កំពង់ឆ្នាំង ៖ ស្ត្រីម្នាក់បានឈឺពោះឆ្លងទន្លេហើយប្ដីរបស់គាត់បានជួលម៉ូតូដឹកយកមកមណ្ឌលសុខភាពស្រុកបរិបូរណ៍ប៉ុន្តែពេទ្យនៅមណ្ឌលសុខភាពស្រុកបរិបូរណ៍ប្រាប់ថាកូនរបស់គាត់ទាល់តែទៅឆ្លងទន្លេនៅមន្ទីពេទ្យបង្អែកខេត្តទើបបានប៉ុន្តែទាល់តែមាន១០ម៉ឺនរៀលសម្រាប់ថ្លៃរថយន្តមន្ទីរពេទ្យបង្អែកស្រុកទើបបាន។ប្អូនស្រីអ្នកមានផ្ទៃពោះ បានប្រាប់ទៅអ្នកគ្រូពេទ្យវិញថាប្ដីគាត់មានលុយត្រឹមតែ១០ម៉ឺនរៀលអោយថ្លៃម៉ូតូកង់៣ដឹកពីជើងកំពង់ឆ្នុកទ្រូមកមន្ទីពេទ្យស្រុកបរិបូរណ៍អស់១ម៉ឺនរៀលហើយ នៅទៅសម្រាកហូបចុកក្នុងមន្ទីពេទ្យទៀតផងនោះតើអោយខ្ញុំមានមានលុយឯណា?។
ពេលនោះពេទ្យប្រាប់អោយគាត់ទៅឈរចាំកាក់ឡានឈ្នួលទៅ។គាត់ក៏ទៅឈរចាំកាក់ឡាឈ្នួលតាមពេទ្យប្រាប់ប៉ុន្តែមិនមានឡានទេ។ ដោយសភាពកូនក្នុងផ្ទៃធ្វើទុកខ្លាំងពេកក៏សម្រេចចិត្តជួលម៉ូតូកង់៣ដឹកប្រពន្ធទៅមន្ទីរពេទ្យបង្អែកខេត្តទាំងយប់តែម្ដងក្នុងតម្លៃ៤០០០០រៀល។
ដំណឹងនេះក៏បានបែកធ្លាយលេចឮដល់លោកឃួន សៅរ៍រ៉ំអភិបាលស្រុកបរិបូរណ៍ហើយលោក៏បានបញ្ជាអោយខាងមន្ទីពេទ្យស្រុកបរិបូរណ៍យករថយន្តសង្គ្រោះបន្ទាន់របស់មន្ទីរពេទ្យស្រុកចេញទៅតាមម៉ូតូកង់៣ដែលដឹកស្ត្រីទៅសម្រាលកូនទាំងយប់នៅមន្ទីរពេទ្យខេត្តនោះភ្លាម ហើយក៏បានទៅទាន់នៅចំណុចស្ពានសាបអង្កាមព្រំប្រទល់ស្រុកបរិបូរណ៍ និងស្រុករលាប្អៀរហើយក៏បានលើកស្ត្រីនោះដាក់រថយន្តសង្គ្រោះបន្ទាន់ដឹកបញ្ជូនបន្តទៅមន្ទីរពេទ្យបង្អែកខេត្តតែម្ដង។
-ប្អូនស្រីបានបញ្ជាក់ថា គាត់មានឈ្មោះ ផឹម គីមលី អាយុ ២១ឆ្នាំ មានប្តីឈ្មោះ ម៉ក់ តក់ អាយុ២៦ឆ្នាំរស់នៅភូមិកោះមនោរ ឃុំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង។ ឆ្លងទន្លេលើនេះជាកូនទី២ ហើយ រូបគាត់បានបញ្ជាក់ថា គ្រួសាររបស់គាត់មានលុយតែ១០ម៉ឺនរៀលប៉ុណ្ណោះបានជួលម៉ូតូកង់បី ជិះពីផ្ទះមកមន្ទីរពេទ្យបង្អែកស្រុកបរិបូរណ៍ ថ្លៃឈ្នួល១០០០០រៀល ពេលមកដល់ពេទ្យបង្អែកស្រុក ពេទ្យប្រាប់ថា កូនរបស់គាត់ទាល់តែឆ្លងទន្លេរនៅមន្ទីពេទ្យ.