កំពង់ឆ្នាំង ៖ ការណីនេះ បានកើតឡើងកាលពីព្រឹកថ្ងៃទី២៨ខែមេសា ឆ្នាំ២០១៨កន្លងទៅនេះដោយមានប្រជាជនជាង៨០គ្រួសារដំណាងអោយប្រជាជនជាង៣០០គ្រួសាររស់នៅក្នុង ភូមិភ្នំតាសាំ ឃុំគ្រាំងស្គារ ស្រុកទឹកផុសខេត្តកំពង់ឆ្នាំង បានជួបជុំគ្នាធ្វើការតវ៉ាទាមទារដីចំនួន២១ហិចតាដែលលោក គង់ សំអ៊ីម អតីតជាមេឃុំនិងបច្ចុប្បន្នធ្លាក់មកជាជំទប់ទី២បានឃុបឃិតគ្នា ជាមួយលោក ប្រាក់ សុខឿន លោកសៅ ខេ និងមេឃុំគ្រាំស្គាបច្ចុប្បន្នគឺអ្នកស្រី កែវ យ៉ានព្រមទាំងប្រជាពលរដ្ឋ១១គ្រួសារទៀតលួចក្លែងឯកសារលក់ដីរដ្ឋចំនួន២១ហិកតាដែលជាដីរួមរបស់ប្រជាពលរដ្ឋជាង៣០០គ្រួសារនៅចំណុចអូរក្រសា ឃុំគ្រាំងស្គារទៅអោយឈ្មួញកាលពីថ្ងៃទី១៤មិនាឆ្នាំ២០១៨កន្លងទៅដើម្បីយកមកធ្វើជាទ្រព្យសម្បត្តិរួមវិញ។
លោក ចាន់ ក្រេត ដំណាងប្រជាជន បានរាបរាប់ប្រាប់អ្នកយកពត៌យើងដឹងថា៖ដើមឡើយដីនៅចំណុចអូរក្រសារនេះជាដីសហគមន៍មានចំនួន៧៣០ហិកតា។ក្រោយមកនៅក្នុងឆ្នាំ២០១៧ដីនេះក៍បានប្រគល់មកអោយប្រជនជាអ្នកកាន់កាប់វិញ។ពេលនោះក្រុមប្រជាជនក៍បានធ្វើការវាស់វែងឃើញនៅសល់ត្រឹមតែ១៤២ហិកតាតែប៉ុណ្ណោះ។ ស្រាប់តែមានប្រជាជន១១គ្រួសារបានអះអាងថា៖ក្នុងដី១៤២ហិកតានោះគឺមានដី២១ហិកតាជារបស់ខ្លួនដែលមានប្លង់ត្រឹមត្រូវទទួលស្គាល់ដោយអាជ្ញាធរភូមិនិងឃុំ។
ពេលលឺដូចច្នោះប្រជាជនជាង៣០០គ្រួសារក៍បានធ្វើការទាមទារអោយអ្នកទាំង១១គ្រួសានោះប្រគល់ដីទាំង២១ហិកតានោះមកធ្វើជាសម្បត្តិរួមវិញ។កានិយាយចចាគ្នាបានអូសបន្លាយជាយូខែលុះរហូតមកដល់ម៉ោងប្រហែលជា9ព្រឹកថ្ងៃទី១៤មិនា២០១៨ក្រុមប្រជាជនទាំង១១គ្រួសារក៍បានយល់ព្រមធ្វេីកិច្ចសន្យាប្រគល់ដី២១ហិចតានោះមកជាសម្បត្តិរួមវិញដែលមានអាជ្ញាធរភូមិនិងឃុំជួយដឹងលឺព្រមទាំងមានការឯកភាព ផង។
លិខិតប្រគល់ដីទាំង២១ហិចតានោះប្រជាជនទាំងជាង៣០០គ្រួសារមិនបានពិនិត្យទេដោយជឿជាក់លើអាជ្ញាធរភូមិនិងឃុំជាអ្នករៀបចំ។ មិនបានប៉ុន្មានម៉ោងផង នៅថ្ងៃដដែលនោះស្រាប់តែបែកធ្លាយឯកសារថាលោក គង់ សំអ៊ីម អតីតៈមេឃុំគ្រាំងស្គាតែបច្ចុប្បន្នធ្លាក់មកជំទប់ទី2និងបក្សពួកមានមេភូមិនិង ឃុំបានធ្វើលិខិតលក់ទិញជាមួយឈ្មួញដែលមានចុះហត្ថលេខាពីមេភូមិនៅរសៀលថ្ងៃ១៤មិនា២០១៨ថ្ងៃដដែលនិងមេឃុំស៊ីញ៉េនៅថ្ងៃទី១៥មិនាឆ្នាំ២០១៨វាយត្រាឡើងក្រហមឆ្អៅ។
ពេលដឹងថា លោកគង់ សំអ៊ីម និងបក្សពួកមានភូមិឃុំនិងប្រជាជន១១គ្រួសារលេងល្បែងឆ្ពិនភ្នែកដាក់ពួកគាត់បែបនេះ ប្រជាជនទាំងជាង៣០០គ្រួសារដែលរស់នៅភូមិភ្នំតាសាំឃុំគ្រាំងស្គារស្រុកទឹកផុសខេត្តកំពង់ឆ្នាំងគឺកើតទុក្ខមិនសុខចិត្តទេគឺពួកគាត់ទាមទាដី២១ហិកតានោះមកដាក់ជាទ្រព្យសម្បត្តិរួមវិញ។ករណីនេះលោក គង់ សំអ៊ីម បានបំភ្លឺថាពិតជាបានលក់មែនដោយសារប្រជាជនទាំង១១គ្រួសារដែលមានប្លង់កាន់កាប់នោះបានផ្តិតមេដៃប្រគល់សិទ្ធិជូនគាត់សំរាប់លក់អោយឈ្មួញជំនួស ៕