កំពង់ឆ្នាំង ៖ ប្រភពពីមន្ត្រីក្នុងជួគណបក្សCPPបានទម្លាយសម្លេងរិះគន់ចេញពីក្រុមការងារមន្ត្រីជួរបក្សថ្នាក់ខេត្តកំពង់ឆ្នាំង អោយអ្នកយកព័ត៌មានយើង ដឹងថា ៖សព្វថ្ងៃគេសង្កេតឃើញល្បែងប្រជល់មាន់បៀរអាប៉ោងក៏ដូចជាល្បែងស៊ីសងគ្រប់ប្រភេទកំពុងបើកដំណើរការលេងជាយូរខែណាស់មកហើយគេមិនដែលឃើញមានអាជ្ញាធរឬសមត្ថកិច្ចពាក់ព័ន្ធណាចេញមកបង្ក្រាបឡើយ។
បើទោះបីជាមានបទបញ្ជាដ៏ហ្មឺងម៉ាត់របស់សម្ដេចក្រឡាហោម ស ខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃដែលបានបញ្ជាអោយលោកស្នងការនគរបាលខេត្តគ្រប់បណ្ដាខេត្តទូទាំងប្រទេសទប់ស្កាត់និងបង្ក្រាបបទល្មើសមួយនេះអោយបានជាដាច់ខាតយ៉ាងណាក៏ដោយ។
ទីតាំងល្បែងស៊ីសងខាងលើស្ថិតនៅ(ទួលឥន្ទ្រី)(រណ្ដៅដី)(និងទួលដើមឈើទាល)ស្រុកកំពង់ត្រឡាចនិងស្រុកសាមគ្គីមានជ័យខេត្តកំពង់ឆ្នាំងដែលមានមេខ្លោងគ្រប់គ្រងនិងកាងបនល្បែងឈ្មោះសូ ឆងជាមន្ត្រីយោធាផ្នែកគីមីសាស្ត្រពាក់សក្តិបួនកន្លះនិងមានមេការម្នាក់ទៀតឈ្មោះប្លង់ជាអ្នកប្រមូលលុយ.។សេចក្ដីរាយកាណ៍បានអោយដឹងផងដែរថា ទីតាំងល្បែងស៊ីសងខុសច្បាប់១នេះកំពុងលេងដោយមានមនុស្សច្រើនសន្ធឹកសន្ធាប់ ចូលទៅលេង និងហ៊ោកញ្ជៀវយ៉ាងកងរំពង ដោយមិនខ្លាច ញញើតអ្វី និងមិនរំខានដល់អាជ្ញាធរនិងសមត្ថកិច្ចណាឡើយ។
ប្រជាពលរដ្ឋនិយាយថាវង់ល្បែងស៊ីសងនេះមានការឃុបឃិតជាប្រព័ន្ធជាមួយមន្ត្រីអាជ្ញាធរនិងសមត្ថកិច្ចក្នុងមូលដ្ឋានទើបអាចប្រព្រឹត្តទៅបានដោយរលូនបែបនេះ។
បើយោងតាមសេចក្ដីរាយការណ៍ពីប្រជាពលរដ្ឋបានឲ្យដឹងថាយ៉ាងហោចណាស់ក៏មានមន្ត្រីនគរបាលនិងមន្ត្រីអាវុធហត្ថមួយចំនួនក្លាយជាឆ្មាំការពារនិងជាអ្នកកាងល្បែងស៊ីសងដោយខុសច្បាប់មួយកន្លែងនេះមិនអោយអ្នកកាសែតចូលទៅថតរូបភាពបានទេ។
សព្វថ្ងៃនេះទីតាំងល្បែងស៊ីសងខុសច្បាប់ខាងលើ់កំពុងតែធ្វើសកម្មភាពបើកលេងយ៉ាងអនាធិបតេយ្យដោយមានក្រុមបងតូចបងធំសុទ្ធតែជើងខ្លាំងយាមនិងការពារយ៉ាងតឹងរឹងបំផុតហើយមន្ត្រីអាជ្ញាធរឬសមត្ថកិច្ចតូចតាចមិនហ៊ានក្បែរឡើយខណ:ពួកគេប្រើពាក្យគំរាមមកលើអ្នកសារព័ត៌មានសំរាប់កាងវង់ល្បែងនេះដោយពួកគេបើកអោយលេងជាចំហរដែលធ្វើអោយម្ចាស់បនល្បែងរកចំណូលពីអ្នកចូលលេងមិនក្រោម៧.៨ពាន់ដុល្លារទៅ១ម៉ឺនដុល្លារឡើយក្នុងមួយខែៗ បើគេប្រៀបធៀបលេងនៅក្នុងកាស៊ីណូ ដោយគេយកលុយតង់ពីអ្នកជល់មាន់ក្នុង១គូរៗចាប់ពី ១០ម៉ឺនរៀលឡើងទៅដែល ១ថ្ងៃ ៗមានមាន់ទៅជល់មិនក្រោមពី ២០គូរនោះឡើយ មិនតែប៉ុណ្ណោះមេសង្វៀនតម្រូវអោយអ្នកលក់ឥវ៉ាន់ ទំនិញម្ហូបអាហារបង់លុយអោយរាប់ម៉ឺនរៀលក្នុង១ថ្ងៃៗទៀផង ៕
