ក្រចេះ ៖ នៅព្រឹកថ្ងៃទី១៩ ខែឧសភា ឆ្នាំ២០១៨ លោកជំទាវស៊ុន សាភឿន តំណាងរាស្ត្រមណ្ឌលក្រចេះ និងលោក ខ័ណ្ឌ ចំណាន អភិបាលរងខេត្ត និងជាប្រធានក្រុមការងារថ្នាក់ខេត្តចុះជួយស្រុកឆ្លូងអញ្ជើញជាគណៈអធិបតីក្នុងទិវានៃការចងចាំ ថ្ងៃទី២០ ខែឧសភា ជាថ្ងៃរំលឹកដល់ជនរងគ្រោះ និងការឈឺចាប់ពីឧក្រិដ្ឋកម្មដែលកើតមានក្នុងរបបកម្ពុជាប្រជាធិបតេយ្យ ចាប់ពីថ្ងៃទី១៧ ខែមេសា ឆ្នាំ១៩៧៥ ដល់ថ្ងៃទី០៦ ខែមករា ឆ្នាំ១៩៧៩ នៅបរិវេណវត្តហាន់ជ័យក្រោម ឃុំហាន់ជ័យ ស្រុកឆ្លូង ដោយមានការចូលរួមពីលោកបណ្ឌិត កៅ ម៉ាឌីឡែន ប្រធានមន្ទីររៀបចំដែនដីខេត្ត និងជាអនុប្រធានក្រុមការងារថ្នាក់ខេត្តចុះជួយឃុំពង្រ ព្រមទាំងសមាជិក សមាជិការ មកពីឃុំពង្រ និងឃុំឆ្លូង ប្រមាណជា៨៥០នាក់។
នៅក្នុងឱកាសនោះដែរ លោកជំទាវ ស៊ុន សាភឿន និងលោកបណ្ឌិត កៅ ម៉ាឌីឡែន បានផ្ដល់អំណោយជាក្រម៉ា ដល់សមាជិក សមាជិការ ម្នាក់មួយ ៕
ដោយ កិះខន