ខេត្ត ហើយបានប្រាប់គាត់ថា ទាល់តែមានលុយ១០ម៉ឺនរៀល ទើបអាចរថយន្តពេទ្យស្រុកជូនទៅបាន គាត់ប្រាប់វិញថា គាត់មិនមានលុយទេ ខាងមន្ត្រីពេទ្យបានប្រាប់គាត់អោយឈរចាប់កាក់ហៅរថយន្តឈ្នួលតាមផ្លូវ រូបគាត់បានមកឈរនៅផ្លូវដើម្បីហៅរថយន្តឈ្នួល តែហៅមិនបាន ដោយអាការ: កូនក្នុងផ្ទៃធ្វើទុកខ្លាំង គាត់បានសម្រេចចិត្តហៅជួលម៉ូតូកង់៣ជូនគាត់មកពេទ្យខេត្តទាំងយប់ ។ នៅល្ងាចថ្ងៃនេះស្ត្រីរូបនេះបានឆ្លងទន្លេរប្រកបដោយសុវត្ថិភាព ទាំងម្តាយនិងកូន (កូនប្រុស)។
បន្ទាប់ពីទទួលបានព័ត៌មានស្ដីពីស្ត្រីម្នាក់ឆ្លងទន្លេខាងលើដែលពេទ្យស្រុកបរិបូរណ៍មិនបានយកចិត្តទុកដាក់យករថយន្តសង្គ្រោះបន្ទាន់ដឹកបញ្ជូនទៅមន្ទីរពេទ្យបង្អែកខេត្តកំពង់ឆ្នាំងដោយសារគ្មានលុយ១០ម៉ឺនអោយ អោយថ្លៃរថយន្តហយត្រូវបង្ខំចិត្តជួលម៉ូតូកង់បីដឹកប្រពន្ធយកទៅមន្ទីរពេទ្យខេត្តទាំងយប់នោះមកក៏មានសប្បុរសជនជាច្រើនបាន (Comment) ចូលមកជួយឧបត្ថមជាថវិកាមួយចំនួនសម្រាប់ជួយដល់ស្ត្រីឆ្លងទន្លេខាងលើនោះផងដែរ ។
ក្នុងនោះមាន៖១-/លោកផែង វណ្ណៈបានជួយឧបត្ថម្ភដល់ស្ត្រីឆ្លងទន្លេខាងលើនូវថវិការចំនួន២០ម៉ឺរៀល ។២-/ឯកឧត្តមឧកញ្ញ៉ា កុយ សុវណ្ណប្រធាសម្ព័នយុវជនស្រឡាញ់សន្តិភាព បានឧបត្ថម្ភថវិកាចំនួន១០ម៉ឺនរៀល៣-/លោកឃួន សៅរ៍ រ៉ំអភិបាល នៃគណៈអភិបាលស្រុកបរិបូរណ៍ឧបត្ថម្ភថវិកាចំនួន១៥ម៉ឺនរៀល។
៤-/ស្នាក់គណៈប្រជាជនស្រុកបរិបូរណ៍ ឧបត្ថម្ភថវុកាចំនួន៥ម៉ឺនរៀល។៥-/លោកគង់ ប៊ុន ធឿន(ហៅគីរី ពេជ្រ)ឧត្ថម្ភថវិកាចំនួន៥ម៉ឺនរៀល។
-សប្បុរសជនចូលរួមឧបត្ថម្ភតាមរយៈលោកសាំង គឹមស៊នមេឃំុឆ្នុកទ្រូមានថវិកាចំនួន២០ម៉ឺនរៀល និងមានសប្បុរស់ជនជាច្រើនទៀតដែលបានចូលរួមឧបត្ថម្ភថវិកាតាមរយៈលោកឃួន សៅរ៍ រ៉ំអភិបាលស្រុកបរិបរណ៍នូវទឹកប្រាក់មួយចំនួនទៀតផងដែរសម្រាប់ជួយឧត្ថម្ភដល់ស្ត្រីឆ្លងទន្លេខាងលើដែលកំពុងជួបការកង្វះខាតនេះ។
លោក ឃួន សៅរ៍ រ៉ំ បានប្រាប់អោយដឹងថា តួរលេខថវិកាដែលលោកទទួលបានពីសប្បុរសជនបានកើនឡើងដល់ជាង៨០ម៉ឺនរៀល ហើយពេលនេះនៅក្នុងដៃរបស់លោកដែលទទួលបានពីសប្បុរសជនមានចំនួន៤៨ម៉ឺនរៀលហើយលោកនឹងយកទៅឧបត្ថម្ភដល់ស្ត្រីដែលឆ្លងទន្លនោះនៅមន្ទីរព្យេបង្អែកខេត្តកំពង់ឆ្នាំងនៅរសៀលថ្ងៃទី១៦ខែឧសភា ឆ្នាំ២០១៨ នេះ ៕
