសង្គមកិច្ច ដើម្បីជាប្រយោជន៍សម្រាបជាតិមាតុភូមិ។
ក្នុងឱកាសដ៍ថ្លៃថ្លានេះ សូមគោរពដល់វិញ្ញាណក្ខន វីរយុទ្ធជន យុទ្ធនារី និងប្រជាពលរដ្ឋកម្ពុជា ដែលបានបូជាជីវិត ដើម្បីបុព្វហេតុជាតមាតុភូមិ និងសូមគោរពកោតសសើរដល់កងកម្លាំងប្រដាប់អាវុធគ្រប់ប្រភេទ ដែលបានបំពេញភារកិច្ចរក្សាការពារសន្តិសុខ សណ្ដាប់ធ្នប់សាធារណះ គ្រប់ទីកន្លែង។
ប្រវតិសាស្ត្រកម្ពុជា បានឆ្លងកាត់សង្គ្រាម នងរបបប្រល័យពូជសាសន៍ប៉ុលពត បានបំផ្លិចបំផ្លាញ សង្គមជាតិខ្ទិចខ្ទី និងបន្សល់ទុកនូវផលលំបាកជាច្រើន ។គ្រោយថ្ងៃរំដោះ៧មករា ១៩៧៩ គឺជាប្រវត្តិសាស្ត្រ ដែលប្រទេសកម្ពុជាយើង បានរួចផុតពីរបបប្រល័យពូជន៍សាសន៍ប៉ុលពត ដែលបានបំផ្លិចបំផ្លាញ់ សង្គមសេដ្ឋកិច្ច ឲ្យខ្ទិចខ្ទី ដល់ឬសគល់នោះ រាជរដ្ឋាភិបាលបានយកចិត្តទុកដាក់ក្នុងការអនុវត្តគោលនយោបាយនានា ដើម្បីលើកកំពស់សុខមាភាព និងជីវភាពរស់នៅរបស់បងប្អូនអតីតយុទ្ធជន និងគ្រួសារឲ្យបានល្អប្រសេីរ ជាបន្តបន្ទាប់ស្របតាមស្ថានភាពនៃសេដ្ឋកិច្ចជាតិ។
ក្រោមការដឹកនាំប្រកបដោយកតិបណ្ដិត និងឈ្លាសវៃ របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានយកចិត្តទុកដាក់ក្នុងការផ្ដល់អាទិភាពដល់កាអនុវត្តន៍គោលនយោបាយ ចំពោះអតីតយុទ្ធជន ដើម្បីឆ្លេីយតបឲ្យបានសក្ក័សមទៅនឹងគុណបំណាច់របស់អតីតយុទ្ធជន ដែលបានពលីកម្មដើម្បីបុព្វហេតុជាតិមាតុភូមិ។
ក្នុងឱកាសនោះដែរ លោក វ៉ា ថនអភិបាលខេត្តក្រចេះ បានឡើងអានសារលិខិត សម្ដេចអគ្គមហាសេនាបតីតេជោ ហ៊ុន សែន នាយរដ្ឋមន្ត្រីនៃព្រះរាជណាចក្រកម្ពុជា និងសំណេះសំណាលជាមួយបងប្អូន អតីតយុទ្ធជន និងផ្ដាំផ្ញើឲ្យបងប្អូនទៅបាះឆ្នោតនៅថ្ងៃ២៩ ខែកក្កដា ឆ្នាំ២០១៨ ឲ្យបានគ្រប់គ្នា និងបោះឆ្នោតជូនអ្នកដឹកនាំ ដែលនៅរួមសុខរួមទុក្ខ ជាមួយប្រជាជន និងសូមកុំចូលរួមសកម្មភាពទាំងឡាយណា ដែលបង្កអសន្តិសុខ និងបង្កចលាចល ដល់សង្គមជាតិ។
ក្នុងឱកាសនេះដែរមន្ទីរសង្គមកិច្ច ផ្ដល់ជូនដល់អតីតយុទ្ធចំនួន២៥០នាក់ក្នុង១នាក់សារ៉ុង១ និងមី១កេះ ដោយឡែក លោក វ៉ា ថន អភិបាលខេត្តបានឧបត្ថមជូនថវិការជូនបងប្អូនអីតតយុទ្ធជន ក្នុង១នាក់២០០០០រៀលផងដែរ ៕
