ពោធិ៍សាត់ ៖ សេចក្ដីរាយការណ៍ពីប្រជាពលរដ្ឋឲ្យដឹងថា៖កាលរសៀលថ្ងៃទី១២ ខែឧសភា ឆ្នាំ២០១៨មានកងកម្លាំងកងរាជអាវុធហត្ថខេត្តពោធិ៍សាត់ និងកម្លាំងស្រុកវាលវែង ដឹកនាំដោយលោកវរៈសេនីយ៍ទោ ឌុច សម្ផស្សបាន ឃាត់បានរថយន្ត១គ្រឿងដឹកឈើគឺ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ ៣A ៤៣៩២ ដឹកឈើប្រភេទលេខ ២ (គ្រឿងផ្ទះ) ចំនួន៣៦,៩៦០ ម៉ែត្រគូប ត្រូវបានរឹបអូសនៅក្នុងឃុំប្រម៉ោយ ស្រុកវាលវែង ខេត្តពោធិ៍សាត់ ។ តែសម្រាប់ប្រជាពលរដ្ឋដែលដឹងហេតុការណ៍ពីការប្រព្រឹត្តបទល្មើសព្រៃឈើមិនបានសាទរទេដោយគាតនិយាយាយថារថយន្តយីឌុបដឹកឈើដោយដាក់ប្រភេទឈើលេខ២ខាងលើឈើប្រណិតនៅខាងក្រោមនេះមានស្ទើជារាងរាល់ថ្ងៃជាពិសេសរថយន្តដឹកអុសពីលើ ឈើប្រណិតពីក្រោម ឬអង្កាមពីលើឈើពីក្រោមដើម្បីបំភាន់ភ្នែកមហាជនក្នុងនោះគឺបំភាន់ភ្នែកអ្នកកាសែតតែម្ដង ។
បទល្មើសនេះមន្ត្រីជំនាញពាក់ព័ន្ធ ពួកគេសុទ្ធតែដឹងច្បាស់នូវស្លាកលេខនិងភិនភាគគ្រប់រថយន្តដឹកឈើមុនធ្វើដំណើរម្ចាស់ឈើគឺពួកគេបានទំនាក់ទំនងគ្នាតាមរយៈទូរស័ព្ទ ជាមួយសមត្ថកិច្ចរួចហើយ ទើបចេញដំណើរបានដោយរលូន និងមានសមត្ថកិច្ចមួយចំនួនតូចក៏បានជិះរថយន្តរ៉ុងមើលផ្លូវទៀតផង។ប្រជាពលរដ្ឋនិយាយរិះគន់ចំៗថាយូៗទើបចាប់បានម្ដងនោះ គឺមិនមានអ្វីចម្លែកនោះទេ គឺ មកពីចរចាមិនត្រូវលុយគ្នា ។
សូមបញ្ជាក់ថា បទល្មើសព្រៃឈើនៅក្នុងអាណាចក្រខេត្តពៅធិសាត់របស់លោកម៉ៅធនិនគឺគ្មានធ្លាក់ថយអីទេបើទោះជាមានបទបញ្ជារឲ្យបង្ក្រាបពីនាយករដ្ឋមន្ត្រីក៏ដោយ។បើយោងតាមសេចក្ដីរាការណ៍ព័ត៌មានពីខេត្តពោធិ៍សាត់បានបានឲ្យដឹងថា ក្នុងរយៈពេលប៉ន្មានខែដើមឆ្នាំ២០១៨នេះឈ្មួញឈើដែលមានងារជាឧញ្ញ៉ាម្នាក់ដែលគេស្គាល់ថាឈ្មោះតាំង អៀងបានមករកស៊ីប្រម៉ូលទិញដឹកតាមរថយន្តឈើយីឌុបនៅអាណាចក្រខេត្តពោធិ៍សាត់ ពិសេសនៅក្នុងទឹកដីស្រុកវាលវែងនិងស្រុកភ្នំក្រវាញ។
ការប្រមូលទិញឈើនេះគឺគេបានប្រើល្បិច ជួលក្រុមម៉ូតូអោយឌុបឈើពីចំណុចចាប់ពីស្ទឹងថ្មី ជើងភ្នំចិនយំ គឺចំណុចច្រកព្រាល តក់ឡក់ អូដេកា អូលាក់មាស ពងពង់ក្នុងភូមិស្ទឹងថ្មី ឃំុប្រម៉ោយ ស្រុកវាលវែង និងចំណុចស្ដុកត្នោត វាលអន្ទ្រីនិងចំណុចខ្សាច់ពូក ក្នុងស្រុកភ្នំក្រវាញ ខេត្តពោធិសាត់ ដោយអោយក្រុមម៉ូតូឌុបទាំងនោះដឹកជញ្ជូនឈើប្រណឹតចូលស្នាក់ការក្រុមហ៊ុនទ្រី ភាពដែលមានទីតាំងនៅដំណាក់ឈើក្រមនិងដាក់នៅឃុំផ្ទះរង់ស្រុកភ្នំក្រវាញរួចលើកឡើងឡានយីឌុបកាត់(PC)ចេញពីរដ្ឋាលព្រៃឈើហើយគ្របតង់ជិតដឹកចេញទៅលក់នៅប្រទេសវៀតណាមយ៉ាងរំភើយ។
សេចក្ដីរាយការណ៍ខាងលើបានអោយដឹងផងដែរថា មេឈ្មួញដែលមានឈ្មោះខាងលើគេអាចរកស៊ីបានយ៉ាងរលូនដោយមានការឃុបឃិតគ្នាមានលក្ខណៈជាប្រព័ន្ធ ចាប់តាំងពី មន្ត្រីជំនាញបរិស្ថាន រដ្ឋបាលព្រៃឈើ ប៉ូលីស ប៉េអឹម និងអាជ្ញាធរថ្នាក់ស្រុករហូតថ្នាក់ខេត្តផងដែរ ហើយការដឹកជញ្ជ្ជូនឈើប្រណឹតសព្វថ្ងៃអត់មានសមត្ថកិច្ចណាហ៊ានចាប់ទេ បើសិនជាសមត្ថកិច្ចពាក់ព័ន្ធ ឬមន្ត្រីជំនាញណាហ៊ានចាប់ត្រូវលោកអភិបាលខេត្តអន្តរាគន៍បញ្ជាអោយដោះលែងវិញផងដែរ។
បើមានក្រុមអ្នកសារព័រមាននិងអង្ការសង្គមស៊ីវិលណាចុះទៅយកព័ត៌មានជួបអ្នករកស៊ីបបល្មើសព្រៃឈើពាក់ព័ន្ធនិងរឿងលុយកាក់ ភាគច្រើតែងទទួលរងនូវការឃាត់ខ្លួនតាមបញ្ជាពីថ្នាក់លើអោយចាប់ដាក់គុកភ្លាមដែរព្រោះអ្នករកស៊ីឈើនៅខេត្តពោធិ៍សាត់ភាគច្រើនសុទ្ធតែមានលេខទូរស័ព្ទលោកអភិបាលខេត្តស្ទើគ្រប់គ្នានៅពេលក្រុមការងារអ្នកសារព័ត៌មានពាក់ព័ន្ធនិងអង្ការសង្គមស៊ីវិលទាំងនោះពាក់ព័ន្ធរឿងលុយកាក់គឺពួកគេផ្ដល់ព័ត៌មានទៅថ្នាក់ហើយត្រូវគេបញ្ជាអោតចាប់ ដោយចោទពីបទជំរិតទាប្រាក់ឬ(កំហែងយក)ដែលជាបទព្រហ្មទណ្ឌ ៕
