មណ្ឌលលគិរី ៖ សកម្មភាពដឹកជញ្ជូនឈើប្រណីតឆ្លងដែនដោយខុសច្បាប់យកទៅលក់នៅប្រទេសវៀតណាមតាមច្រកទ្វារទ្វេភាគីអន្តរជាតិដាក់ដាំខេត្តមណ្ឌលគិរីនៅតែកើតមានយ៉ាងអនាធិបតេយ្យ ដោយអាជ្ញាធរនិងសមត្ថកិច្ចពាក់ព័ន្ធធើឬកន្ទេលធំបន្លំដេកតាមរយៈថាមិនហ៊ានប៉ះពាល់ជាមួយនិងមេឈ្មួញនោះទេ? ។
ឈ្មួញដែលគេរាយការណ៍ថាសកម្មជាងគេអាឡុវនោះមាន ឈ្មោះ ម៉ាប់រហ័ស្សនាមក្របីដែលកន្លងមកគេដឹងថាម្សៀនេះជាមនុស្សជិតស្និទជាមួយលោកឧត្តមសេនីយ៍ឧកញ៉ាហ៊ុនជាដែលកំពុងជាប់ទោសគុកព្រោះបាញ់បោះសេរីគម្រាមសម្លាប់។
អាឡូវម្សៀម៉ាប់ឬអាក្របីបាននិងកំពុងធ្វើសកម្មភាពប្រព្រឹត្តបទល្មើសព្រៃឈើដែលប្រឆាំងនឹងបទបញ្ជាសម្តេចនាយករដ្ឋមន្ត្រីហ៊ុសែន ដឹកជញ្ជូនឈើឆ្លងដែនដោយខុសច្បាប់យកទៅលក់នៅប្រទេសវៀតណាម តាមច្រកដាក់ដាំនិងច្រកប្រាំពីរ(ណាំលៀ)ខេត្តមណ្ឌលគិរី គគ្រឹកគគ្រេងដូចគេហែរកឋឹនជារៀងរាល់យប់ តាមរថយន្តសាំយ៉ុងយ៉ាងតិច៦០គ្រឿងដោយមានរថយន្តឡង់គ្រីសរ័ពាក់ស្លាកលេខ០០៧នាំមុខគ្មាន សម្ថកិច្ចណាធើដឹងក្រៅពីដេកចាំទទួលលាភសក្ការៈនោះឡើយ? ។
សូមបញ្ជាក់ថា បន្ទាប់ពីមានករណីបាញ់ប្រហារបណ្តាលឲ្យស្លាប់អ្នកការពារព្រៃឈើបីនាក់នៅប៉ុស្តិព្រុំដែន អូរលែរកាលពីប៉ុន្មានខែកន្លងទៅនេះហើយជនបង្កមិនទាន់ឃើញផ្តន្ទាទោសដាក់គុកប៉ុន្មានឆ្នាំផងនោះគេឃើញថា ឈ្មោះ ម៉ាប់ហៅក្របីនេះហាក់បីដូចជា កំពុងជិះសេះលែងដៃមិនខ្វល់ខ្វាយ ពីមន្ត្រីជំនាញណាហ៊ានចូលទៅតំបន់នោះទៀតទេ ទើបក្រុមរថយន្តដឹកឈើរបស់លោក ម៉ាប់ បានដំណើរការយ៉ាងរលូនជាមួយសមត្ថកិច្ចគ្រប់ផ្នែកទាំងអស់ ដែលប្រចាំការនៅច្រកដាក់ដាំនេះតែម្ដង ។
សូមបញ្ជាក់ដែរថាកាលពីអឡុងខែកញ្ញឆ្នាំ២០១៦ម្សៀរម៉ាប់នេះបានប្រើកាំភ្លើងអាកាបាញ់គម្រាមគេឯងនៅមុខបញ្ជាការប៉េអឹមស្រុកអូរាំងអស់ចិតមួយបង់តែគ្មានអ្នកណាហ៊ានធើប្រដាប់អីម្សៀម៉ាប់ឡើយដោយពួកគេខំជួយបន្លប់បំបិទរឿងទៅវិញ!។
ប្រភពដដែលនោះ បានខ្សឹបប្រាប់ថា ម្ចាស់រថយន្តឡង់គ្រីស័រជាច្រើនគ្រឿងនេះត្រូវបានគេស្គាល់ឈ្មោះថាជារបស់លោកម៉ាប់ហៅលោកក្របីជាមេការឈ្មួញឈើល្បីផ្អៀងប្រទេសបានរត់ការជាមួយស្ថាប័នពាក់ព័ន្ធនៅក្នុងខេត្តមណ្ឌលគីរីរួចអស់ហើយបានជាស្ងាត់ឈឹងចឹងនោះ។
ប្រជាពលរដ្ឋបានសំណូមពរដល់លោកស្នងការនគរបាលខេត្តមណ្ឌលគិរីឡោកសុខានិងជាពិសេស លោក ស្វាយ សំអ៊ាង អភិបាលខេត្តដែលមានអំណាចម៉ាខេត្ត មណ្ឌលគីរីគួរមានវិធានការទប់ស្កាត់បង្ក្រាបផងបើមិនចង់ឲ្យប្រជាពលរដ្ឋ ការរិះគន់ថាម្សៀម៉ាប់ហៅក្របីនិងចៅហ្វាយខេត្តគឺតែមួយ!?៕
